Kuverengwa 14:1-5

Gungano rose ravaIsiraeri rakaridza mhere usiku ihwohwo vakarara vachichema. Gungano rose rakanyunyutira Mosesi naAroni vachiti, “Dai takafira zvedu kunyika yeIjipiti kana kuti tifire zvedu murenje muno! Seiko Mwari achida kuenda nesu kunyika iyoyo kundotiurayisa nehondo? Madzimai edu navana vedu vachatapwa. Hazvingatinakire here kana tikadzokera zvedu kuIjipiti?” Saka vakataurirana vachiti, “Ngatisarudzei mutungamiriri tidzokere kuIjipiti!” Ipapo Mosesi naAroni vakati pasi zvambarara pamberi pegungano rose ravaIsiraeri.