Mavhesi emuBhaibheri Ane Mukurumbira kubva kuna 1 पत्रुस 2

Pakurirana nevamwe

पर तुम उइसे नाए हओ, काहेकी तुम परमेश्वरके चुनेभए आदमी हओ, तुम परमेश्वरके पुजारी हओ, जो राजा हए। तुम परमेश्वरको सेवा करन समर्पित भए आदमी और परमेश्वरके निजी प्रजा हओ। बा तुमके अंधियारोसे अपनो अदभुत ज्योतिमे लाइ हए, ताकी तुम परमेश्वरके अचम्मे कामको घोषणा करपाबओ।

जब ख्रीष्ट मरो, बा क्रूसमे हमर पापके ताहीं अपनो शरीरमे दण्ड भोगी। बा अइसो करी, ताकी हम पाप करन छोडके धार्मि हुइके जीबन जीइन सुरु कर पामएं। और बाको सहीभइ चोट द्वारा हम अच्छे भए हएं। पहिले, तुम बराने भए भेंणा कता रहओ। पर अब तुम अपनो प्राणनको और मण्डलीके रेखदेख करन बारे अगुवा और ख्रीष्टके ठिन घुमके आए हओ।

एकदाओं तुम परमेश्वरके प्रजा नाए रहओ, पर अब तुम परमेश्वरके प्रजा भए हओ। एकदाओं तुम परमेश्वरको कृपा नाए पाए रहओ, पर अब तुम जाके जानत हओ, काहेकी बा पहिलीए तुमके अपनो कृपा दिखाइ हए।

मए तुमके नयाँ जनम भए बाल्कन सँग तुलना करत हओं। नयाँ जन्मो भओ बालकाके मजबुत होतए बढनके ताहीं रोज अइयाकी दुध चाँहत हए। उइसीयए तुमके फिर परमेश्वरको बचन सुनन इच्छा करन पणत हए, ताकी तुमर परमेश्वर उपरको भरोसा बढतए जाबए और तुम बाचाए जाबओ।

प्रिय हो, तुम जा संसारमे बिदेशी और प्रवासी कता बैठे हओ। मए तुमके बिन्ती करत हओं, कि बे सबए दुष्ट शारीरिक इच्छनसे अलग रहाओ, काहेकी अइसे चाहना आत्माके बिरोधमे रोज लडत हएं। कभीकभा उइसे आदमी होत हएं जौन परमेश्वरके नाए चिने होत हएं और तुमके तुमर काम अच्छो नाए हए कहिके झुटो आरोप लगान सिकत हएं। जहेमारे तुमके अपनो ब्यबहार प्रति साबधान होन पणैगो, ताकी बे तुमर अच्छो ब्यबहार देख पामएं। अन्तमे बे स्वीकार करंगे, कि तुमर ब्यबहार अच्छो हए और अन्तमे जब बा लौटके आबैगो तओ परमेश्वरको प्रसंसा करंगे।

प्रभु येशूके जिन्दा पत्थरसे तुलना करोगओ हए। बो पत्थर आदमीनके द्वारा फेंकोगओ रहए, काहेकी बे कहीं, कि जा बिना कामको हए। पर परमेश्वरको नजरमे बा एकदम अनमोल हए और परमेश्वर बाके जगको मूल पत्थर होनके चुनी। और तुम सँगी बिश्वासी फिर प्रभु येशू ठिन आओ, ताकी तुम फिर बाके द्वारा बनाए भए जिन्दा पत्थर जैसो बन पाबओ, जौन परमेश्वरके ताहीं आराधना करन बारो मन्दिर बनानके ताहीं प्रयोग करोजात हए। बा तुमके पबित्र पुजारी फिर बनाइ। जैसे पुजारी परमेश्वरके बलि चढात हएं, उइसीयए तुम फिर अपनो हृदयके बलिके रुपमे परमेश्वरके अर्पण करओ। और बो भेँटी परमेश्वरके खुसी बनाबैगो काहेकी तुम येशू ख्रीष्टके हओ।

जहेमारे सबए मेलको खराब ब्यबहार करन इन्कार करओ। औरेनके धोखा मतदेओ, कपटी मत् होओ। औरेनको ईर्ष्या मत् करओ। दुस्रे आदमीनको बिरुद्ध खराब बात मत् करओ।

प्रभु येशूके जिन्दा पत्थरसे तुलना करोगओ हए। बो पत्थर आदमीनके द्वारा फेंकोगओ रहए, काहेकी बे कहीं, कि जा बिना कामको हए। पर परमेश्वरको नजरमे बा एकदम अनमोल हए और परमेश्वर बाके जगको मूल पत्थर होनके चुनी। और तुम सँगी बिश्वासी फिर प्रभु येशू ठिन आओ, ताकी तुम फिर बाके द्वारा बनाए भए जिन्दा पत्थर जैसो बन पाबओ, जौन परमेश्वरके ताहीं आराधना करन बारो मन्दिर बनानके ताहीं प्रयोग करोजात हए। बा तुमके पबित्र पुजारी फिर बनाइ। जैसे पुजारी परमेश्वरके बलि चढात हएं, उइसीयए तुम फिर अपनो हृदयके बलिके रुपमे परमेश्वरके अर्पण करओ। और बो भेँटी परमेश्वरके खुसी बनाबैगो काहेकी तुम येशू ख्रीष्टके हओ।

तुमके चाहो अनुसार काम करनसे तुमके रोकपान बारो कोइ नाए हए। काहेकी तुम हमर प्रभु येशू ख्रीष्टसे स्वतन्त्र करेगए हओ। पर जाके तुम खराब कामको बहाना मतबनाबओ। पर तुमके अपनो काममे जा दिखान पणैगो, कि तुम नेहात्तओ परमेश्वरके सेवक हओ।

काहेकी जा परमेश्वरको इच्छा हए, कि हमर अच्छो ब्यवहारसे परमेश्वरके नाए चिनेभए आदमी अब हमके झुटो आरोप लगान हिम्मत नाए करैगो। काहेकी जा स्पष्ट हए, कि बिनको झुटो आरोप सच्चो नाए हए।