Mavhesi emuBhaibheri Ane Mukurumbira kubva kuna ኀበ ሰብአ ፊልጵስዩስ 2

Pakurirana nevamwe

ወኢትግበሩ በተቃሕዎ ወኢበአፍቅሮ ክብረ ከንቱ ኢትዘኀሩ ወኢትትዐበዩ አላ በትሑት ልብ አክብሩ ቢጸክሙ እምርእስክሙ ፈድፋደ። ወኢትጽሐቁ ለባሕቲትክሙ ዘእንበለ ለቢጽክሙ።

ኵልክሙ ፍጹማን ዘንተ ኀልዩ ለነሂ ዘከመ ገብረ ለነ ኢየሱስ ክርስቶስ ።

ዘውእቱ አርኣያሁ ለእግዚአብሔር አኮ ሀዪዶ ዘኮነ እግዚአብሔር። አላ አትሒቶ ርእሶ ነሥአ አርኣያ ገብር ወተመሰለ ከመ ብእሲ። ወኮነ ከመ ሰብእ ወሰምዐ ወተአዘዘ እስከ በጽሐ ለሞት ወሞቱሂ ዘበመስቀል።

ወእግዚአብሔር ውእቱ ዘይረድአክሙ ለፈቃዱ ወይፈጽም ለክሙ ሣህሎ።

ወበእንተዝ አዕበዮ እግዚአብሔር ጥቀ ወጸገዎ ስመ ዘየዐቢ እምኵሉ ስም። ከመ ለስሙ ለኢየሱስ ክርስቶስ ይስግድ ኵሉ ብርክ ዘበሰማያት ወዘበምድር ወበቀላያት ወእለ ታሕተ ምድር። ወኵሉ ልሳን ይግነይ ከመ ኢየሱስ ክርስቶስ ውእቱ እግዚእ በስብሐተ እግዚአብሔር አብ።

ወግበሩ ኵሎ ዘትገብሩ በተሰናዕዎ ወበሥምረት ዘእንበለ ነጐርጓር ወዘእንበለ ኑፋቄ። ከመ ትኩኑ ንጹሓነ ወየዋሃነ ከመ ውሉደ እግዚአብሔር እንዘ አልብክሙ ነውር በማእከለ ውሉድ ዓላውያን ወግፍቱዓን ወታስተርእዩ ከመ ብርሃናት ውስተ ዓለም።

ወይእዜኒ አኀውየ በከመ ዘልፈ ትሰምዑኒ ወአኮ በሀልዎትየ ዳእሙ ወዓዲ ፈድፋደ እንዘ ኢሀሎኩ በፍርሀት ወበረዓድ ተገበሩ ለሕይወትክሙ።