Mavhesi emuBhaibheri Ane Mukurumbira kubva kuna Luqka 14

Pakurirana nevamwe

Nanghniq loeq, nán nupaw, nán pehacaw, cinau ta nau haq tanaq nanghniq haq tauka keiya nana a'mkhaeki noenaq tuk naka kei ta'paiq phlaet noen hlaq tuk.

Nanghniq kutphawtoeng koeqi tuk loeqteq kei hui tu lo pawq noenaq tuk nak loeq kei ta'paiq phlaet noen hlaq tuk.

Yaqa yaq a'hmlokthaqi saw haqkhoeq a'mhning laqi uk loeqteq yaqa yaq a'mhningi saw haqkhoeq a'hmlokthaq a'laqi yai taeng a'hau haq.

Yaqkhakut nanghniq nán poengi khoeq won thaung haq hyaq khoqaq khoeq khlaung teq kei ta'paiq phlaet khoq hlaq.

Nanghniq loeq hmyawcang lungak mcaq tuk loeq nán saukai nak loeq a'mcaq a'msum haen loeq a'lok lokoq khoeq moe? nakkhoeq nán hmawtai tawiq ya ngung tuk loeq tawiq ta'ong nán omai moe? Yaqkha tawiq ta'ong mcaq loeq sauk pak loeqkhaw mcawn khoeqaq nak loeq a'hmuq saw haqloeq án mnuiq naukai. Yaq khlaung haqloeq nanga, nei khlaung loeq hmyawcang mcaq loeq sauk noen loeqkhaw mcawnong sauk noenaqsa taeng a'mhauwai.

Yaqkha thauka nang loeq ei ok pawi na'sai loeq khlaung sounglai haq, án kut kho pawi yaq khoeqhaq, lilaeksaw haq, a'mik mu haqla phaek haq boei. Yaqnaka yaqhniq loeq nanga kyezu a'mthumplan naq uk klongoeng nang khoeq na'oeqcaq. Khlaungpawi haq an thoq ba khoeq hnupoeng nang khoeq kyezu a'mthumplan a'sikcang na'laqi yai taeng a'hau haq.

Mci khoeq nana a'pawi. Seiloeqkhaw a'mkhlum a'klok loeq yaq mci a'la mkhlum baong kha ma'sai laqai yoe? Yaq mci khoeq somdaek tawiqpak seisei phluk tawiq ya pak seisei a'sum woncaq naka a'planga ma'tong theiq. A'yaukai khoeq a'hnaw paw saw haqloeq yaw boei tuk taeng a'hau haq.