Mavhesi emuBhaibheri Ane Mukurumbira kubva kuna Rom 15

Pakurirana nevamwe

God mae ihei ngala te thofno togho ghita te mala hata unha mana teke nhaꞌa cheke ranghi ghita. Iara toreni God mala gleale'a biꞌo ghotilo nei tusu ranghi ghami pharikeli kate fatutuani ni mana na. Eghuteuna nogna nolaghi Tharunga te Blahi na ginauna faheta ghami mala rouronuni God fabrahu ghotilo te mala eni unha mana teke nhaꞌa chekeni.

Gobigna lepo teke rioriso soru mare ka buka blahi na tifa igre, mare neke rioriso mala farirhiu ghita tahati. Eghuteuna kate iu'ijudi grioriso igre, tahati thofno laseni God na eni ranghi ghita unha teke nhaꞌa cheke ranghi ghita na. Eghume gaoghathoda na heta fara nei tahati tangomana te ofoni God te mala togho ghita.

Eghuteuna puhi te mala au heta ka gaoghatho nei mala ofoni teuna, jifla mei ka God ngala. Iara tore ka God mala togho ghami mala au kaisei gaoghatho ngala farihoteimi themi, naugna ghotilo te gnafa na kafe leghuni puhigna Jisas Kraes. Ka puhi igne, ghotilo te gnafa na ginauna mala kaisei nagnafa ngala mala kilo fnaknoni God Kmagna noda Lord Jisas Kraes.

Fari tothoghoi fari themi jateula Kraes teke togho ghami ghotilo ia eghu. Kate filoni ka ghotilo puhi igne, naiknore ginauna kilo fnaknoni God.

Tutuani, tahati te gnafa na mala ghathodi kherada fofodu ka khiloau gne, eghuteuna mala edi glepo te keli ranghidi te magnahaghe tahati te eni. Kate eni tahati igne na, nodi fatutuani ginauna heta fara.