Mavhesi emuBhaibheri Ane Mukurumbira kubva kuna Hebriƒuɔ 1

Pakurirana nevamwe

Ubi ɔmmɔ ndi Katɔti bukeye bɔni mɔɔsí Katɔti ɔni nse kede kede lɛlɔ. Na ɔdi Katɔti ukyuli udu ɔmmɔ geen. Na ɔkɛnku nwuna litemi lɛni mbo ɔyikun lɛlɔ ɔsu na lɛla biala linye nina kenyekɔ na kayawi. Na uwi ɔni na úti lɛlɔ ɔ́kpa kalɛ na Katɔti uti bayawine ekpidi ɔkyiɛ-ma ni, úsie útélie keliekɔ kenengudi ƒui na Katɔti kɔdianu kakɛ.

Na uwi ɔni návi kemmo ni, Katɔti ɔ́sia nwuna kenye bediene lɛlɔ ɔ́tɛmiku bula bati kuuku kɔlɛ kɔlɛ na lilu bun bun lɛlɔ. Nsu na uwi ukplodi ɔmɛni kemmo ni, Katɔti ɔ́tɛmiku-bu ɔ́siaku Ubidi lɛlɔ. Ubi ɔmmɔ na ɔ́ƒuna úse ka ɔbla nwuna ala ƒui ɔdine. Na nwuna lɛlɔ kani na ɔ́sia údie kayawi ƒui.

Na nwuna batu ƒui ama ni, ɔɔɔdi ayu ani muusié-nwu bɔtala ka beteebunku bekyuli bani na Katɔti ɔdubɔya na bakɛ bɔƒɔ na badi yoo?

Katɔti ɔ́sɔ ɔ́su ɔnini, “O Blɔti, na kalɔ kesekɔ ni, awɔ nédie kayawi kamɛni ƒui, na éti ƒula enu ábla kayaa. Ala amɛni ƒui adubɔyii udu. Nsu awɔ ni, adubulie uwi ƒui. Ala ammɔ ƒui adubɔtɔ aani adala kuuku kalɛ.