Mavhesi emuBhaibheri Ane Mukurumbira kubva kuna Rom 14

Pakurirana nevamwe

God na theome funei fruni ghita naugna te ima tahati keha nafnata gano ba koꞌu. Theo. Nu God na funei fruni ghita tahati kate eni unha te doglo na ke ulugna mana, nei au ka pharikeli, nei au gleale'a ka Tharunga te Blahi. Ihei te leghuni Kraes kate edi nafnata puhi igre na, God ginauna gleale'a ka mana eghuteuna naiknore ginauna jaola gleale'a ka mana.

Kate karha teu tahati na, tahati karha mala fafnaknoni Lord. Eghuteuna kate lehe tahati na, tahati jaola mala fafnaknoni Lord. Eghume neubane lehe ba karha tahati, tahati nogna Lord ngala.

Eghume tahati mala thofno fariuriu edi unha te tangomana te mala togho ghita te gnafare mala au ka pharikeli nei mala heta ka fatutuani.

Naugna igne funu gognaro na, tahati thosei fateni kherada fofodu na. Eghuteuna fiofilo ghami themi, thosei eni kaisei glepo te mala batuni kheramu fofodu na ka nakhibo.

Uve, te risoni ka grioriso te blahi na, LORD ne cheke eghu, “Naikno te gnafare ginauna mei tuturupuku ke ulugu iara, eghuteuna naikno te gnafare ginauna chekeni, iara God.” Cheke igre tutuani fara naugna Lord neke chekedihi. Eghume kheraguro, tahati te gnafa na ginauna mala cheke thakledi puhidare ka God.

Ghotilo mala toghoni mae ihei te theome heta nogna fatutuani na, eghuteuna thosei magra balugna mana eidi nafnata glepo te theome kaisei gaoghatho ghotilo balugna mana re.

Ba, iagho ihei sia mala fateni iagho nogna mae gloku keha funei na? Nogna funei thegna na jame te au nolaghi te mala chekeni te mala loku fakeli ba te loku fadiꞌa mana na. Nu mae gloku igne ginauna na eni fakeli fabrahu nogna gloku na, naugna Lord na toghoni mana ka unha te eni mana na.