Mavhesi emuBhaibheri Ane Mukurumbira kubva kuna Matia 24

Pakurirana nevamwe

Bʉ̂ʼʉ bu bìʼ yɔ́ŋ gɛ̀ nə shʉbə, ŋkʉ̂ʉ ndə bʉə buŋmbi kie, bu ghʉ́ə. Bɔŋ wo ndə ɔ lyʉ̀ʉtə́nə tə gɛ̀ dàa ndə liʼ-i bu kie ŋkwaaNyii.

Ntəŋjyujyu-ɔ̄ te Sɔ́ʼ Fɔŋ Yuo, bə bu lɔ̀ʼ yə̀ŋ wʉʉnəmbikə fúu ndə mənú gwù, mbɔ lɔʼ-bətə̂ŋ-tə inchəŋ chʉʼ yʉ́, ndʉʉmɛ mbi bu lìʼ.

Bii bu yʉ́ chɔ̂tə ghɔŋbə nchyʉhə-chɔ̂-mə. Kə i mə chɔ́ŋhə bii fɛ, bʉʼka nubə-ɔ̄ŋ nɔ kie ndə məfyú sê, təmə bɔŋ nɔʼ bɛ bə mə lìʼ mbi fɛ.

Bʉʼka lɔʼ-bətə̂ŋ-tə bu lɔ̀ tə́nə ghɔŋbə bəbɛʼlɔʼ-bətə̂ŋ-tə, bəfɔŋ bətə̂ŋ bu lɔ̀ tə́nə ghɔŋbə bəbɛʼbəfɔŋ-bətə̂ŋ. Chyʉʉ bu gwù, chisêkə ŋʉ̀ʼnə bəyəŋbəyəŋ. Nchəŋnchəŋ bənu-ɔ̄ŋ nɔ bɛ haʼ nchʉʉhə-kəyɔʼ-Nyii ndə i byùu woke.

Yuo ghɔŋbə chisêkə bu mì təmə ŋgiekə-ɔŋ bɔŋ bu nə mì fɛ.

Bʉʼka bʉə buŋmbi bu yi gwè yie-mɔ, kə́ ghɔ̀ŋ mbɔ, ‘Mɔ nɔ bɛ mbəŋ-ɛŋ ndə Nyii Kùŋ Tə́ŋ,’ bɔŋ-bu-leʼ fə́ʼhə bʉə buŋmbi.

“Ndʉʉmɛ, bə bu yá bii chɔ̀ʼhə kɔ́, bə chɔ́ŋhə bii tə buŋ yí bii, lɔʼ-bətə̂ŋ-tə bənchəŋ bàa bii bʉʼka bii mɔ̀ʼfyiihə-ii ndəŋ mɔ. Ndʉʉmɛ, bʉə buŋmbi bu mɛ̀ʼtə məmɔʼfyiihə-ʉə ndəŋ Nyii, kə́ fɛ̀ŋ ŋwɔŋtə-ʉə, bɔŋleʼ bàanə shʉtə-ʉə. Buŋmbi bʉəyʉkəŋgieNyii nə mbii bu fyú, fə́ʼhə bʉə buŋmbi.

Jiso bə̀ŋhə tʉ bɔŋ mbɔ, “B̈ii láa mbɔ wo mə yi fə́ʼhə bii fɛ.

Nɔ, mbəŋ-yii ghɔ nɔ kie ndə məshʉ̀tə ŋwɔŋ-yii bʉʼka mbɔ Vaa-Woməsʉʉ bu bɔ̀ʼtə gwè ndʉʉ ndə a gòʼ təmə kínə fɛ.

Nɔ, b̈ii káa nə tʉbə-i ghɔʼ bʉʼka bii kínə chîkə ndə Tiekətʉ-yii bu bʉ̀nə gwè chɔ fɛ.

“Bɔŋ ndə chî-ghɔ̄-kə byuunɔ mbʉ ndʉʉ ndə ɔ bu gwè chɔ, wotəmiyɔŋ kínə fɛ, tə buŋ kɔmə bʉəntəŋNyii ndə bɔ̂ŋ bɛ yuo, byuunɔ mbʉ Vaa, nɔ bɔŋ kínə haʼ mbʉ Tie tətɛʼ ɔ.

Bʉʼka bʉə-mbii ndə bɔ̂ŋ tʉʼ lʉ̀ ŋwɔŋ-yʉə ndə məbɛ bʉə ndə Nyii Kùŋ Tə́ŋ ghɔŋbə bʉəyʉkəŋgieNyii nə mbii, bu kóʼ kə́ chìi nubəcheʼkwɛʼtəŋbə ghɔŋbə nuchíechukwɛʼtəŋbə ndə məfə́ʼhə bʉə, kaʼ i kʉ̂ʉ yùhə təmə bɔ̂ŋ nɔ buŋ fə́ʼhə bʉə ndə bə nɔʼ kə séʼ bɔŋ.

“Vɛʼ ndə Vaa-Woməsʉʉ bu yi bʉ̀nə gwè chɔ, nɔ bu yi bɛ haʼ ndə vɛʼ Nua. Bʉʼka nɔ nə bɛ ndəŋ chî-ghɔ̄-bə, muu buŋ lìhə wʉʉnəmbikə, bʉə nɔ nə kə́ yú, kə́ nú, kə́ gɛ̀ lɔŋ, bɔŋ-kə́-leʼ kɔ́ lɔŋ tə gɛ̀ dàa ndəŋ chîkə ndə Nua kə ŋíi chɔ mu kəbuukwɛʼtəŋ. Təmə bɔ̂ŋ chèʼnə fɛ, tə muu gwè lìhə bɔŋ bənchəŋ, bɛ̀ʼ bɔŋ gɛ̀ nə yɔŋ. Nɔ bɛ haʼ nɔ ndə i bu yi bɛ vɛʼ ndə Vaa-Woməsʉʉ bu gwè.