2 ᑲᕒᐃᑎᔭᓇᒃ 6
6
1ᐃᐃᒫ ᓴ ᑳᐃᔑᐐᑕᓄᑮᒪᑭᒡ ᐊᐊ ᑭᔐᒪᓂᑑ, ᒦᑕᔥ ᐁᔑᐸᑯᓭᓂᒥᑰᔦᒃ ᑮᓇᐙ ᐋᔕ ᑳᑮᒦᓂᓀᒃ ᑭᔐᒪᓂᑑ ᐅᑭᔐᐙᑎᓯᐎᓐ, ᑫᑯ ᐊᓂᔖ ᐅᑖᐱᓇᒧᐙᑫᒃ᙮ 2#Isa 49.8 ᑭᔐᒪᓂᑑ ᓴ ᐃᑭᑐ:
ᐊᐲ ᓴ ᐁᑮᐅᒋᒋᓭᒃ ᒋᐙᐸᑕᐃᓇᑰᒃ ᓂᒥᓄᒋᑫᐎᓐ, ᑭᑮᓅᑕᐎᓂᓂᒻ᙮
ᐊᐲ ᓴ ᐁᑮᐃᔑᑮᔑᑲᒃ ᒋᐱᒫᒋᐃᓇᑰᒃ, ᑭᑮᐐᒋᐃᓂᓂᒻ᙮
ᐃᓇᔥᑫ ᐱᓯᑕᒧᒃ! ᑎᐸᐃᑲᓐ ᐅᔕ ᐋᔕ ᑮᐅᒋᒋᓭ ᒋᑌᐱᓇᒧᐌᒃ ᑭᔐᒪᓂᑑ ᐅᒥᓄᒋᑫᐎᓐ, ᒦ ᓴ ᓅᑯᒻ ᑳᑮᔑᑲᒃ ᐁᔑᑮᔑᑲᒃ ᒋᐱᒫᒋᐃᑰᔦᒃ!
ᑆᓬ ᑾᔭᒃ ᐁᑮᐃᔑᓈᑾᓂᓂᒃ ᐅᑕᓄᑮᐎᓐ
3ᐋᐱᒋ ᑕᔥ ᓂᑕᔮᒀᒥᓯᒥᓐ ᒋᑭᐱᔥᑲᐙᓯᐗᑭᒡ ᐊᐎᔭ, ᐋᓃᔥ ᑳᐐᓐ ᓂᓇᑕᐌᓂᒫᓯᐙᓈᓐ ᐊᐎᔭ ᒋᒥᑲᕽ ᒪᒋᑫᑰᓂᓂ ᐃᐃᒫ ᓂᑕᓄᑮᐎᓂᓈᓂᕽ᙮ 4ᒦ ᓴ ᐁᔑᓈᑯᑑᔮᕽ ᑭᔐᒪᓂᑑ ᐁᐊᓄᑮᑕᐗᑭᒡ ᐃᐃᒫ ᑳᐃᔑᔕᔒᐯᑕᒫᕽ ᐃᓂ ᐋᓂᒥᓯᐎᓇᓐ, ᑳᐃᔑᑲᒀᑕᑭᓭᔮᕽ, ᑳᐃᔑᓴᓇᑭᓭᔮᕽ ᑲᔦ᙮ 5#Acts 16.23. ᐁᑮᐸᐸᑭᑌᐅᑰᔮᕽ, ᐁᑮᑭᐸᐅᑰᔮᕽ, ᐁᑮᒫᒪᐎᐅᑎᑎᓂᑰᔮᕽ, ᒨᔕᒃ ᑲᔦ ᐁᑳᔑᐳ ᐊᓄᑮᔮᕽ, ᐁᑳ ᐁᓂᐹᓯᐙᕽ ᑲᔦ ᒨᔕᒃ, ᒦᒋᒻ ᑲᔦ ᐁᑳ ᐁᑮᐊᔮᓯᐙᕽ᙮ 6ᐯᑳᑎᓯᐎᓂᕽ, ᑭᑫᑕᒫᐎᓂᕽ, ᔕᔒᐯᑕᒧᐎᓂᕽ, ᒥᓄᑑᑖᑎᐎᓂᕽ ᑲᔦ, ᒦ ᓴ ᐃᐃᒫ ᐁᔑᓈᑯᑑᔮᕽ ᑭᔐᒪᓂᑑ ᐅᑕᓄᑮᐋᑲᓇᐞ ᐁᑎᓅᐎᔮᕽ; ᐃᐃᒫ ᑲᔦ ᑭᔐᒪᓂᑑ ᐅᑕᒑᑾᓐ ᐁᐐᑕᓄᑮᒥᔭᒥᓐᒡ, ᑌᐺ ᑲᔦ ᑳᐃᔑᓵᑭᐃᐌᔮᕽ; 7ᐃᐃᒫ ᑲᔦ ᑳᐃᔑᑎᐹᑐᑕᒫᕽ ᑌᐺᐎᓐ, ᑭᔐᒪᓂᑑ ᑲᔦ ᐅᒪᔥᑲᐎᓰᐎᓂᕽ᙮ ᒦ ᓴ ᐃᐃ ᑾᔭᒀᑎᓯᐎᓐ ᑳᐋᐸᒋᑑᔮᕽ ᑮᒦᑳᓱᔮᕽ, ᒦ ᑲᔦ ᐃᐌ ᑳᐋᐸᒋᑑᔮᕽ ᑮᓈᑕᒫᓱᔮᕽ᙮ 8ᓂᑯᑎᕽ ᑕᔥ ᓂᑭᑌᓂᒥᑰᒥᓐ, ᓂᑯᑎᕽ ᑲᔦ ᑳᐐᓐ ᓭᓯᒃ ᓂᑑᑖᑰᓰᒥᓐ, ᓂᑯᑎᕽ ᓅᒋᑯ ᓂᑎᑰᒥᓐ, ᓂᑯᑎᕽ ᑲᔦ ᓂᒥᓄᑕᔑᒥᑰᒥᓐ᙮ ᑖᐱᔥᑰ ᓴ ᐁᑲᑮᓇᐎᔥᑭᔮᕽ ᓂᑑᑖᑰᒥᓐ ᐋᓇᐐᓐ ᐁᑕᔑᑕᒫᕽ ᑌᐺᐎᓐ᙮ 9ᒦᑕᔥ ᐁᑑᑖᑰᔮᕽ ᑖᐱᔥᑰ ᐁᑭᑫᓂᒥᑰᓯᐙᕽ, ᔖᑰᒡ ᑕᔥ ᑲᑭᓇ ᐊᐎᔭᒃ ᓂᑭᑫᓂᒥᑯᓈᓂᒃ᙮ ᑖᐱᔥᑰ ᑲᔦ ᐁᐃᔑᓈᑯᓯᔮᕽ ᐁᓂᐳᔮᕽ, ᔖᑰᒡ ᑕᔥ ᓂᐱᒫᑎᓯᒥᓐ ᑳᐃᔑᐙᐸᒥᔮᕽ᙮ ᐁᑲᒀᑕᑭᐃᑰᔮᕽ ᑲᔦ, ᑳᐐᓐ ᑕᔥ ᒪᔑ ᓂᓂᓯᑰᓰᒥᓐ᙮ 10ᐋᓇ ᑲᔦ ᐁᒪᒉᑕᒫᕽ ᔖᑰᒡ ᑕᔥ ᒨᔕᒃ ᓂᒌᑫᑖᒥᓐ᙮ ᐁᑭᑎᒫᑭᓈᑯᓯᔮᕽ ᑲᔦ, ᔖᑰᒡ ᑕᔥ ᓂᐱᐗᐞ ᐯᒫᑎᓯᐙᒡ ᓂᐌᓅᑎᓯᐋᓈᓂᒃ᙮ ᐁᐃᔑᓈᑯᓯᔮᕽ ᑲᔦ ᑫᑰᓐ ᐁᐊᔮᓯᐙᕽ, ᔖᑰᒡ ᑕᔥ ᑲᑭᓇ ᑫᑰᓐ ᓂᑕᔮᒥᓐ᙮
11ᑮᓇᐙ ᓴ ᐌᑎ ᒀᕒᐃᑎᕽ Corinth ᑳᐊᔮᔦᒃ, ᐙᐃᑰᔦᒃ ᓴ ᑭᑮᐃᑰᒻ, ᑭᑮᐹᑭᓇᒫᑰᒻ ᓂᑌᐃᓈᓂᓐ ᐁᓵᑭᐃᑰᔦᒃ᙮ 12ᑳᐐᓐ ᑕᔥ ᓃᓇᐎᓐᑦ ᑳᑮᑭᐸᐊᒫᑰᔦᒃ ᓂᑌᐃᓈᓂᓐ, ᑮᓇᐙ ᐅᔕ ᑳᑮᑭᐸᐊᒪᐎᔮᕽ ᑭᑌᐃᐙᓐ᙮ 13ᑖᐱᔥᑰ ᑕᔥ ᐁᐅᓃᒑᓂᓯᒥᓇᑰᒃ ᑭᑎᔑᑲᓅᓂᓂᓂᒻ – ᑫᑮᓇᐙ ᑕᔥ ᐙᐸᑕᐃᔑᓈᒻ ᐁᐐᓵᑭᐐᒌᐎᔑᔮᕽ, ᐅᑖᐱᓂᔑᓈᒻ ᑭᑌᐃᐙᕽ᙮
ᑫᑯ ᐐᓐ ᓵᑭᑑᑫᒃ ᑳᒪᒋᓈᑾᑭᓐ
14ᑫᑯ ᐐᓐ ᐯᔑᑾᓐ ᐃᔑᑲᑴᐐᒌᐙᑫᒀᓂᒃ ᐃᑭ ᑳᑌᐺᑕᓯᒀ, ᐋᓃᔥ ᑳᐐᓐ ᑖᐃᔑᓭᓯᓅᓐ᙮ ᑖᐃᔑᓈᑾᓐ ᐃᓇ ᒋᓃᔑᑭᐸᓀᓐ ᐃᐃ ᑾᔭᒀᑎᓯᐎᓐ ᐃᐃ ᑕᔥ ᒪᒋᐱᒫᑎᓯᐎᓐ? ᑕᐐᒌᑏᒪᑲᓅᓐ ᐃᓇ ᐃᐃ ᑳᐙᓭᔮᒃ ᐃᐃ ᑕᔥ ᑳᑲᔥᑮᑎᐱᑲᒃ? 15ᐯᔑᑾᓐ ᐃᓇ X ᐊᐊ ᑕᔥ ᑲᔦ ᒪᒋᐊᔭᐋ ᑖᐃᓀᑕᒨᒃ? ᐯᔑᑾᓐ ᐃᓇ ᐃᔑᒋᑫᐗᒃ ᐊᐊ ᑳᑌᐺᑕᕽ ᐊᐊ ᑲᔦ ᑳᑌᐺᑕᓯᒃ? 16#Lev 26.12; Ezek 37.27; 1 Cor 3.16; 6.19. ᑭᔐᒪᓂᑑ ᓇ ᐅᑭᒋᐊᓇᒥᐁᐎᑲᒥᒃ ᐃᔑᒋᑫᒪᑲᓂᓂ, ᑳᐃᔑᒋᑫᓂᒡ ᐃᐃ ᒪᓂᑑᑳᓇᐞ? ᑮᓇᐎᓐᑦ ᓴ ᑳᐱᒫᑎᓯᒡ ᑭᔐᒪᓂᑑ ᐅᑭᒋᐊᓇᒥᐁᐎᑲᒥᒃ! ᑭᔐᒪᓂᑑ ᓴ ᐐᓐ ᐁᑮᐃᑭᑐᒡ:
ᓂᑲᐐᒋᑲᐯᔒᒫᒃ ᓴ ᐃᑭ ᑳᑎᐯᓂᒪᒀ ᐯᒫᑎᓯᐙᒡ,
ᓂᑲᐐᒋᑖᒫᒃ ᑲᔦ ᒣᑴᔭᐄ,
ᓂᑲᐅᒪᓂᑑᒥᑰᒃ ᑕᔥ,
ᑫᐐᓇᐙ ᑕᔥ ᓂᑲᑎᐯᓂᒫᒃ᙮
17 # Isa 52.11. ᑳᑎᐯᒋᑫᒡ ᓴ ᐁᐃᑭᑐᒡ:
ᓇᑲᓂᑾᒃ, ᐸᑳᓐ ᑮᓇᐙ ᐃᔑᐱᒫᑎᓯᒃ,
ᑫᑯ ᐐᓐ ᐸᐹᒣᑕᑫᒃ ᑫᑰᓐ ᑳᐐᓀᑖᑾᒃ᙮
ᒦᑕᔥ ᑫᔑᐅᑖᐱᓂᓇᑰᒃ,
18 # 2 Sam 7.14; 1 Chron 17.13; Isa 43.6; Jer 31.9. ᑭᑲᐅᑌᑌᒥᒻ ᐃᑕᔥ,
ᑮᓇᐙ ᑕᔥ ᑭᑲᐅᑯᓯᓯᒥᓂᓂᒻ, ᑭᑲᐅᑖᓂᓯᒥᓂᓂᒻ ᑲᔦ,
ᑮᐃᑭᑐ ᑳᑎᐯᒋᑫᒡ ᑳᒫᒪᐎ ᒪᔥᑲᐎᓰᒡ᙮
Zvasarudzwa nguva ino
2 ᑲᕒᐃᑎᔭᓇᒃ 6: OJBS
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Ojibwe Shorter Bible (Syllabic Script) © 2008 Canadian Bible Society