1
लूका 14:26
बाघली सराज़ी बोली दी पबित्र शास्त्र
OSJ
“ज़ै कुंण मुंह सेटा लै एछे, सह आपणैं ईज-बाब, बेटल़ी माठै, भाई बैहण, इधी तैणीं कि आपणैं प्राणा लै बी मुखा खास्सी झ़ूरी करे, तै निं सह मेरअ च़ेल्लअ बणी सकदअ।
Yenzanisa
Ongorora {{vhesi}}
2
लूका 14:27
ज़ुंण बी आपणअ क्रूस आप्पै च़की मुंह पिछ़ू एछे सह हणअ मेरअ च़ेल्लअ।
3
लूका 14:11
ज़ुंण बी आप्पू बडअ समझ़े, सह करनअ होछ़अ अर ज़ुंण आप्पू होछ़अ समझ़े, सह करनअ बडअ।”
4
लूका 14:33
ठीक इहअ ई तम्हां मांझ़ै ज़ुंण आपणीं संसारे सोभी गल्ला नांईं छ़ाडे सह निं मेरअ च़ेल्लअ हई सकदअ।
5
लूका 14:28-30
“तम्हां मांझ़ै इहअ कुंण आसा कि उछ़टी पुंडरी च़ाहा बणाणअं अर पैहलै बेशी तेतो खर्च़अ नां ज़ोल़े कि एता हुंह पूरअ बी सका करी कि नांईं? किधी इहअ निं हआ कि आथरी पाई करै तेऊ च़िणीं निं सके, अर लोगा करनअ तेता भाल़ी सुहांग। तिन्नां बोल़णअ इहअ, ‘अह बणाऊंदअ, लागअ त पर बणाईं निं सकअ?’
6
लूका 14:13-14
पर ज़ेभै तूह रोटी खाए, तेभै शादै गरीब, लाट्टै, कांणै अर टुंडै। परमेशरा दैणीं ताल्है बर्गत, किल्हैकि तिन्नां का निं ताल्है बदल़ै लणा लै किछ़ै आथी। पर ज़ेभै धर्मीं मणछ ज़िऊई उझ़णै, तेभै भेटणअ ताह एतो हेस्सअ।”
7
लूका 14:34-35
“लूंण आसा ठीक पर ज़ै लूंणो सुआद लूंणअ नांईं होए, सह किज़ू करै करनअ लूंणअ? सह नां ज़िम्मीं लै अर नां तेते खाद बणदी! तेखअ निं तेता ढेक्का शोटणै का सुआई किछ़ै काम रहंदअ। ज़ै तम्हैं एता समझ़णअ च़ाहा, तै दैऐ ऐहा गल्ला दी धैन कि मंऐं एभै तम्हां का किज़ै बोलअ।”