Mavhesi emuBhaibheri Ane Mukurumbira kubva kuna MATYOO 24

Pakurirana nevamwe

Ǹkɔ̀nɛ̀n à ɓum lɛɛ̀gwey a ri fɔy, ɓisuulɛ kìtɛ̀ŋtɛ̀ŋ ki ri ɓa di ki mɛ ɓyɔ̀ɔ̀. Wɔ̀lɛ ŋwaànɛ à rì ɓiì sììrɛɛ ɓi rìgherɛ̀n à kpaŋ a rìsugtɛ̀n, à ɓiì ghɛɛ̀ cɛɓ.

Syeesyee à Ɓɔlɛ à kìlɔ̀ŋ ki Bɛ̀ll ànɛ, à ɓiì kalɛɛ zi bimiɗ, lɛ kìɓan ki Ɓɔlɛ ànɛ̀n kɛɛ yilɛn ɓi ɓìlɔ̀ŋ ɓìcèm, ajɛ̀m ìnɛn nnɛ rìsugtɛ̀n ɗi zi ɗi ri ɓa.

Ɓì rì ɓiì woògh di ɓɛɛ̀ kakali ɓiɓan ɓi mɛ̀y mɛ mɛɛ̀ ɗùuɗuùrɛ̀n, rì mɛ mɛɛ̀ pèeghpegsɛ̀n yì, konaaghna lɛ, ìris wɛ̀ kɛɛ̀ ɓan mini, ɓisuulɛ ki ghɛɛ̀sɛɛ kì kìlɛɛ fɔlɔɔ; nni àa rìlèg ɗi zi ɗyɛɛ ri ɓiì ɓaà lɔɔ.

Ki ɓiì ɓaà lɛ: ɓumɓɛ ɓì tum a zi anɛ ɓɛ ram wɛ̀y ri ɓɛ ɓi tum àmbog; ɓɛ ɓi kìlɔ̀ŋ ki ɓɛ ram wɛ̀y ri ɓɛ ɓi kimbog; fɔɔnnɛ zày ì ɓiì kìi jàŋ jàŋ, zi ì ki nyɛ̀ɛnyɛŋɗɛ̀n lɛ rì foo ì nyɛ̀ŋɗɛ̀n, rì foo ì nyɛ̀ŋɗɛ̀n. Ɓìɓan ɓiǹ ɓìcèm ɓi ri ɓa lɔŋ ritumɛ̀n ɗi rikɛŋ ɗi ɓi riyay.

Ɗyoo rì zi ɓi ri ɓiì ghaghii, kìɓan kifog ɓìɓan ɓyɛm̀ ɓyaa ghaagh ɓi.

Ɓisuulɛ ɓum lɛɛ̀gwey ɓɛ ɓiì yùu ri ɗii ɗyɛ̀m, ɓɛ kpaakpàà lɛ: Mɛ̀ yɛɛ ri Kiris; fɔɔnnɛ ɓɛ ri ɓiì syoŋi ɓum lɛɛ̀gwey.

Fɔɔnnɛ ɓɛ ri mìni ɓiì ɓangii, ɓɛ ki lɛ ɓi woòg mɛ̀tɔɓ, ɓɛ weeyì mìni, ɓìlɔ̀ŋ ɓìcèm ɓi ri mìni ɓiì ɓèèzɛɛ ɓisu wɛ̀m. Kìɓan kiǹ ki ɓiì kɛ̀ɓtii ɓum lɛɛ̀gwey fiɓàg, ɓɛ tɔɔ̀tɔ̀kɛ̀n ɓɔ rì ɓɔ, ɓɛ ki ɓigti bènà ɓi nyìinyìm wàà. Ɓɛ̀pwààpwaà ɓɛ ɓɛkpaŋzì-ɓìɓan ɓɛ ri ɓiì yùu lɛɛgwey, ɓɛ syoŋ ɓum kìtuu.

Fɔɔnnɛ Yeesus à ɓàkà ɓɔ lɛ: Ɓì konàg lɛ mum kɛ̀ɛ yègsi mini.

Fɔlɔɔ nnɛ mìni girig, kɔ̀riina cem, lɛ Man à mum à ɓiì yùu ɓi cààmɛ̀n kɔm̀ ki ɓì yii ɓi lɛ, à ri ɓiì kpaŋì miì.

Fɔɔnnɛ kɔ̀riina cem, lɛ ɓi yii ɓi fin ìnnɛ masà wìn a rì ɓiì yùu.

Wɔ̀lɛ, ɓi kìɓan ki gòn, nsoò lɛ cààmɛ̀n kiǹ, ŋwaàdɛŋ à yii ɓì; nsoò ɓum ɓɛ titom ɓɛ aɗyòò, nsoò Man, lɔŋ Tààta cɛ̀ncii yɛɛ yii.

Ɓisuulɛ ɓɛ̀kiris ɓɛ ɓɛpwàà, rì ɓɛ̀pwààpwaà ɓɛ ɓɛkpaŋzì-ɓìɓan ɓɛ ɓiì yùu, ɓɛ kikì ɓyoo dàm rì ɓɛ̀koŋnyoo ɓɛ ɓiɓan ɓi lèg ànɛ lɛ, i kaa rì lɛ ki kilɛ̀n, di ɓɛ ri lɛ ɓɛ syoŋ̀ nsoò ɓumɓɛ ɓɛ ri ɓɛ̀ɓɔ̀nɛn.

Kìɓan ki ki kìlɛ̀ngà ɓi mɛ̀ru mɛ Nowe, kɛɛ ri kìlɛn ɓi rìsugtìì ɗi Man à mum. Ɓisuulɛ ɓi mɛ̀ru mɛ mɛ ghaghìghà, di don ì ka tumɛn ɓi, ɓum ɓɛ kikìghà lɛ, ɓɛ ɗiɗi, ɓɛ nɔnɔ, ɓɛ wɔwɛ̀y ɓɛ̀yiɓ, ɓɛ ki fafa ɓɛgɔ̀n a mɛ̀wɛy, à kpaŋ ŋwos anɛ Nowe à ɗiŋìghà ɓi kìkɔm, ǹɗem wu kɛsìghà ɓi ɓɔ ri kìɓan kidɛŋ à kpaŋ yɛ̀ɛ don i yùghà, ì teɗ ɓɔ ɓɛ̀sɛ̀ɛ̀ ɓɛcèm; folɔɔ nnɛ ki ri ɓa ɓi rìsugtìì ɗi Man à mum.