SALMO 133
133
Kuyanakushpa kawsananchikuna tiyan.
1Mash allita yuyaychi.
Sukaman allimami wawkinchikunawan paninchikunawan
kushikushpa kuyanakushpa kawsananchikunapa.
2Tata Dios Aronta akllaptin saserdote kananpa
wawkin Moiseska umanpi mishkilla wirata tallirkan.
Chashna talliptin Aronka runamasinkunata yachachirkansapa
sukwan sukwan kuyanakushpa kawsanankunapa.
Chay wira tukuy saserdotekunapa barbankunata surushpa
tukuy llachapankunata ñuyuchin.
Chashnashina Tata Dios ñukanchikunatapish yachachiwanchisapa
sukwan sukwan kuyanakushpa kawsananchikunapa.
3Chashna kuyanakushpa kawsashpanchikuna
Hermon urkupi serenushina kanchisapa.
Sion urkuta ñuyuchik serenushina kanchisapa.
Chashna kuyanakushpa kawsaptinchikuna
Tata Dios kushikushpa sukaman yanapawanchisapa
mana tukuyniyukta paywan tantalla kawsananchikunapa.
Zvasarudzwa nguva ino
SALMO 133: qvs
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 1992, 2008, Wycliffe Bible Translators, Inc. All rights reserved.