Mavhesi emuBhaibheri Ane Mukurumbira kubva kuna Yaguba 4

Pakurirana nevamwe

Awa, wo ni wo fan majigi Ala ye. Wo ni sɔ Sentanɛ kɛlɛ koe la, ale tugun si bori le wo la.

Wo madon Ala la, ale tugun si a madon de wo la. Wole junubutɔɛnu, wo yɛtɛ lasaniyan. Wole filankafuenu, wo juse labeya.

Wo majigi Marige ye, ale tugun si wo la ko mayɛlɛ le.

Wo bɛ butɔ, Ala la hinnɛnteya ɲan kolo tanbi koe bɛ la. Bayi, kitabue ko: «Ala be fan nakoloyalanu kɛlɛla, kɔnɔ a be hinnɛla fan majigilanu kan na.»

Wo butɔ, ka mɔgɛ ka ko ɲinma lɔn a bɛnta a ni min ma, kɔnɔ a ma a ma, wo bata ma wo tigi ye junube la.

Wo tini Ala mataran tugun, wo mɛn te fenfen sɔtɔ, bayi wo la tarile maɲin. Wo be tarile mala alako wo tini min yo sɔtɔ, wo ni naa a lawali wo diyanankoenu tɔ.

Wole, minnu bele maren lannanteya lakamalilá la Ala ye, wo ma a lɔn ba min be dunuya makanula, wo tigi bata Ala ma a jague la? Ka min be diren mala dunuya makanulá la, wo bata ma Ala kɔnnɛlá la.

Wo be wo koe mɔɔle fɔla, kɔnɔ wo ɲan ma a lɔn min be nala mala sinan. ⸂Kaa⸃, wo la dunuya takunte be toren wo ye kama le? A be toren de iko wuyeŋɛ min be yenna donden, wo kɔma a ni muttɛ.