Levitikus Nuarin-tas alupas 17.
Nuarin-tas alupas 17.
1 Er idim, ika eri ahlap imi Ihova an neucse neom atga an ja irai itai eklim edo irai pece asega era atgei ra natimi. 7 Et itap par ahlap imi ilpu atmas. 10 Eri jim caig tah inja irai itai, 15 im nitai inig et tup mas, ka nitai inig eris auahas.
1IS tas a Ihova ehele Moses, um ika,
2Namu tas aiek ehele Eron, im ohwat hal o un, im nup Isreel asega, um ika ehele ra; Intas alep u Ihova nigki, nikavaig,
3El et atgei kurimatau atamaig, ka inhakli siip, ka nanin, tah natimi irai up Isreel, an nuarin amen u atimi, ka el et atgei itac u nuarin amen u atimi aien va nitai ahlap,
4jam eti imiapam an neucse neom er asjapicnaig o un, um ahlap an nitai ahlap vai Ihova, an nuhup u neom itap u Ihova; etmu idivaig natimi atgei atmas a natimi iyehki; et idivaig tah et mun atgei atmas aien, uhmu atipagki natimi iyehki ira atimi o un:
5va erupu imiapam niji itai ahlap ura a nup Isreel, eris ahlap iran an lelitai ara, mika eri imiapam ehele Ihova marom, an neucse neom er asjapicnaig o un, ehele natimi ahlap, um ahlap irai iji itai ahlap naaurinig vai Ihova.
6Etmu ohan ja a natimi ahlap an natau u Ihova, an neucse neom er asjapicnaig o un, um atnamud nagako va nitai auanipin upene vai Ihova.
7Erumu jim lep ahlap ara vai ilpu atmas irai iji itai ahlap ura, eris apitac ra ara um ahnag. Intas alep imi ra nigki irai iji mesese ehele ilpu mapora.
8Namu ika ehelera aiek, El et ahlap tah natimi irai up Isreel, ka irai up urai taka pece iji ig era amen ehelemia ara, an nitai ahlap atnamud, ka nitai ahlap et eche,
9jam eti imiapam an neucse neom er asjapicnaig o un, mika yi ahlap iran vai Ihova; uhmu atipagki natimi iyehki ehele ilpu atimi o un.
10El et caig tah inja irai itai tah natimi irai up Isreel, ka irai up urai taka pece, era amen ehelemia ara; ekpu amcel vai natimi iyehki ainyak et caig inja irai itai aien, um atipagki yin ehele ilpu atimi o un.
11Et itai umoh iran inja irai itai: kis alupai caua ainyak mika aki asa nigpa iran aijaua an natau: et idim itai asa nigpa va atimi inja irai itai.
12Va nitai inigki kis ika ainyak ehele nup Isreel, Etmu jim caig inja irai itai tah natimi iramia, um jim caig inja irai itai tah natimi irai up urai taka pece era amen ehelemia ara.
13El et ahau um leh tah nitai eklim edo irai pece ka tah inman an lelitai eh caig tah natimi irai up Isreel, ka tah natimi irai up urai taka pece era amen ehelemia ara; etmu atladwise inja iran aien, um adahpoi an nobohtan.
14Nitai umoh iran nigki irai iji itai umumoh asega; et itai umoh iran inja iran: va nitai inigki kis ika ainyak ehele nup Isreel, Akumu jim caig tah inja aijaua irai itai umumoh: et itai umoh iran inja irai itai umumoh: uhmu atipagki yin et caig aien.
15El et caig tah nitai is tup mas tah natimi, ka tah nitai eris auahas, kit tah an pece unyimia, ka tah nup urai taka pece, etmu yiri napelumai o un aien, um ereuc an wai, etmu has aien um yetpan an jupura: ja etmu upene aien.
16Ja el et eti yiri napelumai o un aien, um eti ereuc; etmu amen nedo has iran.
Zvasarudzwa nguva ino
Levitikus Nuarin-tas alupas 17.: ABO
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Aneityum Bible © Bible Society of the South Pacific, 2021
(Genesis to Esther - 1879 • Job to Malachi - 1878
• Matthew to Revelation - 1863)