Mavhesi emuBhaibheri Ane Mukurumbira kubva kuna Yohane 1 4

Pakurirana nevamwe

Liƒu lɛdi liiibo bɔyɔ kemmo. Mmomu bɔyɔ bɔni nédu bɔ́wɔlɔ bɔɔgyá liƒu biala. Ɔsika liƒu ku kɔtu bɔni nkɛ. Na ukyuli ɔni mbo liƒu ni, nwuna bɔyɔ bútedu bútawɔlɔ.

Nsu amii bebi bayɔne ni, bɛ́si Katɔti kudɔ, na bɛ́ɛdi ɔkɔ kenye bediene bammɔ lɛlɔ. Ɔsika Kɔyu kɔni náƒɔ-mii lɛlɔ kemmo ni, kubo ɔyikun kutulo kɔyu kɔni nlie ama bani ndi kayawi badi mmɔ lɛlɔ.

Bɔɔyɔ́ Katɔti ku bekyuli ɔsika Katɔti náka-bu bɔyɔ.

Banwa bayɔne, bɛya na bɔyɔ lɛlɔ. Ɔsika bɔyɔ bɔ́si Katɔti kudɔ. Na ukyuli biala ɔni mɔɔyɔ́ bekyuli ɔdi Katɔti ubi, na ɔgyi Katɔti.

Na ukyuli biala ɔni naaayɔ bekyuli ni, ɔɔɔgyi Katɔti. Ɔsika Katɔti ablala ƒui adi bɔyɔ.

Bɛya na lɛsu-mii lɛla lɛni geen muudie bɔyɔ keyi. Ɔɔɔdi kalɛ na bɔɔyɔ́ Katɔti muudie bɔyɔ keyi. Mmomu Katɔti ɔ́yɔ-bu, na úti Ubidi ɔ́kpa na bula ekpidi lili kalɛ na ɔklibi abu ku-nwu ntɛ.

Banwa bayɔne, ka Katɔti ɔ́yɔ-bu geen lɛni ɔsu ni, ɔlɛka abu lɛnɔ butaayɔ lɛlɔ.

Ka Katɔti ɔ́yɔ ka udie nwuna bɔyɔ ɔtina-bu ɔsu ni, ɔ́tala Ubidi unwi pɛ ɔnii ubo kayawi, kalɛ na ɔkɛnku Ubidi ɔmmɔ lɛlɔ na bɔkɛ ngba bɔni nsɔ naaadubo bɔsa kudii.

Si ukyuli ɔdi ɔɔsu ɔnii ɔɔyɔ́ Katɔti nsu uukisi nwuna ɔnwa ɔƒɔtaadine ni, ɔkɔ ɔnyine na ɔdi. Ɔsika ukyuli biala ɔni naaayɔ ɔnwani ɔni na ɔɔnu ku nwuna anumi ni, dɛ na wakana na wayɔ Katɔti ɔni na ulánu ku anumi?

Si ukyuli biala údie ɔ́su ɔnii Yesu ndi Katɔti Ubidi ni, ɔɔtina ka Katɔti uliku-nwu, na anwu lɛnɔ uliku Katɔti.

Na ɔda ɔni na Kristo úbo-bu ndi ka ukyuli biala ɔni mɔɔyɔ́ Katɔti ni, ɔlɛka ɔyɔ nwuna ɔnwa ɔƒɔtaadine lɛnɔ.

Banwa bayɔne, bitaƒɔ kɔyu biala muulie ukyuli lɛlɔ bitadi. Mmomu bɛkɔku ɔdi biala bɛnu si kɔyu kɔmmɔ kɔ́si Katɔti kudɔ. Ɔsika ɔkɔ kenye bediene béegyingya bakya kayawi ekpo ƒui. Na ukyuli biala ɔni muudie kenye taasu ɔnii Kristo Yesu úbo aani ɔyawine kalɛ ni, ukyuli ɔmmɔ ubo Kɔyu kɔni nási Katɔti kudɔ. Na ɔmɛni ndi ulu ɔni lɛlɔ na bɛdubɔsia bɛti Katɔti Kɔyu.

Nsu ukyuli biala ɔni meni ka ɔsu ɔnii Yesu úbo aani ɔyawine kalɛ ni, kɔyu kɔni na ubo mmɔ kútasi Katɔti kudɔ. Kɔyu kɔmɛni kɔdi Kristo ukisine. Na bínu ka kɔyu kɔmmɔ kɔdububo kayawi, na kúubo kɔkya ɔƒaani muedi.