Mavhesi emuBhaibheri Ane Mukurumbira kubva kuna Matayo 24

Takonji dre lezole dise, male dia bi adea kogo adrele yokodo. Dia togo trotro di ta nii dre akezo di, a kotedri akodi.

A kongi tandu tani nidi adea la’uni ase o̱ei ta‐tadazo di dia‐suru dre o̱ei, dra ta akezo di kali.

Mi koyi ta dia dreki adrezo rubu dii, ta rubi rubuzo di; mi kolama ta: amiki togo ko’o ta kuku ko: su tai nii dii dre acale dise; nga akezo di acadre ko.

Amvutu dia‐suru azidi dreki ngale rubu dia‐suru azidi be dise, mataya azidi dre ngazo rubu mataya azina be; karabo e, kidikidi kokaiya vo la’u nii ase. Ta lizazo di andu ba acale ta niiru.

Bu kolavu, vo be, ta mana dii kolavu ko kani’a.

Dia bi dreki alile ama ruse dise, ta tara’a, ki di, Ma Kristu e; aii ko’o dia bi dii avile latia.

Dra aii kofe ami ta lizazo dise, dreki ami fuzo drale: dia‐suru o̱ei koze ami zeze ama ruse. Dra dia bi ko’o dele, dreki aiiki fezo, dre aiiki lezo ko. Nabi kinzoro bi dii dreki ngazo, dreki dia bi ozo avile latia.

Yesu dre ta akozo dre tazo aiidre, Mi kosu ami ru dia alo di ko’o ami avile latia ko.

Tandu nidise mi kolede mi indi: saa mi dre tusule ko di, Adamuni Mva are alile.

Mi kosu ami ru tandu nidise: mi dre nile ko dise, kitu angodi se ya ami Miri adre alile.

Kitu andase, saa andase, dia alo di ni ko, malaika buna dii niki tejia ko, Mva ni ko, alo Ata ni ni.

Kristu kinzoro dii, nabi kinzoro dii dreki afole dise, aii kotada ta‐tadale murungu dii, ta diaki lindri dre gazo gaga dii be, Kadre nitini dia kicoa tai nidi o di, aii kicoa dia Nzambe dre drile dii o avile latia.

Ngoro kitu Noa adea tini adre alile Adamuni Mva tini. Kitu na’ese yi dre tizo dridri di tini aii dre nga ñazo, dre nga mvuzo, aii dre dia mole, dre dia fezo mole, kitu Noa dre sizo masua na dridri di tini; aii dre nizo ko, tai yi dre tizo di aca ka, dre aiiki dozo o̱ei; ngoro nitini Adamuni Mvani alira.