من الوحي إلى النبي أشعيا 65
65
خلق الله للدنيا عن جديد
17قال الله تعالى، ربّ العالمين، هالكلام المبين:
"يا قوم، أنا رح إخلق الأرض والسما عن جديد،
وهيك بتنسوا الأسى القديم وبتسكروا عالماضي البعيد.
18فانبسطوا للأبد المديد،
بخلقي الجديد.
رح خلّي القدس، مدينة فرح، والشعب فيها سعيد،
19وبتكون فرحتي بالقدس، وسعادتي بشعبها،
محل ما بعود ينسمع لا صوت بكاها، ولا ندبها،
20ولا بعود يموت فيها طفل إبن كمّ يوم،
ولا كبير بالعمر، ناقص من عمرُه يوم،
لأنّه الناس رح تعمِّر فوق الميّة،
وبفكروه ملعون يلّي بموت قبل وبتوافيه المنيّة.
21وبالإيّام الجاية، رح يسكن الناس بالبيوت لّي رح يبنوها،
وياكلوا من ثمر الكروم لّي رح يزرعوها.
22وأبداً، ما حدا بياخُد بيوتُن وبيحتلّوها،
ولا المحاصيل حدا غيرُن بياكلوها.
أمّا عبادي المختارين، فرح يعيشوا كتير متل الشجر،
ويستمتعوا بكلّ جنى العمر.
23فما حيروح تعبهُن هدِر،
ولا حيصيب ولادهُن ضرر.
لأنّن ببركات الله مُنعمين،
هنّ وسلالتُن أجمعين.
24وقبل ما يدعولي، أنا رح أستجبلُن،
وهنّ وعم يحكوا، أنا رح إسمعلُن.
وبهالدنيا الجديدة،
25الذيب رح ياكُل مع الحملان،
والأسد بيرعى حشيش متل الثيران.
وأمّا الحيّة فبصير أكلها التراب،
وما بعود أيّ شي، عجبلي المقدّس، يأذي أو يودّي للخراب."
وصدق وعد الله الوهّاب.
Zvasarudzwa nguva ino
من الوحي إلى النبي أشعيا 65: LRT
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2021 Sabeel Media