Mavhesi emuBhaibheri Ane Mukurumbira kubva kuna Yaguba 3

Pakurirana nevamwe

Kɔnɔ fahamuɛ min be bɔɔren saŋɛ tɔ, wo saniyanta. A be mɔgɛ min bolo, wo tigi be bɛnɲɔgɔya anun diɲa le ɲinila, a la ko ma bɛlɛ. A juse be faren kinikinɛ nun wali ɲinma tun de la. A te mɔgɛ lafisaya mɔgɛ ko, filankafuya te to a bolo.

Ɲɔmɔ le mu fahamulá nun hakkilima la wo tɛma? Awa, wo tigi ni a tagamanɲa ɲinma yita ka koe bɛ ma jusu sɛɛya butɔ. Wo jusu sɛɛya le be fatanden hakkilimaya yati la.

Minnu be bɛnɲɔgɔya lasabatila anu la miliŋɛ tɔ, wonu bata bɛnɲɔgɔya ki, min wole si ma teleŋɛ la.

Awa, bɛsɛnkɔnnɛya nun ɲɔgɔn siinaya be ka min na, ɲatadoŋɛ nun ko koroŋɛ mɔɔle bɛ be yenna ɲɔ le.

Wo mɔ Baaba, mɔ be tantue latagala Marige ⸂Ala⸃ ma nɛn dɔndɛ min na, mɔ mɛn be adamadeŋɛ dankala ale le la, Ala be adamadeŋɛ min daren a yɛtɛ misale la. Wo butɔ, tantue nun dankare si bɔɔ da dɔndɔ le tɔ! N nɛɛnɛdɔndɛnu, a ma bɛn a ni ma ɲɔgɔnna.

Nɛŋɛ tugun mu ta le la, dunuya ko koroŋɛ bɛ be bɔɔla min tɔ. A la wale sabu le be bale bɛ manɔgɔla ko koroŋɛ la. Mɔgɛ nɛŋɛ si nɔ le ta sala a la dunuya takunte butɔ, bayi nɛŋɛ mu ta le la, ta min be bɔɔla jahannama.

Kɔnɔ adamadeŋɛ nɛŋɛ kan, mɔgɔ yo te nɔ a kolola. A koron, a te lakara abada. Mara tun de mu a la min na kasara te ban.

N nɛɛnɛdɔndɛnu, a ma bɛn mɔgɔ siyama ni ma diina karamɔgɛ la wo ɲaama, bayi wo ni a lɔn mɔle diina karamɔgɛnu si naa makiiti le a bɛlɛma la tanbi mɔgɔ gbɛtɛnu la.