Mavhesi emuBhaibheri Ane Mukurumbira kubva kuna Daniel 2

Pakurirana nevamwe

Nezewe i'i izupe no. Tuwe teko umume'u nerer ikatu haw tuweharupi wà nehe, Tupàn hezar. Ta'e ereiko ma'e kwaw katu haw izar romo ne xe. Ereiko puner haw izar romo ne. Ne ererur kwarahy. Eremugyr kar àmàn no. Eremuigo kar awa teko wanuwihawete romo ne wà. Ereityk ne wà no. Eremono ma'e kwaw katu haw awa ma'e kwaw katu har wanupe. Eremono ma'e kwaw paw awa ma'e kwaw par wanupe no. Eremume'u ma'e ikwaw pyr 'ym purupe. Eremume'u ma'e imume'u pyr 'ym purupe no. Erekwaw ma'e ipytunahy haw rehe uzeàmim ma'e no. Ta'e tatainy wiko nerehe we a'e xe.

Uwazar Taniew ipuranu haw izupe. — Naheta kwaw awa nepuahu imume'u àràm, ni ma'e kwaw katu har wà, ni uzeapo ma'e ràm imume'u har wà, ni paze ma'e wà, ni zahytata kwaw par wà. Heta pitài tupàn ywak rehe. Umume'u ma'e ikwaw pyr 'ym a'e. Tupàn nemupuahu kar ma'e uzeapo ma'e ràm hexak kar pà newe a'e. O tuwihawete, amume'u putar nepuahu awer neker mehe arer newe nehe kury. Amume'u putar nepuahu awer zàwenugar neker mehe arer newe nehe no.

A'e tuwihawete waneko mehe Tupàn ywak rehe har umuzexak kar putar amo pureruze'egaw a'e nehe. Ni amo numumaw pixik kwaw a'e pureruze'egaw a'e wà nehe. Ni amo tuwihawete nuiko kwaw a'e pureruze'egaw izar romo wà nehe. A'e pureruze'egaw umumaw putar amogwer pureruze'egaw paw rupi wà nehe. Nupaw pixik kwaw nehe.