Mavhesi emuBhaibheri Ane Mukurumbira kubva kuna Lûqa 14

Pakurirana nevamwe

“Eger şima bêrê mi het la şima dadî û babîyê xwu ra, cînî û mêrdeyê xwu ra, tutanê xwu ra, way û birayanê xwu ra, heta ke ganê xwu ra bîle nêvîyarê, şima nêeşkenê bibê şagirdê mi.

O ke çarmixê xwu wenêgêro û mi dima nêro, nêeşkeno bibo şagirdê mi.

Çimkî o ke xwu berz bikero do bêro nizimkerdiş, o ke xwu nizim bikero zî do bêro berzkerdiş.”

“Eno seba şima her yewî zî eynî yo. Seba ke şima mi dima bêrê gereka şima her çiyê xwu ra fek veradê. Eke nê, şima nêeşkenê bibê şagirdê mi.

“Eke şima biwazê yew birce înşa bikerê, verî şima ronişenê û mesrefo ke do bikerê, qaso ke bieşkê karê xwu biqedênê pereyê şima estê yan çinê yê, şima hesab kenê. Eke şima hîm ronê û nêeşkê kar biqedênê, her kes do vajo ‘Enê merdimî dest bi înşat kerd feqet nêeşka biqedêno’ û bi şima tinaz bikero.

Eksê ci, eke to yew ziyafet da, feqîran û lengan û koran dawet bike. Bi eno qeyde, ê do nêeşkê to rê miqabile bikerê, ti do şa bibê. Çimkî roja hesabî wexto ke ti kesanê salihan dir bibê gane Homa do mikafatê to bido.”

“Sole bifayde ya. Labelê eke sole tehmê xwu vindî bikero, mimkun nîyo ke ancî tehmê sole bigêro. Êdî tu çiyêk rê nêbena. Ne herrî rê bena, ne zî bena zibil; erzîyena çop. Goşê kamî yê şinawitişî yo, wa bişinawo!”