Mavhesi emuBhaibheri Ane Mukurumbira kubva kuna याकूब 1

Pakurirana nevamwe

हे मेरे बिश्वासी ददाभइयओ, जब तुममे बहुत किसिमके परीक्षा आमंगे, तओ जाके बडो खुसीको बात समझीयओ। काहेकी तुम जानत हओ, कि जब तुमर बिश्वास जाँचो जाबैगो, तओ तुमर सहान बारो शक्ति बढैगो।

अगर तुम मैसे कोइके बुद्धिकी कमी हए, तओ दोष नाए लगान बारो परमेश्वरसे मागओ, बा तुमके देबैगो।

हे मेरे बिश्वासी ददाभइयओ, जा बात जानलेओ: हर एक आदमी सुननके ताहीं जल्दी और मस्कनमे होसियार और गुस्सानमे कम होन पणत हए।

तुमके सब कुछ सहान सिखन पणो, ताकी तुम आत्मिक रुपसे मजबुत और सिद्ध होबओ, और कोइ फिर अच्छो गुणको कमी नाए रहाबए।

पर परमेश्वरके बचन पालन करन बारे होबओ, और सुनन बारे इकल्लो हुइके अपनएके धोखा मतदेओ।

बे आदमी धन्यके हएं, जो परीक्षामे स्थिर रहात हएं, काहेकी बे इमान्दार साबित होत हएं, और बे कभी फिर अन्त नाए होन बारो जीबनको मुकुट पामंगे, जौनको प्रतिज्ञा परमेश्वर बे सबके दइहए, जो परमेश्वरसे प्रेम करत हएं।

काहेकी हरेक असल बरदान और हरेक असल दान हमर दौवा परमेश्वरके घेनसे आतहए, जौन स्वर्गमे सब बादरमे भओ ज्योतिके सृष्टि करी। परमेश्वर हमेसा एकए हानी रहात हए, और बो छाहीं हानी नाए बद्लत हए।

कोइ आदमी बचन सुनत हए, पर पालन नाए करत हए, कहेसे बो एक अइसो आदमी जैसो हए, जौन अपन मुँहुँके दरपनमे देखत हए। जहेमारे बो अपनएके देखत हए, और चलोजात हए, और कैसो रहओं करके तुरन्त भुल जात हए।

हमर दौवा परमेश्वरके अग्गु शुद्ध और पबित्र धरम-करम जहेहए, कि अनाथ और बिधुवनको दु:खमे रेखदेख करनो और अपनएके जा संसारके खराब बातसे अलग रहानो हए।

जब कोइको परीक्षा होबए, तओ बो जा नाए कहाबए, कि मिर परीक्षा परमेश्वरके घेनसे होतहए, काहेकी परमेश्वर कभी फिर गलत बातके ताहीं परीक्षामे नाए डार सकत हए, और नए त कभी फिर कोइके परीक्षा करत हए। बल्कि, आदमी अपनी खराब इच्छाके मारे गलत करनके चाँहत हएं। जा एक जानबर जैसो हए जौनके फाँसी घेन आकर्षित करत हए और बो फाँसीमे बो अप्ननए पणतहए।

बे बिश्वासी जो गरीब हएं, उनके खुसी होन पणत हए, कि परमेश्वर उनके आदर करीहए।