Kañaam 24
24
Yawe Nawat Kabuka aneej du dko dyimanaan di nul
1Kayeeh ki pñaamarën Naşibaţi ki kapënna ţi ulibra wi Dayiţ
Yawe Nawat Kabuka akaaŋ mboş na iko bŧi iwooŋ ţi ma ;
akaaŋ aka bañaaŋ bŧi banfëţuŋ ţi ma.
2Ul apaşuŋ ma aşeef ţi meel duuţ ;
ul aţuuŋ ma ţi idëk duuţ.
3In akluŋ kapaya du pnkuŋ pi Nawat Kabuka ?
In akluŋ kanaţ du dko dyimanaan di nul ?
4Ñaaŋ anwooŋ aanjubani a ;
ñaaŋ anwooŋ na uhaaş ujinţ a ;
ñaaŋ anwooŋ aanţu uhaaş ţi iko inaaf a ;
ñaaŋ anwooŋ aanji mehna kaguurna bañaaŋ a.
5Aluŋ kayeenk bnuura bi Nawat Kabuka,
kayeenk pwayëş pŧool pi Naşibaţi ankbuuranuluŋ.
6Bañaaŋ bukuŋ mënţan bakla'uluŋ,
baklaaŋ kaara di nu, kaara di Naşibaţi i Yakob akdëmanuŋ.
Pnaţ ntiinku
7Ilëman ihaabëşiin, ihaabëşiin ihaan !
Ihaabëşiin, ilëman ijon !
Naşih anwooŋ na mndëm aneej !
8In awooŋ Naşih anwooŋ na mndëm mënţ ?
Nawat Kabuka ankaaŋ mnhina mweek a ;
Nawat Kabuka anhiluŋ ugut a.
9Ilëman ihaabëşiin, ihaabëşiin ihaan !
Ihaabëşiin, ilëman ijon !
Naşih anwooŋ na mndëm aneej !
10In awooŋ Naşih anwooŋ na mndëm mënţ ?
Yawe Nawat Kabuka, Anhiniiŋ iko bŧi a,
ul awooŋ Naşih anwooŋ na mndëm.
Pnaţ ntiinku
Zvasarudzwa nguva ino
Kañaam 24: knf
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2014, Wycliffe Bible Translators, Inc. in cooperation with Le Groupe CIM-TBM, Senegal