Mavhesi emuBhaibheri Ane Mukurumbira kubva kuna Korintoƒuɔ 2 1

Pakurirana nevamwe

Bɛya na bɔgya Katɔti ɔni ndi Blɔti Yesu Kristo Ɔti enu. Anwu ndi Ati ɔni mɔɔnu-bu kɔnyana, na nwuna kudɔ na kebunku kaasí. Anwu mɔɔsia-bu kɔnu na bula lɛbibo biala kemmo, kalɛ na abu lɛnɔ bɔkana na bubunku bula bekyulikpana na bana lɛbibo biala kemmo. Na kalɛ na Katɔti uubunku-bu ni, lɛni na abu lɛnɔ buubunku bekyuli.

Ɔsika kalɛ na buubó abi geen ani udu na Kristo lɛnɔ úbo na Katɔti ɔ́sia-nwu kɔnu ni, lɛni kani na ɔkɛ bula unwi bɔbla ku Kristo na Katɔti lɛnɔ ɔɔsia-bu kɔnu geen.

Ɔ́bla-bu aani si kukpi kɔtɔ na bádu-bu! Nsu ɔmɛni úbo úte lɛni kalɛ na buti bula anu bɔsia Katɔti ɔni mɔɔgyila bekpine na baasɔ teebelie ngba lɛlɔ. Ɔɔɔdi abu alati bula lɛlɔ na buti anu bɔsia.

Katɔti ɔ́ya na abu ku-mii ƒui bɔ́bla unwi ku Kristo, na anwu ɔlati náƒuna-bu úse ka butaabla nwuna kabla. Anwu nése-bu likpo úti ɔ́tina ka anwu mbo-bu uwi ɔni na úti nwuna Kɔyu ɔ́kya-bu lɛlɔ kemmo. Na kuna lɛlɔ na búti bula kama búkpo na ala ani ƒui na ɔ́klibi úse úte-bu lɛlɔ.

Uwi biala si ami ku mina banwani buubó abi ni, bɔɔkana na bɔkya-mii ogya na bɛkɛ bɔƒɔ lɛnɔ. Katɔti ɔɔsia-bu kɔnu uwi ɔni na buubó abi biala. Lɛni kani na ɔdubɔsia amii lɛnɔ kɔnu uwi biala kemmo na biisé kayi teebo abi.