1 पतरस 5
5
बजुर्गां कने जवानां जो सन्देश
1हऊँ खुद सै जे इक प्राचीन आ, कलीसिया रे तिन्हां प्राचीनां ने विनती कराँ सै जे तुहांरे बिच ये। हऊँ मसीह रे दुखां रा इक गवाह कने प्रगट हुणे औल़ी महिमा च शामिल हूणा। हऊँ तुहांजो विनती कराँ, 2भई परमेशरा रे तिस झुण्डा री रखवाल़ी करा सै जे तुहांरे बिच आ; ये दबावा ने नीं पर परमेशरा रिया इच्छा रे मुतावक मौज्जा ने कने नीच कमाईया रे खातर नीं, पर मन लाईने करा। 3देख-रेख करने रे खातर सै लोक जे तुहांजो सौंपे गईरे, तिन्हां पर अधिकार नीं जतावा, बल्कि समूहा रे खातर इक आदर्श बणा। 4ताकि ताहली जे यीशु मसीह औणा सै जे अहांरे प्रधान रखवाल़े साई आ, तां तुहांजो महिमा रा मुकुट मिलणा, सै जे कदीं मुरझान्दा निआं।
5इस तरिके ने नौजबानो, तुहें बी अपणे बजुर्गां रे अधीन रौआ कने तुहें सारे नम्रता ने इक्की दुज्जे रिया सेवा खातर कमर बन्हीने रा त्यार रौआ, काँह्भई,
“परमेशर घमण्डियां रा बरोध कराँ,
पर नम्र लोकां पर अनुग्रह कराँ।”
6इस खातर अप्पूँजो परमेशरा रे सामणे नम्र करा सै जे सामर्थी आ, ताकि सै तुहांजो सही वगता पर आदर देओ। 7अपणी सारियां चिन्तां जो तिस पर छड्डा, काँह्भई तुहांरी देखभाल सैई कराँ।
8खुद अप्पूँजो काबुये च रखा कने सावधान रौआ, काँह्भई तुहांरा दुश्मण शैतान हुरन्गदे हुये शेरा साई इसा तलाशा च रैयां, भई किस जो अपणा शिकार बणाये। 9अपणे विश्वासा पर मजबूत रैईने तिसरा मुकाबला करा कने ये जाणी लो भई तुहांरे साथी विश्वासी सै जे इस संसारा चे, इस इ तरिके री पीड़ा सैई रायें।
10तुहांजो थोड़िया देरा रे कष्ट सैहणे ते बाद सारे अनुग्रह देणे औल़ा परमेशर तिने जे तुहांजो मसीह च अपणी युगानुयुगा री महिमा रे खातर सद्दीरा, खुद इ तुहांजो सिद्ध, मजबूत, बलवन्त कने स्थिर करी देंगा। 11तिसरा राज युगां-युगां तक रौ। आमीन।
आखरी नमस्कार
12मैं तुहांजो ये छोट्टी जेई चिट्ठी सिलवानुस रिया मददा ने लिखिरा, तिस्सो जे हऊँ बफादार विश्वासी समझां। हऊँ तुहांजो हौंसला देणा चांह कने विश्वास दिलां भई परमेशरा रा सच्चा अनुग्रह येई हाया। इस अनुग्रह च बणीरे रौआ। 13बेबीलोन नगरा री कलीसिया सै जे तुहां साई परमेशरा रे जरिये चुणीरी, तुहांजो नमस्कार बोलां ये। मरकुस बी तुहांजो नमस्कार बोलां सै जे मेरे खातर इक पुत्रा साई आ। 14तुहें लोक गल़े लगीने इक्की दूये जो नमस्कार करा। तुहां सब्बीं जो सै जे मसीह चे शान्ति मिलो।
Zvasarudzwa nguva ino
1 पतरस 5: KFSNT
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
This work is licensed under Creative Commons Attribution-ShareAlike 4.0 License.