Kañaam 32
32
Ñaaŋ i Nawat Kabuka amiiruŋ ipekadu anuurandëni
1Kayeeh ki pñaamarën Naşibaţi ki Dayiţ
Ñaaŋ i Yawe Nawat Kabuka amiiruŋ pjuban anuurandëni ;
ñaaŋ i Nawat Kabuka apënanuŋ ipekadu anuurandëni.
2Ñaaŋ i Nawat Kabuka awooŋ aanţo afën ipekadu anuurandëni ;
ñaaŋ anwooŋ aanwo na kaguuru ţi uşal anuurandëni.
3Wal bŧi wi nwooŋ mënţup aji djubani,
dji kabi wo wo ţi mnţëg,
imoh yi naan bŧi kë iyoji.
4Nfa na utaakal kañen ki nu kaji kawo ţi nji duuţ,
kë nji kawo ji kanah ki bnuur batëruŋ kë kalewi.
Pnaţ ntiinku
5Dţupu pekadu di naan,
mëmmenu pjuban pi naan.
Dji ţi uşal : « Dya kaţup Nawat Kabuka pjuban pi naan »,
kë iwi işë miirën pjuban pi naan, ipënan ipekadu yi naan.
Pnaţ ntiinku
6Ukaaŋ kë bañaaŋ biki nu bŧi bawo kañehanu,
wi bayikrënuŋ kë bajubani.
Woli meel mandoo par aniink dko bŧi, maankbanaara ban baka.
7Iwi iwooŋ dko di njaaŋ kamennaana,
iji kbuuranaan phaajala,
ido kë bañaaŋ bafooyën ayeeh mnlilan mi pbuur.
Pnaţ ntiinku
8Ijakën aji : « Dluŋ kajukanu, kayuuju bgah bi iwooŋ kaţaş ;
dluŋ kado kaţaŋu, kawuli'u.
9Nawutan kawo ji umpëlënŧ këme ubuuru unwooŋ uunwo na uşal,
wi bajaaŋ batan kabot kakiin uwutna kañogu. »
10Ñaaŋ i buţaan aji yewla
kë Nawat Kabuka aşë ji boof ñaaŋ anhaţuluŋ na uŋal wi nul unwooŋ uunkba.
11An nanwooŋ baŧool ţi këş ki Nawat Kabuka, nalilaan ţi a, nalilaan !
An bŧi nanwooŋ baŧool ţi ŋhaaş ŋi nan, nayeehan mnlilan !
Zvasarudzwa nguva ino
Kañaam 32: knf
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2014, Wycliffe Bible Translators, Inc. in cooperation with Le Groupe CIM-TBM, Senegal