Mavhesi emuBhaibheri Ane Mukurumbira kubva kuna Qelesia 5

Pakurirana nevamwe

Goto na vuana na Gagala sa na vairoqu, na qera, na bule, na vera vamomoso, na vajonganaria na tinoni, na tokaniria na tinoni, na rarange, na vaiketai, beto na kopu mulenia pana nyorogua ikeredi. Kepore sa kai vavanau sa suquturia na toa vevei aipira.

Ara ma pojanigou sapi. Mu tutia na vaitoni tana Gagala ko muke roitiniria sira na nyorogua ikikeredi tana tini.

Na Gagala sa tei vanigita tu na toa sa gita, ko vei sa isa tugu vei mi gaitia noda toa.

Ira na tinoni tai Jisu Karisito sa qai tei vamatea tu sa na dia toa ikeredi tavitia na roroqu beto na nyorogua tana toa vei isa.

Na roiti ikikeredi tana tini sa qai tadoro pikatadi gu. Qai tabata votu pana toa lulasana, aru vabosi, toa manugu, vavatarasae beku, isisongo potana, vavaikana, vavaipera paranga, seinia nona sakasava goto tinoni, vavaikokora, muino, vavaipikatai ko na vavaigua, vavaikono, bubuku, na vavaikamu bubuku beto doru toa vevei pira. Ma pojanigou sagou kai muqisi vei tugu qa tei pojanigou tu, ira na tinoni qai roitiniria na sakasava vevei pira sa maike teku isongia na binangara tana Tamasa.

Ura, ka visa tavitiqu, agou sa sa kukugou na Tamasa ko qu taruvata pana miu toa pinausu sagou. Goto na toa taruvatana isa sa muke varoiti veinia na vinamalumu tana tutidi na nyorogua ikikeredi tana tini. Ba mu vainabulu lao lame tu pana toa vairoroqu.

Ura na nyorogua ikikeredi sa nyoroguania na tini sa sake nyoroguania sa na Gagala, beto isa sa nyoroguania na Gagala sa sake nyoroguania na tini. Ura qaike vaitavaragua sira karu, ko sa vei sa agou quke boka roitiniria sira na sakasava qu nyorogua roitiniria.

Ura na Vavanau doruna sa sa tapiu vaikamu pana kai paranga gu api, <<Mu roroqua na tavitimu kai muqisi podeke vei qu roroqugo mekamu,>> sau.

Take vavatarasae mulenigita, na vavaivakokora lao lame beto na vaikono lao lame.

Na Karisito sa tei ruvatagita tu sa gita ko kopira na tinoni taruvatada sa gita. Ko sa vei sa mu turu vei na tinoni taruvatamiu beto ko muke tavapinausu ligu mule.