Olóma 16
16
Mbédíígí
1Ŋgaá nyó úhúné, go busío bá Ondimóní bɛcɔ́ ba okɔ́dɔ Fébée, uyogóní ba Asaŋa mɔ́ɔnyɔ naá giimbó gá boolímínyí gɛ́ɛgɛ naá Seŋkelée, caá: 2mo gɛ́ndɛ́gɛ́náamɔ́ nɔnɔ bese go ufíno yá Daadáa, aŋa gó háananamɔ́ naá kadɛ́gadɛ́ɛ ya boolímínyí. Mo óhígónyóomú nɔnɔ go boóma buimée bɔ́ɔbɔ a lɔ́mɔ́ ba go nyó baŋɛdɛna go bɔ́. Ɛɛ́ɛŋ, mɔ́ɔ moatɛ́ moatɛ a mbo óhígónyóo gɛca gá batɔ, dómbá dómbáa yɔmɔ́ɔ moatɛ́.
3Mbédíígínyéemú nɔnɔ Pilisíile na Akɛ́lasɛ báaba dɛ yɔgɔnɔmɔ́ buelí bá Yésu Kilítu olɔŋɔ nabɔ́. 4Bá mba ŋá bá báá yímíe gɛɔyɔ gábɔ́ go go sódio gɛ́ɛgɛ gámɛ, gó moánɛ mbó béhiigimú makɔ́nɔ́; caá akɛ́ goana yɔmɔ́ɔ mokáa, tɔ́nɔ, biimbó bá boolímínyí bɛ́ɛbɛ bɛ́ lɔ́mɔ́ bɛ́ dɛ bɛ́ɛ́mbá bá Beyúdene bɛ́ bó béhiigi. 5No bédíigie tɔ́nɔ giimbó gá boolímínyí gɛ́ɛgɛ naá nnyaŋá yabɔ́. No bédíigie bamɛ ba odɛ́má Ɛpɛnɛ́ɛtɛ; a lɛ́ ba busío ba go ága odɛ́má yɛ́hɛ́ naá Kilítusu naá gigísi gá cí ga Esíi. 6No bédíigie Malɛ́a mɔ́ɔnyɔ a ná gɔ́lɔ́nɔ́ɔ gɛdɔmbɔ makɔ́nɔ́ go busío bɛ́nyɔ́. 7No bédíigie boɔmɛ Andɛlɛnɛ́kɔsɔ na Yónɛasɛ báaba bá mbaá lɛ olɔŋɔ namɛ naá ncíbo ya gɛaŋɔ́. Bá lɛ́ bɛgaaga bá Baapótɛlɛ bɛ́ɛbɛ bɛ́ mbaá dóáná go oliminyo Kilítusu gámɛ. 8No bédíigie Ampɛlɛátɔsɔ, bamɛ ba odɛ́má naá Daadáa. 9No bédíigie Ulubéŋe mɔ́ɔnyɔ dɛ yɔgɔnɔmɔ́ buelí bá Kilítusu olɔŋɔ nɛhɛ́, na bamɛ ba odɛ́má Eselékisi. 10No bédíigie Ápɛlɛsɛ mɔ́ɔnyɔ a mbaá dúfíe gioliminyo gɛ́hɛ́ naá Kilítusu; no bédíigie ncíbo ya batɔ ya Elisitobíile. 11No bédíigie Elódiono bamɛ ba nigúli. No bédíigie batɔ báaba bɔ́ ɔ́bɛnɔnɔmɔ́ na Daadáa naá nnyaŋá ya Nelesíise. 12No bédíigie Tɛlɛ́fɛnɛ na Tɛlɛ́fɔsɛ, báaba bá mbaá gɔ́lɔ́nɔ́ɔ gɛdɔmbɔ makɔ́nɔ́ go busío bá Daadáa. No bédíigie bamɛ ba odɛ́má Pelesíse mɔ́ɔnyɔ a mbaá gɔ́lɔ́nɔ́ɔ gɛdɔmbɔ makɔ́nɔ́ go busío bá Daadáa. 13No bédíigie Lúfusu#16.13 go ɛ́na Mél 15.21., mɔ́ɔnyɔ Daadáa a mbií iyídé, na nnyeedíi mɔ́ɔnyɔ a lɔ́mɔ́ gɔnɔ́ nnyeedíi bamɛ. 14No bédíigie Eseŋkilíite, Felégono, Ɛlɛ́masɛ, Patolóbasɛ, Hɛ́lɛmɛsɛ na boolímínyí biimée báaba ba lɔ́mɔ́ olɔŋɔ nabɔ́. 15No bédíigie Filóloge na Yulíi, Nelée na ondimóní ba okɔ́dɔ, Olɛ́mpasɛ na boolímínyí biimée báaba bá lɔ́mɔ́ olɔŋɔ nabɔ́. 16Bédíígénínyéemú nɔnɔ na kude aŋa boolímínyí. Biimbó biimée bɛ́ɛbɛ bɛ́ olimonyomu Kilítusu bɛ́ á nyó bédíígényée.
17Bolimóní, ŋgaá nyó oyáná caá, bébeŋéemú nɔnɔ go batɔ báaba bú úlenemú na gobásalasala, na go fúmbe go nenenye basɔ́gɔ́ɔ, bá bábɛndabɛnda kúunye yɛ́ɛyɛ no mbaá bɛáa; bó yáŋɛ́mɛ́dɛ́náamɔ́ nɔnɔ. 18Mbɔ́dɔ sá batɔ sɛ́ɛsɔ sɛ́ dɛ yɔgɔ́nɛ́nɔ́ɔ Daadáa bɛcɔ́ Kilítusu, kanɛ́ bá yɔgɔnɔmɔ́ go gadɛ́ɛ gábɔ́#16.18 O bana, go eninye na Fil 3.19.. Na bɛnɔ́gɔ́ bábɔ́ bá dogálɔ dá mbele, bá bɔŋɔbɔŋɔ batɔ bá kanɛ gobédedie. 19Naá boayá bɛ́nyɔ́, mɔtɔ uŋkimée i íyimene ŋgɔ́bɛnɔ yɛnyɔ́ na Daadáa; boóma moánɛ bɔ́, ŋgɔ́bɔnɔmɔ́ bese go busío bɛ́nyɔ́. Kanɛ́, ndɛ́galɛga goŋaá no bɛa nciŋí go go ŋanana besé; no do nebígínyée besé na gɛbɛ́. 20Asaŋa mɔ́ɔnyɔ a fáananamɔ́ batɔ buumbénú a gaá gá lɛ́ go níŋiside Sátana kɔndɔ́ go cí. Ŋgáa niibo ná Daadáa bɛcɔ́ Yésusu nɛ́ bɛ́ɛmba nɛnyɔ́.
21Timotée mɔ́ɔnyɔ dɛ yɔgɔnɔmɔ́ nɛhɛ́#16.21 Go ɛ́na Meŋ 16.1-3. a á nyó bédíígényée, tɔ́nɔ na boɔmɛ, Lúsiusu, Yásɔŋɔ na Sosɛpatɛ́ɛlɛ. 22Yɔmɔ́ɔ Télétiusu, uŋgóŋí ba Póolo naá kálata yɛ́ɛyɛ, ŋgaá nyó bédíígényée go ufíno yá Daadáa. 23Géyusu, anáa mbɛ́dɛmanamɔ́, a á nyó bédíígényée, tɔ́nɔ na boolímínyí báaba bá bábandamɔ́ naá nnyaŋá yɛhɛ́. Ɛlásɛtɛ, umbídígíní muinyí ba tɛ́sɔnɔ, a á nyó bédíígényée, tɔ́nɔ na ondimóní bɛcɔ́ Kélétusu#16.23 Géyusu: go ɛ́na Meŋ 19.29; 1 Kɔl 1.14. Ɛlásɛtɛ: go ɛ́na 2 Tim 4.20.. [24Ŋgáa niibo ná Daadáa bɛcɔ́ Yésu Kilítu nɛ́ bɛ́ɛmba nɛnyɔ́. Aamɛnɛ].
Mbúlugie
25Ŋgáa dɛ búlugenye Asaŋa! A bɛanana bogaaga bá go nyó gúninie naá gioliminyo, gɔgɔ́ aŋa Gɛnɔ́gɔ́ gá Cɔ́mɔ gɛ́ɛgɛ túmenyemú gɛ́ núune Yésu Kilítu; mammana yɛ́ɛyɛ ɛ mbaá lɛ naá nnindíi yɛ́ á dembímídíe obɔ moánɛ. Mammana ya nnindíi moánɛ ɛ lɛ́ kanɛ go bélincie ɛgɛlɛ aá ɛgɛlɛ. 26Kanɛ́ godɔ́ɔdɔ, bɔ́ɔbɔ mbúsí sá Asaŋa sɛ́ mbɔɔ́ ɔ́ŋɔ́ɔ, bó á ŋaáa goŋaá batɔ bá lɛnca bese bese mammana moánɛ. Bó lɔ́mɔ́ naá ndɛ́ga ya Asaŋa mɔ́ɔnyɔ ɔ ɔyɔmɔ́ bɛcamɛna biimée; mɔ́ɔ a mbaá fáá bogaaga goŋaá mɛɛ́nɔ miimée má mo olimonyo, má gɔnɔ mo ɔ́bɛnɔ. 27Ŋgáa dɛ búlugenye Asaŋa, mɔ́ɔ a lɔ́mɔ́ mokáa na nciŋí, ŋgáa bó bɛ́ɛmba nɔ́ɔnɔ go ufíno yá Yésu Kilítu, go bɛcamɛna biimée! Aamɛnɛ.
Zvasarudzwa nguva ino
Olóma 16: YAS
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Olóma 16
16
Mbédíígí
1Ŋgaá nyó úhúné, go busío bá Ondimóní bɛcɔ́ ba okɔ́dɔ Fébée, uyogóní ba Asaŋa mɔ́ɔnyɔ naá giimbó gá boolímínyí gɛ́ɛgɛ naá Seŋkelée, caá: 2mo gɛ́ndɛ́gɛ́náamɔ́ nɔnɔ bese go ufíno yá Daadáa, aŋa gó háananamɔ́ naá kadɛ́gadɛ́ɛ ya boolímínyí. Mo óhígónyóomú nɔnɔ go boóma buimée bɔ́ɔbɔ a lɔ́mɔ́ ba go nyó baŋɛdɛna go bɔ́. Ɛɛ́ɛŋ, mɔ́ɔ moatɛ́ moatɛ a mbo óhígónyóo gɛca gá batɔ, dómbá dómbáa yɔmɔ́ɔ moatɛ́.
3Mbédíígínyéemú nɔnɔ Pilisíile na Akɛ́lasɛ báaba dɛ yɔgɔnɔmɔ́ buelí bá Yésu Kilítu olɔŋɔ nabɔ́. 4Bá mba ŋá bá báá yímíe gɛɔyɔ gábɔ́ go go sódio gɛ́ɛgɛ gámɛ, gó moánɛ mbó béhiigimú makɔ́nɔ́; caá akɛ́ goana yɔmɔ́ɔ mokáa, tɔ́nɔ, biimbó bá boolímínyí bɛ́ɛbɛ bɛ́ lɔ́mɔ́ bɛ́ dɛ bɛ́ɛ́mbá bá Beyúdene bɛ́ bó béhiigi. 5No bédíigie tɔ́nɔ giimbó gá boolímínyí gɛ́ɛgɛ naá nnyaŋá yabɔ́. No bédíigie bamɛ ba odɛ́má Ɛpɛnɛ́ɛtɛ; a lɛ́ ba busío ba go ága odɛ́má yɛ́hɛ́ naá Kilítusu naá gigísi gá cí ga Esíi. 6No bédíigie Malɛ́a mɔ́ɔnyɔ a ná gɔ́lɔ́nɔ́ɔ gɛdɔmbɔ makɔ́nɔ́ go busío bɛ́nyɔ́. 7No bédíigie boɔmɛ Andɛlɛnɛ́kɔsɔ na Yónɛasɛ báaba bá mbaá lɛ olɔŋɔ namɛ naá ncíbo ya gɛaŋɔ́. Bá lɛ́ bɛgaaga bá Baapótɛlɛ bɛ́ɛbɛ bɛ́ mbaá dóáná go oliminyo Kilítusu gámɛ. 8No bédíigie Ampɛlɛátɔsɔ, bamɛ ba odɛ́má naá Daadáa. 9No bédíigie Ulubéŋe mɔ́ɔnyɔ dɛ yɔgɔnɔmɔ́ buelí bá Kilítusu olɔŋɔ nɛhɛ́, na bamɛ ba odɛ́má Eselékisi. 10No bédíigie Ápɛlɛsɛ mɔ́ɔnyɔ a mbaá dúfíe gioliminyo gɛ́hɛ́ naá Kilítusu; no bédíigie ncíbo ya batɔ ya Elisitobíile. 11No bédíigie Elódiono bamɛ ba nigúli. No bédíigie batɔ báaba bɔ́ ɔ́bɛnɔnɔmɔ́ na Daadáa naá nnyaŋá ya Nelesíise. 12No bédíigie Tɛlɛ́fɛnɛ na Tɛlɛ́fɔsɛ, báaba bá mbaá gɔ́lɔ́nɔ́ɔ gɛdɔmbɔ makɔ́nɔ́ go busío bá Daadáa. No bédíigie bamɛ ba odɛ́má Pelesíse mɔ́ɔnyɔ a mbaá gɔ́lɔ́nɔ́ɔ gɛdɔmbɔ makɔ́nɔ́ go busío bá Daadáa. 13No bédíigie Lúfusu#16.13 go ɛ́na Mél 15.21., mɔ́ɔnyɔ Daadáa a mbií iyídé, na nnyeedíi mɔ́ɔnyɔ a lɔ́mɔ́ gɔnɔ́ nnyeedíi bamɛ. 14No bédíigie Eseŋkilíite, Felégono, Ɛlɛ́masɛ, Patolóbasɛ, Hɛ́lɛmɛsɛ na boolímínyí biimée báaba ba lɔ́mɔ́ olɔŋɔ nabɔ́. 15No bédíigie Filóloge na Yulíi, Nelée na ondimóní ba okɔ́dɔ, Olɛ́mpasɛ na boolímínyí biimée báaba bá lɔ́mɔ́ olɔŋɔ nabɔ́. 16Bédíígénínyéemú nɔnɔ na kude aŋa boolímínyí. Biimbó biimée bɛ́ɛbɛ bɛ́ olimonyomu Kilítusu bɛ́ á nyó bédíígényée.
17Bolimóní, ŋgaá nyó oyáná caá, bébeŋéemú nɔnɔ go batɔ báaba bú úlenemú na gobásalasala, na go fúmbe go nenenye basɔ́gɔ́ɔ, bá bábɛndabɛnda kúunye yɛ́ɛyɛ no mbaá bɛáa; bó yáŋɛ́mɛ́dɛ́náamɔ́ nɔnɔ. 18Mbɔ́dɔ sá batɔ sɛ́ɛsɔ sɛ́ dɛ yɔgɔ́nɛ́nɔ́ɔ Daadáa bɛcɔ́ Kilítusu, kanɛ́ bá yɔgɔnɔmɔ́ go gadɛ́ɛ gábɔ́#16.18 O bana, go eninye na Fil 3.19.. Na bɛnɔ́gɔ́ bábɔ́ bá dogálɔ dá mbele, bá bɔŋɔbɔŋɔ batɔ bá kanɛ gobédedie. 19Naá boayá bɛ́nyɔ́, mɔtɔ uŋkimée i íyimene ŋgɔ́bɛnɔ yɛnyɔ́ na Daadáa; boóma moánɛ bɔ́, ŋgɔ́bɔnɔmɔ́ bese go busío bɛ́nyɔ́. Kanɛ́, ndɛ́galɛga goŋaá no bɛa nciŋí go go ŋanana besé; no do nebígínyée besé na gɛbɛ́. 20Asaŋa mɔ́ɔnyɔ a fáananamɔ́ batɔ buumbénú a gaá gá lɛ́ go níŋiside Sátana kɔndɔ́ go cí. Ŋgáa niibo ná Daadáa bɛcɔ́ Yésusu nɛ́ bɛ́ɛmba nɛnyɔ́.
21Timotée mɔ́ɔnyɔ dɛ yɔgɔnɔmɔ́ nɛhɛ́#16.21 Go ɛ́na Meŋ 16.1-3. a á nyó bédíígényée, tɔ́nɔ na boɔmɛ, Lúsiusu, Yásɔŋɔ na Sosɛpatɛ́ɛlɛ. 22Yɔmɔ́ɔ Télétiusu, uŋgóŋí ba Póolo naá kálata yɛ́ɛyɛ, ŋgaá nyó bédíígényée go ufíno yá Daadáa. 23Géyusu, anáa mbɛ́dɛmanamɔ́, a á nyó bédíígényée, tɔ́nɔ na boolímínyí báaba bá bábandamɔ́ naá nnyaŋá yɛhɛ́. Ɛlásɛtɛ, umbídígíní muinyí ba tɛ́sɔnɔ, a á nyó bédíígényée, tɔ́nɔ na ondimóní bɛcɔ́ Kélétusu#16.23 Géyusu: go ɛ́na Meŋ 19.29; 1 Kɔl 1.14. Ɛlásɛtɛ: go ɛ́na 2 Tim 4.20.. [24Ŋgáa niibo ná Daadáa bɛcɔ́ Yésu Kilítu nɛ́ bɛ́ɛmba nɛnyɔ́. Aamɛnɛ].
Mbúlugie
25Ŋgáa dɛ búlugenye Asaŋa! A bɛanana bogaaga bá go nyó gúninie naá gioliminyo, gɔgɔ́ aŋa Gɛnɔ́gɔ́ gá Cɔ́mɔ gɛ́ɛgɛ túmenyemú gɛ́ núune Yésu Kilítu; mammana yɛ́ɛyɛ ɛ mbaá lɛ naá nnindíi yɛ́ á dembímídíe obɔ moánɛ. Mammana ya nnindíi moánɛ ɛ lɛ́ kanɛ go bélincie ɛgɛlɛ aá ɛgɛlɛ. 26Kanɛ́ godɔ́ɔdɔ, bɔ́ɔbɔ mbúsí sá Asaŋa sɛ́ mbɔɔ́ ɔ́ŋɔ́ɔ, bó á ŋaáa goŋaá batɔ bá lɛnca bese bese mammana moánɛ. Bó lɔ́mɔ́ naá ndɛ́ga ya Asaŋa mɔ́ɔnyɔ ɔ ɔyɔmɔ́ bɛcamɛna biimée; mɔ́ɔ a mbaá fáá bogaaga goŋaá mɛɛ́nɔ miimée má mo olimonyo, má gɔnɔ mo ɔ́bɛnɔ. 27Ŋgáa dɛ búlugenye Asaŋa, mɔ́ɔ a lɔ́mɔ́ mokáa na nciŋí, ŋgáa bó bɛ́ɛmba nɔ́ɔnɔ go ufíno yá Yésu Kilítu, go bɛcamɛna biimée! Aamɛnɛ.
Zvasarudzwa nguva ino
:
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda