मरकुस 2
2
हवा भेयड़ानै निरोगो करबो
(मत्ती 9:1–8; लूका 5:17–26)
1क्युंक दिना क पाछै ओज्यु ईसु कफरनूम म आयो। अर मिनखानै इ बात को बेरो चाल्यो क बो घरा ह। 2अर बि घर क मांयनै अर बारनै अत्ता मिनख भेळा होया क बठै तिल धरबा की बी झघा कोनी री। अर ईसु मिनखानै परबचन देर्यो हो। 3अत्ती बारामई बठै च्यार मिनख एक भाळ भेयड़ा मिनखनै उठार ल्याया। 4पण घणीसारी भीड़ की बजेऊँ बे बिनै ईसु कनै कोनी लेज्या सक्या। जणा बे अंय्यां कर्या क बे बि कोठा की छात प चढगा अर जठै ईसु हो बठैऊँ बि छातनै हटाया अर बे बिनै खाटली प सुवार रस्सा क बळ ईसु कनै लटका दिओ 5ईसु बाकाळा बिस्वासनै देखर बि हवा भेयड़ा मिनखऊँ बोल्यो, “बेटा तेरा पाप धुपगा।” 6बि बठै सास्तरानै सीखाबाळा बी बेठ्या हा। बे आप-आपका हिया म सोचबा लाग्या, 7“ओ मिनख अंय्यां की बात क्युं बोलै ह। ओ तो परमेसर की बुराई करै ह, परमेसर क अलावा किकी मजाल क बो पापनै धो सकै?” 8ईसु आपकी आत्मा म जाणगो क बे आपका हिया म काँई सोचर्या हीं। अर बो बाऊँ बोल्यो, “थे थारा हिया म ओ काँई सोचर्या हो। 9सोरो काँई ह, इ हवा भेयड़ानै ओ खेबो क तेरा पाप धुपगा। नहिस ओ ओडाबो क खड़्यो हो अर तेरी खाटली उठार चाल पड़। 10पण म थानै सची बोलुँ हूँ क, मिनख का बेटानै इ धरती प पाप धोबा को हक ह।” अर ईसु हवा भेयड़ा मिनखनै बोल्यो, 11“म तनै बोलुँ हूँ खड़्यो होर तेरी गुद्ड़ी लेर तेरै घरा चल्यो जा।” 12अर बो खड़्यो होर तावळोसो आपहाळी खाटलीनै उठार सगळा की आँख्या क आगैई चलेगो। अंय्यां को काम देखर बाकै ताजूब होयो अर बे आ बोलर परमेसर की जे-जैकार करी क, “म्हें अंय्यां को कार कदैई कोनी देख्या।”
ईसु लेवीनै बुलायो
(मत्ती 9:9–13; लूका 5:27–32)
13ईसु ओज्यु गलिल दरिआव क किनारै गयो अर भीड़ बी बिकै गेल आरी ही जणा ईसु बानै सीख देबा लाग्यो। 14अर चालता-चालता ईसु हलफई का बेटा लेवीनै चुंगी चोकी प बेठ्यो देखर, बिनै बोल्यो, “मेरै गेल आ।” अर बो खड़्यो होर बिकै गेल होगो।
15इकै पाछै ईसु लेवी क घरा जार जिमबा लाग्यो। अर बठै बिकै अर बिका चेला क सागै चुंगी लेबाळा अर पापी बी जिमर्या हा क्युं क अंय्यां का घणकराक बिकै गेल आग्या हा। 16आ देखर फरिसी अर सास्तरानै सीखाबाळा बिका चेलाऊँ बोल्या, “ईसु चुंगी लेबाळा अर पापी मिनखा क सागै खावै पिवै ह!” 17बाकी बाता सुणर ईसु बाऊँ बोल्यो, “निरोगा मिनखानै बेद की जुर्त कोनी होवै। रोगलानैई बेद की जुर्त पड़ै ह। म धरम्या ताँई कोनी आयो पण पाप्या अर अछूता ताँई आयो हूँ।”
बरत को सुवाल
(मत्ती 9:14–17; लूका 5:33–39)
18एक बर अंय्यां होयो क, यहून्ना अर फरिसीया का चेला ईसु कनै आया। अर बा दिना म अंय्यां होतो हो क, यहून्ना अर फरिसीया का चेला बरत करता हा जणा बे ईसुनै बुजबा लाग्या, “यहून्ना अर फरिसीया का चेला तो बरत करीं हीं, पण तेरा चेला बरत क्युं कोनी करै?” 19ईसु बोल्यो, “कदै अंय्यां होयो हो के बिंद सागै अर बरात भूखी रेह्वै? जद ताँई बराती बिंद क सागै ह बे बरत कोनी करीं। 20पण अंय्यां का दिन बी आबाळा हीं जद बनड़ो बाऊँ न्यारो कर्यो जासी बे दिन बा ताँई बरत करबाळा होसी।
21“कोईबी पुराणा गाबा प नया सुती गाबा की कारी कोनी लगावै, अर कोई लगा बी ले जणा धोबा क पाछै बा नई कारी भेळी होर बि गाबल्यानै दुणो पाड़ गेरै। 22अंय्यांई नई अँगूरी पुराणी बखाल#2:22 अँगूरा का रसनै नया बखाल म घालर धर्यो जातो हो क्युं क जंय्यां-जंय्यां अँगूरा को रस पुराणो होतो बिमै हवा बणती नयो बखाल तो बिकै सागै बढतो जातो पुराणा बखाल को काँई बढतो। अर ओ बखाल चमड़ा को होतो हो। (खल्लड़) म कोनी भरी जावै क्युं क ज्युँ-ज्युँ बा उठै जणा बा अँगूरी पुराणी बखालनै पाड़गेरै अर दाखरस अर बखाल (खल्लड़) दोन्युई खराब हो जावै। इ ताँई नयो दाखरस नई बखाल (खल्लड़) मई भर्यो जावै ह।”
अरामहाळा दिन को परबु
(मत्ती 12:1–8; लूका 6:1–5)
23अंय्यां होयो क, ईसु अर बिका चेला यहूदिआ का अरामहाळा दिन खेत मऊँ जार्या हा अर चेला चालता-चालता बाळी तोड़बा लाग्या। 24फरिसी बानै अंय्यां करता देखर ईसुऊँ बोल्या, “देख थारा चेला जखो काम अरामहाळा दिन बरजेड़ो ह बो काम क्युं करीं हीं?” 25ईसु बाऊँ बोल्यो, “थे ओ कोनी बाच्या क, जनाड़ै दाऊद अर बिकाळा सिरी भूखा हा अर बानै रोट्या की जुर्त पड़ी जणा बो के कर्यो? 26बो कंय्यां म्हायाजक अबियातार क टेम म परमेसर का घर म गयो। अर भेंट चढाईड़ी रोट्या खाई अर आपका साती-संग्यानै बी खुवाई, जानै याजक क अलावा कोईनै बी खाबा की इजाजत कोनी ही।” 27अर ईसु बाऊँ बोल्यो, “अरामहाळो दिन मिनखा क भला ताँई बणायो गयो ह मिनख अरामहाळा दिन ताँई कोनी बणायो गयो। 28इ ताँई मिनख को बेटो अरामहाळा दिन को बी परबु ह।”
Zvasarudzwa nguva ino
मरकुस 2: एस डब्लु वी
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
(c) 2010-2017, New Life Computer Institute. All rights reserved