Mavhesi emuBhaibheri Ane Mukurumbira kubva kuna Mateo 16

Pakurirana nevamwe

Ec'uchiri', xubi'ij ri Jesús chique rutijo'n: —We c'o junok caraj caterej lo chwij, lic chirajawaxic che mu'an xew ri caraj rire, e chucuyu ri c'ax cape puwi' ruma ucojom ri nubi', y tereja lo chwij.

Ri'in cambi'ij c'u chawe: Ri'at at Pedro. Y chwi c'u wa' wa'baj cantic wubi ri nu iglesia, yey ruchuk'ab ri camic na cuch'ij tane c'ana usachic uwach ri nu iglesia.

Y ri'in canya pak'ab ri'at ri lawe re rutakanic ri Dios petinak chila' chicaj. Ec'u janipa ri caxim wara che ruwachulew, caximitaj chila' chicaj; yey janipa ri caquir wara che ruwachulew, caquiritaj chila' chicaj —xcha'.

Ma china ri na cuya ta ranima' ruc'aslem, ri' e cujam ri chomilaj c'aslemal chwach ri Dios; no'j ri cuya ranima' ruc'aslem wuma ri'in, ri' e curik ri chomilaj uc'aslemal chwach ri Dios.

Ma ¿sa' c'u cutikoj ri' che ri ticawex we cu'an rajaw ronoje ruwachulew yey cusach c'u uwach ruc'aslemal? ¿O c'o nawi rajil cutoj rachi chwa ruc'aslemal cha' jela' na cujam taj? ¡Na jintaj!

Ec'uchiri', xubi'ij chique rutijo'n: —Yey chiwach ri'ix, ¿in china ri'in? —xcha'. Ec'u ri Simón Pedro xubi'ij che: —Rilal lal ri Cristo, lal Ruc'ajol ri Dios c'aslic —xcha'.

Ri Jesús xuc'ul uwach: —Lic nim ak'ij awalaxic ri'at Simón at uc'ajol ri Jonás; ma na e ta juna ticawex xk'alajisan wa' chawe, e ri Nukaw c'o chila' chicaj.