Mavhesi emuBhaibheri Ane Mukurumbira kubva kuna ફિલિપ્પીઓ પત્રો 3

Pakurirana nevamwe

ઓ માઅ પાવુહુ આને બોયુહુ, માઅ વિચાર ઓ નાહ, કા આંય મીલવી ચુક્યોહો; પેન ખાલી એક ઇ કામ કીહુ, કા જે ઘટના પેલ્લા વી ચુકીહી તીયુહુને વિહરાયને આગલા રી ગોઠી વેલે વાદતો જાય રીયોહો. આંય નિશાણી વેલે દોવળુતો જાય રીયોહો, કા તોઅ ઇનામ મીલવુ, જીયા ખાતુરે પરમેહેરુહુ માને ઇસુ ખ્રિસ્તુ મારફતે હોરગામે હાધ્યોહો.

આંય ઇ ઈચ્છા રાખુહુ કા ઇસુ ખ્રિસ્તુલે જાંય લીયુ આને તીયા મોતુમેને ફાચે જીવતો ઉઠુલો સામર્થું અનુભવ કીવ્યુ, આને તીયા મોતુ તીયા સમાન બનીને તીયા દુખુમે સહભાગી બનુ. કા આંય બી મોલામેને ફાચો જીવતો ઉઠવામે આવેહે.

ઓતોજ નાહ પેન જાંહા બાદી ગોઠી કેતા વાદારે પોતા પ્રભુ ઇસુ ખ્રિસ્તુલુજ જાંણા માઅ ખાતુરે વાદારે કિંમતી હોમજુહુ. ઈયા ખાતુરે માયુહુ બાદી વસ્તુહુને છોડી દેદોહો, આને તીયુ વસ્તુહુને કચરો હોમજુહુ કા આંય તીયાલે જાંય સેકુ.

ઇસુ ખ્રિસ્તુહુ જો કેયોહો, તીયા લીદે માયુહુ તીયું ગોઠીહીને જે માઅ ફાયદા માટે આથી, તકલીફ હોમજી લેદી.