Olóma 15
15
Dɛ nɔ́ɔ ondimóní bɛcɔ́ caá bɛɛcɔ́ɔ moatɛ́
1Bɛɛcɔ́ɔ báaba dɛ manɛmɔ́ go gónɛna naá gioliminyo, dɛ háanana go kélemene basɔ́gɔ́ɔ báaba bá gá lɔ́mɔ́ bá dɛ gónɛ́ná naá gɛ́. Dɛ dɛ háánánáa go ŋanana goana bɔ́ɔbɔ bó có fɛɛnanɛnamɔ́. 2Onyɔ moánɛ naá bɛɛcɔ́ɔ, a háanana go yɔgɔnɔ go besé ya basɔ́gɔ́ɔ goŋaá a bó óhigonyo, bɛ́ ɛ́da naá busío bó olimonyo Asaŋa. 3Kilítusu a lɛ́ kanɛ go yɔgɔnɔ go go fúmbe besé yɛhɛ́ ya moatɛ́; kanɛ́ bó mbaá lɛ gɔgɔ́ aŋa Ŋgɔ́ŋɛ́ sɛ́ oyamɔ́ sɛ́ amɔ́: «Cigí sá báaba bá mbaá lɔmɔ́ bá go sɛga maamɔ́ɔ Asaŋa, yɔmɔ́ɔ mɔ́ɔ, sɛ́ mbaá ŋgobɛ́ná#15.3 Ɛsagɔ 69.10..» 4Buimée bɔ́ɔbɔ bó mbaá bɔ́ɔ́ŋɔ́ɔ cóá naá Kálata ya Asaŋa, bó mbaá lɛ go go có húunenye nciŋí, go goŋaá, go ɛbágóɛga na gigúluminye mɔ́ɔmɔ Ŋgɔ́ŋɛ́ sɛ́ có úleninemú na mɔ́, dɛ bɛa mbémineminie. 5Ŋgáa Asaŋa mɔ́ɔnyɔ a gúlumeninyemú batɔ a gunde a bó fáanana bogaaga bá go gɛ́gana kanɛ tɔmbɛ́nɔ́ɔ, a ŋa goŋaá no bɛ́ɛmba ukelú yúmmue naá gieninye gá Yésu Kilítu. 6Mammana, bɛɛnyɔ́ɔ biimée, no ɛ́da go búlugenye Asaŋa, Isée ba Daadáa bɛcɔ́ Yésu Kilítu, odɛ́má na ukelú táŋɛ́ yúmmue.
No gɛ́ndɛganɛna aŋa bolimóní
7Gɛ́ndɛ́gánɛ́náa nɔnɔ kanɛ́ bɛɛnyɔ́ɔ na bɛɛnyɔ́ɔ naá mbɔ́dɔ yɛ́ɛyɛ Kilítusu a mbaá nyó gɛ́ndɛ́gɛ́ná; no ŋanana nɔ́ɔ goŋaá batɔ bá búlugenye Asaŋa. 8Ŋgoó oyɛ́dá mammana caá Asaŋa a dɛ gundénée na nnyimé; boóma moánɛ bɔ́, Kilítusu a mbɛɛ́ ɛ́yá uyogóní ba Beyúdene go go hóogio tánɔ sɛ́ɛsɛ Asaŋa a mbaá dánɛ́ná biisée kɔ́nɔ́ɔ bá biisée bábɔ́. 9A mbu úlé tɔ́nɔ go busío bá báaba bá lɔ́mɔ́ bá dɛ bɛ́ɛ́mbá Beyúdene goŋaá bá búlugenye Asaŋa go ŋgɛ́na mahana yɛhɛ́ go busío bábɔ́, aŋa bó lɔ́mɔ́ ɔ́ŋɔ́ɔlú naá kálata ya Asaŋa goŋaá: «Go busío moánɛ, ka ŋga go búlúgényée naá kadɛ́gadɛ́ɛ ya mɛɛ́nɔ miimée. Ka ŋga go leebényée na ɛsagɔ.» 10Nogálɔ ná Asaŋa no gɔnɔ go oya no amɔ́: «Bɛɛnyɔ́ɔ mɛɛ́nɔ miimée, bénebígínyéemú nɔnɔ na boɛ́nɔ bá Asaŋa go go békelenye olɔŋɔ.» 11Bó lɛ́ tɔ́nɔ ɔ́ŋɔ́ɔlú goŋaá: «Bɛɛnyɔ́ɔ mɛɛ́nɔ má cí iŋkimée, búlúgényée nɔnɔ Daadáa! Ŋgáa batɔ bá cí iŋkimée, bá mo búlugenye.» 12Mbúsí ya Asaŋa Iseyíi, a gɔnɔ go oya a amɔ́: «Mɔtɔ a ŋga bológá naá nogɔgɔ́ ná Yesée, a bɛ́ɛmba ufuŋe yá mɛɛ́nɔ miimée, má ŋga ágá odɛ́má yábɔ́ uŋkimée naá mɔ́ɔ#15.12 Go big. 9 a húme 12 go gig. 9 kálata ya Ɛsagɔ 18.50; 2 Sémuele 22.50go gig. 10 go ɛ́na Bicele 32.43 go gig. 11 Ɛsagɔ 117.1 go gig. 12: Iseyíi 11.10..» 13Ŋgáa Asaŋa mɔ́ɔnyɔ a ŋananamɔ́ goŋaá no ágá odɛ́má yɛ́nyɔ́ naá mɔ́ɔ, a nyó sugune bɛyaŋa na buumbénú naá ɛdɛ́má dácɛ dácɛ, no mo olimonyo, go goŋaá no ágana odɛ́má yɛ́nyɔ́ naá mɔ́ɔ go bogaaga bá Gimmúmpúu gá Giliíli.
Buelí bá Póolo
14Bolimóní, naá bɔ́ɔbɔ bó nyó núunemú, yɔmɔ́ɔ ŋgíyimene bese bese caá no lɛ́ dácɛ na bɛnɔ́gɔ́ bá mbééníŋínyí, no íyimene mammana iŋkimée, no gɔnɔ bɛanana bogaaga bá go témbugeninye. 15Kanɛ́, naá kálata yɛ́ɛyɛ ŋgaá nɔ́ ɔ́ŋɔ́ yɛ́ɛyɛ, moóma múncodío mó lɛ́ hɔ́ɔ mɔ́ɔmɔ ŋgaá ná nyó ádɛ́nánáa pasɛ́ pasɛ́. Ŋgaá ná gálágáláa nɔ́ɔnɔ go niibo nɛ́ɛnɛ Asaŋa a lɔ́mɔ́ ŋŋaáalú. 16A lɛ́ ŋgíyíelú uyogóní ba Yésu Kilítu naá kadɛ́gadɛ́ɛ ya mɛɛ́nɔ máama móncodío. Mbá bííŋéné uŋkimée uŋkimée bamɛ go go dúmenye Gɛnɔ́gɔ́ gá Cɔ́mɔ gɛ́ɛgɛ gɛ́ úlenemú naá mɔ́ɔ. Túmenye Gɛnɔ́gɔ́ gá Cɔ́mɔ moánɛ go mɛɛ́nɔ máama móncodío, goŋaá má bɛ́ɛmba gɛbáágá gɛ́ɛgɛ gɛ́ mo nɔ́ɔnɔnɔmɔ́, gɛ́ gɔnɔ bɛ́ɛmba gɛ́ɛgɛ Gimmúmpúu gá Giliíli a mbií iyídé a báá ágá kóka go busío bɛ́hɛ́. 17Gɔ́ɔ, aŋa ndɔ́mɔ́ bénebígínyéelú na Kilítusu, ndɛ́ ba go béségisegi go buelí bá Asaŋa bɔ́ɔbɔ nyɔgɔnɔmɔ́. 18Cɛ kéléménénée go oya boóma búncodío, ŋgoyamɔ́ goana bɔ́ɔbɔ Kilítusu a mbaá ŋaáa gámɛ, go goŋaá mɛɛ́nɔ máama móncodío má mo ɔ́bɛnɔ. A mba ŋaáa nɔ́ɔnɔ na dogálɔ dɔ́ɔdɔ mmbaá gálágáláa, gɔnɔ́ na moóma mɔ́ɔmɔ mmbaá ŋanánáa. 19A mba ŋanánáa nɔ́ɔnɔ na biseyi bá moóma mbɔ́dɔ gɛca, Gimmúmpúu gá Giliíli tɔ́nɔ a báá dúfie bogaaga bɛ́hɛ́. Gɔ́ɔ yɔmɔ́ɔ, mbaá dúményée Gɛnɔ́gɔ́ gá Cɔ́mɔ gɛ́ɛgɛ gɛ́ núunemú Kilítusu hoóma hiimée, gó bayɛga naá Yolósalɛmɛ gó ɛ́da súge naá Ililíi. 20Bó nnɔ́ɔnɔnɔ goŋaá túmenye Gɛnɔ́gɔ́ gá Cɔ́mɔ goana naá hoóma háaha bá gá lɔ́mɔ́ bá dɛ ɔ́bɔ́ bá buŋe ufíno yá Kilítusu, goŋaá, cɛ yɔgɔ́nɔ́ɔ naá hoóma háaha sɔ́gɔ́ɔ a báá ná manɛ́ go yɔgɔnɔ hɔ́ɔ. 21Ŋŋanana nɔ́ɔnɔ aŋa bó lɔ́mɔ́ ɔ́ŋɔ́ɔlú naá kálata ya Asaŋa goŋaá: «Báaba bá gá báasamɔ́ bá dɛ ɔ́bɔ́ bá gálagala boóma go busío bɛ́hɛ́, bá ná mo ɛ́na. Báaba bá gá lɔ́mɔ́ bá dɛ ɔ́bɔ́ boóma gɛ́hɛ́, bó nɔ́ ɔ́bɔnɔ cɔ́mɔ#15.21 Iseyíi 52.15..»
Oŋɛndɔ yɔ́ɔyɔ Póolo a dánamɔ́
22Boóma moánɛ bɔ́ bó mbaá lɛ bó ndegene go úle naá bɛɛnyɔ́ɔ ɛŋɛndɔ gɛca. 23Ínoni nnyómá gɛca, mmba lɛ́ ndɛ́galɛga go nyó gundie oŋgíso. Godɔ́ɔdɔ, buelí bámɛ naá bigísi bá cí bɛ́ɛbɔ bó á maná. 24Gɔ́ɔ ndɔ́mɔ́ caá, gɔ́ɔgɔ nnɛ́ ɛ́damɔ́ Panyá, nná dɛ́lɛmɛna naá bɛɛnyɔ́ɔ, dɛ kúlide, mbɛa bɛyaŋa dácɛ go go bɛ́ɛmba olɔŋɔ nɛnyɔ́, gɔnɔ́, no ŋgóhiginyo go oŋɛndɔ yámɛ yɔ́ɔyɔ. 25Kanɛ́ godɔ́ɔdɔ, mmanɛ go ɛ́da naá Yolósalɛmɛ go go óhiginyo boolímínyí báaba hɔ́ɔ. 26Ŋgɛ́dana goŋaá boolímínyí báaba naá Masɛdóanɛ na naá Ekeyíi bá á ágánáa muinyí go go dómɛna basógasoga bá boolímínyí báaba naá Yolósalɛmɛ. 27Bá mba bégedíe bɔ́ɔ moatɛ́, kanɛ́ mammana, bó mba lɛ́ bó háanana goŋaá bó óhiginyo batɔ bɔ́ɔbɔ nɔ́ɔnɔ. Beyúdene bá mba ŋaáa goŋaá batɔ báaba bá lɔ́mɔ́ bá dɛ bɛ́ɛ́mbá Beyúdene, bá dáŋaba bɛfona bá Asaŋa. Gɔ́ɔ bó lɔ́mɔ́ bese tɔ́nɔ goŋaá báaba bá lɔ́mɔ́ bá dɛ bɛ́ɛ́mbá Beyúdene bó óhiginyo Beyúdene na boóma bɔ́ɔbɔ bá lɔ́mɔ́ bá dɛ bɛanánáa#15.27 Go gig. 25-27: o bana, go eninye na 1 Kɔl 16.1-4; 9.11; 2 Kɔl 8-9.. 28Gɔ́ɔ, aŋa nná manamɔ́ bosɔ́mɔ bɔ́ɔbɔ, mbáá bó dúmbínyée buimée bɔ́ɔbɔ bá á ná bó dómɛ́ná, manɛ́, nná dɛ́lɛmɛnamɔ́ naá bɛɛnyɔ́ɔ, go go ɛ́da gámɛ naá Panyá. 29Ŋgíyimene caá, gɔ́ɔgɔ nnú úlemú naá bɛɛnyɔ́ɔ, Kilítusu a ná có fona makɔ́nɔ́.
30Bolimóní, go ufíno yá Daadáa bɛcɔ́ Yésu Kilítu, na gɛnɔ́ɔ́nɛ́nɔ́ gɛ́ɛgɛ Gimmúmpúu gá Giliíli a có fáananamɔ́, ŋgaá nyó bósógólídío goŋaá no noanana olɔŋɔ namɛ na mbósógólí sɛ́ɛsɛ no bósógolonyomú Asaŋa na bogaaga go busío bámɛ. 31Bósógólónyóomú nɔnɔ goŋaá cɛ obá naá magálá má batɔ bá Yudée báaba bá lɔ́mɔ́ bá dɛ olímónyóo Yésu Kilítu. Bósógólónyóomú nɔnɔ tɔ́nɔ goŋaá boolímínyí báaba naá Yolósalɛmɛ bá gɔ́lɔ gióhiginyo gɛ́ɛgɛ kaá ná bó ɛ́dɛ́ná na gɛ́ bese. 32Nɔ́ɔ gɔ́ɔ, Asaŋa a amɔ́ a lɛ́ga, kaá ná bolá naá bɛɛnyɔ́ɔ, odɛ́má na bɛyaŋa; ndɛ go dúugide sɔŋɛ olɔŋɔ nɛnyɔ́. 33Ŋgáa Asaŋa mɔ́ɔnyɔ a fáananamɔ́ batɔ buumbénú a bɛ́ɛmba nɛnyɔ́ biimée! Aamɛnɛ.
Zvasarudzwa nguva ino
Olóma 15: YAS
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Olóma 15
15
Dɛ nɔ́ɔ ondimóní bɛcɔ́ caá bɛɛcɔ́ɔ moatɛ́
1Bɛɛcɔ́ɔ báaba dɛ manɛmɔ́ go gónɛna naá gioliminyo, dɛ háanana go kélemene basɔ́gɔ́ɔ báaba bá gá lɔ́mɔ́ bá dɛ gónɛ́ná naá gɛ́. Dɛ dɛ háánánáa go ŋanana goana bɔ́ɔbɔ bó có fɛɛnanɛnamɔ́. 2Onyɔ moánɛ naá bɛɛcɔ́ɔ, a háanana go yɔgɔnɔ go besé ya basɔ́gɔ́ɔ goŋaá a bó óhigonyo, bɛ́ ɛ́da naá busío bó olimonyo Asaŋa. 3Kilítusu a lɛ́ kanɛ go yɔgɔnɔ go go fúmbe besé yɛhɛ́ ya moatɛ́; kanɛ́ bó mbaá lɛ gɔgɔ́ aŋa Ŋgɔ́ŋɛ́ sɛ́ oyamɔ́ sɛ́ amɔ́: «Cigí sá báaba bá mbaá lɔmɔ́ bá go sɛga maamɔ́ɔ Asaŋa, yɔmɔ́ɔ mɔ́ɔ, sɛ́ mbaá ŋgobɛ́ná#15.3 Ɛsagɔ 69.10..» 4Buimée bɔ́ɔbɔ bó mbaá bɔ́ɔ́ŋɔ́ɔ cóá naá Kálata ya Asaŋa, bó mbaá lɛ go go có húunenye nciŋí, go goŋaá, go ɛbágóɛga na gigúluminye mɔ́ɔmɔ Ŋgɔ́ŋɛ́ sɛ́ có úleninemú na mɔ́, dɛ bɛa mbémineminie. 5Ŋgáa Asaŋa mɔ́ɔnyɔ a gúlumeninyemú batɔ a gunde a bó fáanana bogaaga bá go gɛ́gana kanɛ tɔmbɛ́nɔ́ɔ, a ŋa goŋaá no bɛ́ɛmba ukelú yúmmue naá gieninye gá Yésu Kilítu. 6Mammana, bɛɛnyɔ́ɔ biimée, no ɛ́da go búlugenye Asaŋa, Isée ba Daadáa bɛcɔ́ Yésu Kilítu, odɛ́má na ukelú táŋɛ́ yúmmue.
No gɛ́ndɛganɛna aŋa bolimóní
7Gɛ́ndɛ́gánɛ́náa nɔnɔ kanɛ́ bɛɛnyɔ́ɔ na bɛɛnyɔ́ɔ naá mbɔ́dɔ yɛ́ɛyɛ Kilítusu a mbaá nyó gɛ́ndɛ́gɛ́ná; no ŋanana nɔ́ɔ goŋaá batɔ bá búlugenye Asaŋa. 8Ŋgoó oyɛ́dá mammana caá Asaŋa a dɛ gundénée na nnyimé; boóma moánɛ bɔ́, Kilítusu a mbɛɛ́ ɛ́yá uyogóní ba Beyúdene go go hóogio tánɔ sɛ́ɛsɛ Asaŋa a mbaá dánɛ́ná biisée kɔ́nɔ́ɔ bá biisée bábɔ́. 9A mbu úlé tɔ́nɔ go busío bá báaba bá lɔ́mɔ́ bá dɛ bɛ́ɛ́mbá Beyúdene goŋaá bá búlugenye Asaŋa go ŋgɛ́na mahana yɛhɛ́ go busío bábɔ́, aŋa bó lɔ́mɔ́ ɔ́ŋɔ́ɔlú naá kálata ya Asaŋa goŋaá: «Go busío moánɛ, ka ŋga go búlúgényée naá kadɛ́gadɛ́ɛ ya mɛɛ́nɔ miimée. Ka ŋga go leebényée na ɛsagɔ.» 10Nogálɔ ná Asaŋa no gɔnɔ go oya no amɔ́: «Bɛɛnyɔ́ɔ mɛɛ́nɔ miimée, bénebígínyéemú nɔnɔ na boɛ́nɔ bá Asaŋa go go békelenye olɔŋɔ.» 11Bó lɛ́ tɔ́nɔ ɔ́ŋɔ́ɔlú goŋaá: «Bɛɛnyɔ́ɔ mɛɛ́nɔ má cí iŋkimée, búlúgényée nɔnɔ Daadáa! Ŋgáa batɔ bá cí iŋkimée, bá mo búlugenye.» 12Mbúsí ya Asaŋa Iseyíi, a gɔnɔ go oya a amɔ́: «Mɔtɔ a ŋga bológá naá nogɔgɔ́ ná Yesée, a bɛ́ɛmba ufuŋe yá mɛɛ́nɔ miimée, má ŋga ágá odɛ́má yábɔ́ uŋkimée naá mɔ́ɔ#15.12 Go big. 9 a húme 12 go gig. 9 kálata ya Ɛsagɔ 18.50; 2 Sémuele 22.50go gig. 10 go ɛ́na Bicele 32.43 go gig. 11 Ɛsagɔ 117.1 go gig. 12: Iseyíi 11.10..» 13Ŋgáa Asaŋa mɔ́ɔnyɔ a ŋananamɔ́ goŋaá no ágá odɛ́má yɛ́nyɔ́ naá mɔ́ɔ, a nyó sugune bɛyaŋa na buumbénú naá ɛdɛ́má dácɛ dácɛ, no mo olimonyo, go goŋaá no ágana odɛ́má yɛ́nyɔ́ naá mɔ́ɔ go bogaaga bá Gimmúmpúu gá Giliíli.
Buelí bá Póolo
14Bolimóní, naá bɔ́ɔbɔ bó nyó núunemú, yɔmɔ́ɔ ŋgíyimene bese bese caá no lɛ́ dácɛ na bɛnɔ́gɔ́ bá mbééníŋínyí, no íyimene mammana iŋkimée, no gɔnɔ bɛanana bogaaga bá go témbugeninye. 15Kanɛ́, naá kálata yɛ́ɛyɛ ŋgaá nɔ́ ɔ́ŋɔ́ yɛ́ɛyɛ, moóma múncodío mó lɛ́ hɔ́ɔ mɔ́ɔmɔ ŋgaá ná nyó ádɛ́nánáa pasɛ́ pasɛ́. Ŋgaá ná gálágáláa nɔ́ɔnɔ go niibo nɛ́ɛnɛ Asaŋa a lɔ́mɔ́ ŋŋaáalú. 16A lɛ́ ŋgíyíelú uyogóní ba Yésu Kilítu naá kadɛ́gadɛ́ɛ ya mɛɛ́nɔ máama móncodío. Mbá bííŋéné uŋkimée uŋkimée bamɛ go go dúmenye Gɛnɔ́gɔ́ gá Cɔ́mɔ gɛ́ɛgɛ gɛ́ úlenemú naá mɔ́ɔ. Túmenye Gɛnɔ́gɔ́ gá Cɔ́mɔ moánɛ go mɛɛ́nɔ máama móncodío, goŋaá má bɛ́ɛmba gɛbáágá gɛ́ɛgɛ gɛ́ mo nɔ́ɔnɔnɔmɔ́, gɛ́ gɔnɔ bɛ́ɛmba gɛ́ɛgɛ Gimmúmpúu gá Giliíli a mbií iyídé a báá ágá kóka go busío bɛ́hɛ́. 17Gɔ́ɔ, aŋa ndɔ́mɔ́ bénebígínyéelú na Kilítusu, ndɛ́ ba go béségisegi go buelí bá Asaŋa bɔ́ɔbɔ nyɔgɔnɔmɔ́. 18Cɛ kéléménénée go oya boóma búncodío, ŋgoyamɔ́ goana bɔ́ɔbɔ Kilítusu a mbaá ŋaáa gámɛ, go goŋaá mɛɛ́nɔ máama móncodío má mo ɔ́bɛnɔ. A mba ŋaáa nɔ́ɔnɔ na dogálɔ dɔ́ɔdɔ mmbaá gálágáláa, gɔnɔ́ na moóma mɔ́ɔmɔ mmbaá ŋanánáa. 19A mba ŋanánáa nɔ́ɔnɔ na biseyi bá moóma mbɔ́dɔ gɛca, Gimmúmpúu gá Giliíli tɔ́nɔ a báá dúfie bogaaga bɛ́hɛ́. Gɔ́ɔ yɔmɔ́ɔ, mbaá dúményée Gɛnɔ́gɔ́ gá Cɔ́mɔ gɛ́ɛgɛ gɛ́ núunemú Kilítusu hoóma hiimée, gó bayɛga naá Yolósalɛmɛ gó ɛ́da súge naá Ililíi. 20Bó nnɔ́ɔnɔnɔ goŋaá túmenye Gɛnɔ́gɔ́ gá Cɔ́mɔ goana naá hoóma háaha bá gá lɔ́mɔ́ bá dɛ ɔ́bɔ́ bá buŋe ufíno yá Kilítusu, goŋaá, cɛ yɔgɔ́nɔ́ɔ naá hoóma háaha sɔ́gɔ́ɔ a báá ná manɛ́ go yɔgɔnɔ hɔ́ɔ. 21Ŋŋanana nɔ́ɔnɔ aŋa bó lɔ́mɔ́ ɔ́ŋɔ́ɔlú naá kálata ya Asaŋa goŋaá: «Báaba bá gá báasamɔ́ bá dɛ ɔ́bɔ́ bá gálagala boóma go busío bɛ́hɛ́, bá ná mo ɛ́na. Báaba bá gá lɔ́mɔ́ bá dɛ ɔ́bɔ́ boóma gɛ́hɛ́, bó nɔ́ ɔ́bɔnɔ cɔ́mɔ#15.21 Iseyíi 52.15..»
Oŋɛndɔ yɔ́ɔyɔ Póolo a dánamɔ́
22Boóma moánɛ bɔ́ bó mbaá lɛ bó ndegene go úle naá bɛɛnyɔ́ɔ ɛŋɛndɔ gɛca. 23Ínoni nnyómá gɛca, mmba lɛ́ ndɛ́galɛga go nyó gundie oŋgíso. Godɔ́ɔdɔ, buelí bámɛ naá bigísi bá cí bɛ́ɛbɔ bó á maná. 24Gɔ́ɔ ndɔ́mɔ́ caá, gɔ́ɔgɔ nnɛ́ ɛ́damɔ́ Panyá, nná dɛ́lɛmɛna naá bɛɛnyɔ́ɔ, dɛ kúlide, mbɛa bɛyaŋa dácɛ go go bɛ́ɛmba olɔŋɔ nɛnyɔ́, gɔnɔ́, no ŋgóhiginyo go oŋɛndɔ yámɛ yɔ́ɔyɔ. 25Kanɛ́ godɔ́ɔdɔ, mmanɛ go ɛ́da naá Yolósalɛmɛ go go óhiginyo boolímínyí báaba hɔ́ɔ. 26Ŋgɛ́dana goŋaá boolímínyí báaba naá Masɛdóanɛ na naá Ekeyíi bá á ágánáa muinyí go go dómɛna basógasoga bá boolímínyí báaba naá Yolósalɛmɛ. 27Bá mba bégedíe bɔ́ɔ moatɛ́, kanɛ́ mammana, bó mba lɛ́ bó háanana goŋaá bó óhiginyo batɔ bɔ́ɔbɔ nɔ́ɔnɔ. Beyúdene bá mba ŋaáa goŋaá batɔ báaba bá lɔ́mɔ́ bá dɛ bɛ́ɛ́mbá Beyúdene, bá dáŋaba bɛfona bá Asaŋa. Gɔ́ɔ bó lɔ́mɔ́ bese tɔ́nɔ goŋaá báaba bá lɔ́mɔ́ bá dɛ bɛ́ɛ́mbá Beyúdene bó óhiginyo Beyúdene na boóma bɔ́ɔbɔ bá lɔ́mɔ́ bá dɛ bɛanánáa#15.27 Go gig. 25-27: o bana, go eninye na 1 Kɔl 16.1-4; 9.11; 2 Kɔl 8-9.. 28Gɔ́ɔ, aŋa nná manamɔ́ bosɔ́mɔ bɔ́ɔbɔ, mbáá bó dúmbínyée buimée bɔ́ɔbɔ bá á ná bó dómɛ́ná, manɛ́, nná dɛ́lɛmɛnamɔ́ naá bɛɛnyɔ́ɔ, go go ɛ́da gámɛ naá Panyá. 29Ŋgíyimene caá, gɔ́ɔgɔ nnú úlemú naá bɛɛnyɔ́ɔ, Kilítusu a ná có fona makɔ́nɔ́.
30Bolimóní, go ufíno yá Daadáa bɛcɔ́ Yésu Kilítu, na gɛnɔ́ɔ́nɛ́nɔ́ gɛ́ɛgɛ Gimmúmpúu gá Giliíli a có fáananamɔ́, ŋgaá nyó bósógólídío goŋaá no noanana olɔŋɔ namɛ na mbósógólí sɛ́ɛsɛ no bósógolonyomú Asaŋa na bogaaga go busío bámɛ. 31Bósógólónyóomú nɔnɔ goŋaá cɛ obá naá magálá má batɔ bá Yudée báaba bá lɔ́mɔ́ bá dɛ olímónyóo Yésu Kilítu. Bósógólónyóomú nɔnɔ tɔ́nɔ goŋaá boolímínyí báaba naá Yolósalɛmɛ bá gɔ́lɔ gióhiginyo gɛ́ɛgɛ kaá ná bó ɛ́dɛ́ná na gɛ́ bese. 32Nɔ́ɔ gɔ́ɔ, Asaŋa a amɔ́ a lɛ́ga, kaá ná bolá naá bɛɛnyɔ́ɔ, odɛ́má na bɛyaŋa; ndɛ go dúugide sɔŋɛ olɔŋɔ nɛnyɔ́. 33Ŋgáa Asaŋa mɔ́ɔnyɔ a fáananamɔ́ batɔ buumbénú a bɛ́ɛmba nɛnyɔ́ biimée! Aamɛnɛ.
Zvasarudzwa nguva ino
:
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda