HOSEA 14
14
1Angkon uhumon do Samaria hara ni na mangalo tu Au. Marmatean ma rayatna i di bagasan parporangan; hona giling angka dakdanakna na baru sorang, jana angka dadaboru na denggan pamatangna hona bola butuhana i.”
Dipangido si Hosea anso muba roha ni Israel
2Mulak ma hamu tu Tuhan Debatamunu, ale bangso Israel! Dosamunu do mambaen hamu tarsilandit lalu tinggang. 3Mulak ma hamu tu Tuhan jana palalu hamu ma tangiang on gabe songon haul tuSia, “Tuhan, sesa ma sude dosanami jana jagit ma tangiangnami on, gabe pujionnami ma Ho laing songon na dung hami janjihon i. 4Anggo Asur nada margogo i paluahon hami, jana kudo porang pe nada tarbaensa mangurupi hami. Nada ra be hami manghobari dohot angka patung na hami baen i gabe debatanami. Ale Tuhan, holong do rohaMu di angka jolma na so adong sanga ise pe sipangasahononna.”
Dijanjihon Tuhan ngolu na imbaru di Israel
5“Na manyimbil sian bangsongKu, Hubuat mangulahi,
jana sian sandok rohangKu Huhaholongi;
jana nada muruhanKu be halahi.
6Di halak Israel songon ombun do Au
na mangaehi tano na harsang.
Mangerbang ma halahi songon bunga
jana songon bona ni tusam na bagas uratna.
7Angka rantingna pe manjarampak,
rimbunna pe songon hayu zetun
jana uapna pe songon na di Libanon.
8Sanoli nari giot mulak halahi
jana ondihononKu noma halahi.
Tibu do halahi maradu sonang,
songon gandum di tano napu na tibu martumbur.
Tudos ma halahi tu kobun anggur,
songon anggur Libanon tibu goar ni halahi tarbarita.
9Efraim, aha dope he lakna hubunganKu dohot angka gana-ganaan?
Au do na mangalusi dohot na mamparate-atehon ho!
Songon hayu sanobar na rata do Au,
sian Au ma ho mandapot parbatuna.”
Panutup
10Barang ise na marbisuk denggan ma ia mangastuisa; barang ise na mangastui denggan ma ia mambotosa; harana tigor do angka dalan ni Tuhan, jana halak na tigor do na mandalanisa, tapi angka parjahat tarsilandit do disi.
Zvasarudzwa nguva ino
HOSEA 14: LAIAKB
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Indonesian Bible Society