Mavhesi emuBhaibheri Ane Mukurumbira kubva kuna Matthew 24

Seghleq nulam angtalanganeng apalluqluku allulluteng yuget piniqinanighllequt. Iwernga kina alngunak nuqenneghtuqaq kenlemun yugulillengyaghqaaguq.

Ukutlu Pinilghiit Ungipat Kiyaghneghem Ataneghpagullghaneng ayuqelghiit ungipaqsaghqaagut nunataghhaani tamaghhaani ramkengitnun nagaqiisqelluki. Taagken nuna iqugllequq.”

Nagaquullequsi pilluwaneng, akusqaghtaatkellghitnengllu pilluwat; alingegpenasi qayughllak tamaana piyaghqaaguq. Iwernga salin iquggnaqngunghituq.

Nunat yugit pillugutullequt, ataneghpagullghetlu pillugutullequt, nani alngunak neqangisagllagllequq, nunat uvelegtaghllagllequt. Qamaglluni tamaana aghnam ighniyukestallghatun ayuqellequq.

Qilagallu, nunallu aviighusaghqaaguk, iwernga whanga akuzitenka aviighunnaanghitut.

Qayughllak uglaapiglleghhii tagiyaghqaaguq atuqluku aatqa, whaten piiqluteng, ‘Whanga Christ‑anguunga’, puughqughtaayaghqaqaatlu yulghun.

“Taagken tamaana pimaluku yuget tugulleqiisi, amyuqetaatkelleqiisi, tuqulleqiisillu. Nunataghhaan tamaghhaan ramkengan ugumiilleqiisi whanga apalluqlunga. Enkaam uglaapiglleghhiim ugpeqnanighlleqaatnga, uveghpagutusagullequt, ugumiisagullequtlu. Taagken uuknaliqistesighwaalghutet tagiluteng puughqughlleqiit yulghutet.

Jesus‑em kiimsiqii, “Kelengalusi, kitumun alngunak puughtestegpenasi.

Enkaam tamaaken apalluqluku elpesillu apeghiighsaghlusi quunpeng, qayughllak Ighnegha Yugem tagiyaghqaaguq waakenghillghaghllusi.

“Enkaangam kelengalusi, qayughllak nallukngwaaghaghsi nani aghneghmi Ataneghpesi tagilleghqaa.

“Kitum alngunak nallukaa taam aghneghem aflunga qakun kaasaghqaatanga. Talwa qilagmelnguut yaqulget nallukaat, Ighneghemllu nallukaa, Atanginaghhaam liisimakaa.

qayughllak Christ‑asighwaaghetlu, uuknaliqistesighwaaghetlu tagillequt. Allaaghlluwhaghtighllagllequt, saghiighanaghqeghllagllequtlu puughhnaluki yuget, talwa Kiyaghneghem nakmikegkii puughsaqlegukumegteki.

Katam tamaani Noah‑m kiyaghtellghani, yuget tawatesaghqaagut Ighneghan Yugem tagilleghqaani. Tamaani aghneghni, sivungani ulevem yuget neghaqluteng, meghaqluteng, nengughutaqluteng ayuqegkat kenlanga tawavek aghneghmun Noah‑nkut itellghitnun ark‑mun. Nallukegkaat natesaghqaatanga kenlanga ulevelleghmun, enkaam qamagtengngwaaghluteng tuqulaghaatkat. Tawateghpigaq Ighnegha Yugem tagikan, nallukelleqaat natesaghqaatanga.