Mavhesi emuBhaibheri Ane Mukurumbira kubva kuna Ioane 1

Pakurirana nevamwe

Ki te kau lā na āliki ia ana, ia lātou te kau na loloku ki tona ingoá, tuku loa ēna te tika kē lilo lātou wai tama mā te Atua.

I te yāyākinga nā vai wua te Muna, nā i tawa o te Atua te Muna ia, ko te Atua lāi oki te Muna ia.

Ko yila mai te mālama ki te pōuli, yaulā, e kiai na maua i te pōuli e te popoki lā lunga o te mālama ia.

Lilo mai loa te Muna nei wai tangata, yau loa iāna nō i te puyo o mātou. Na a mātou kitea tona yilatū, ko te yilatū e kaleka ki te Wuatai na yau mai te Matua Yā, na kamuloa yulā wua i te yauyau nunui ma te talatalatika.

Lā loto ōna na wowoungia ai te wī mea tākatoa. Kāe mea loa i nā mea na wowoungiá e kiai na wowoungia ēna. Ko i loto ōna te ola, ko te ola ia oki ko aumaia te mālama ki te tangata.

Kē oko ki te toe ayo, kite atu loa ia Ioane ia Iētū ko yau kia ana, mea ai iāna pēnei, “Kakalo ake ki te Punua Māmoe a te Atuá, ia ana ka kāvea te yala a te ao nei.

Nā i te ao nei te Muna ia, wua atu oki na wowoungia te ao nei lā loto ōna, e kiai lā iāna na malaia mai e te ao nei. Na yau iāna ki tona wenua tangata, e kiai loa iāna na wulingia mai e ona tāngata ia.

Ko te mālama tika tēnei, ko ona ko wakayilangia te wī tangata tākatoa i tana yaunga ki te ao nei.

Na tukuna mai oki te Tule lā loto o Mōte, ko te yauyau nunui lā ma te talatalatika na yau lā loto o Iētū Metia.