LAASUUDEE 10
10
Yↄ̃nkↄkɛ kari
1Lán ifĩ gɛ̀nↄ è tó tuaekɛri nↄ́si gũu zaa kũ nà,
lɛn yↄ̃nkↄkɛ féte è gbɛ̃ kɛ̀ ↄ̃ndↄ̃ↄ vĩ kↄ̃n bɛ̀ɛo tↄ́ yaka lɛ.
2Ɔ̃ndↄ̃dee laasuu è tá ↄplazi,
yↄ̃nkↄↄ pↄ́ è tá ↄzɛzi.
3Baa tó yↄ̃nkↄↄ e táa oo zɛ́n,
à ↄ̃ndↄ̃ↄ ègↄ̃ kɛ̃sãnamɛ,
è tó baade píngi a mìsaikɛɛ dↄ̃.
4Tó gbãadee pↄ fɛ̃̀nzi,
ǹton gu n tílaro.
Kuuna n làakaria è lá ká taari bítala.
5Ma nↄ̀sɛyakayã ke è anduna guu,
à dɛ gbãade sãsãna yãa ũmɛ.
6Wè yↄ̃nkↄↄnↄ ká gwena maaan pari,
auzikideenↄ sↄ̃ ègↄ̃ kú gwena kɛ̃sãnan.
7Ma zↄ̀nↄ è di sↄ̃a,
wɛ̃ɛnɛnↄ sↄ̃ↄ e táa oo kɛ̀sɛ lán zↄ̀nↄ bà.
8Gbɛ̃ kɛ̀ èe wɛ̀ɛ yↄ̃ↄ é zu à guu,
gbɛ̃ kɛ̀ èe bĩi gboroo, mlɛ̃̀ é à só.
9Gbɛ̃ kɛ̀ èe gbɛ̀ wii, gbɛ̀ é à kɛ̃nna,
gbɛ̃ kɛ̀ èe yàka paraa, yàka é à kari kɛ.
10Tó kpása lɛ́ nnaro,
ben wèe à lɛ́ kɛkɛro,
sé ǹ gã̀sãwa bↄbↄzi kↄ̃n gbãaao,
mↄde ↄ̃ndↄ̃ↄ è tó wà à zɛ́ emɛ.
11Tó mlɛ̃̀ bↄn'ãa kɛ̀ a kↄ̃kↄ̃'orinɛ à à sò,
à àre vĩ à guu dↄro.
12Ɔ̃ndↄ̃dee lɛ́gbɛ nna,
mↄde yↄ̃nkↄↄ lɛ́ è à kaatɛmɛ.
13È na yã'onaa yↄ̃nkↄyↄ̃nkↄ,
è à mì dɛ kↄ̃n mìsaiyã zaaao,
14zaakɛ yↄ̃nkↄↄ è yã bↄɛmɛ.
Lán gbɛ̃ke yã kɛ̀ eé mↄ́ dↄ̃ro nà,
dé bé eé fↄ̃ à yã kɛ̀ eé kɛ à kpɛɛ onɛ?
15Yↄ̃nkↄↄ zĩi è à kpasamɛ,
ai se è zɛ́ dↄ̃ gana wɛ́tɛ guuro.
16Wãiyoo bùsu kɛ̀ à kína dɛ gↄ̃kparɛ ũ,
à ìbanↄ ègↄ̃ pↄ́ gbɛ̃ɛ zaa gudↄnao.
17Mìnnadeen bùsu kɛ̀ à kína dɛ kínɛ ũ,
à ìbanↄ è pↄ́ ble à gurↄↄa gbãakaarana yãnzi,
èe kɛ wɛ̃dɛna yãnzinlo.
18Tó gbɛ̃ mɛa vĩ,
à kpɛ́ líkↄ̃kũnↄ ègↄ̃ zunnamɛ,
tó èe gwaa wɛ́ɛo,
à kpɛ́ é í bↄ.
19Wè pↄ́ble bíta kɛ pↄnnakɛna yãnzimɛ,
wɛ̃mina è mↄ́ kↄ̃n yáadↄↄo,
mↄde ↄↄ bé è mↄ́ kↄ̃n à píngio.
20Ǹton kína sↄ̃sↄ̃ro, baa n nↄ̀sɛ guu,
ǹton auzikide káro, baa n kpɛ́ guu,
zaakɛ bãa é yã pì sɛ́ɛ à gá ońnɛmɛ.
Zvasarudzwa nguva ino
LAASUUDEE 10: BBB
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Bokobaru Bible with New Testament and OT Portions © Sim International, 2005.