Mavhesi emuBhaibheri Ane Mukurumbira kubva kuna Yaguba 1

Pakurirana nevamwe

N nɛɛnɛdɔndɛnu, ka tɔɔrɛ mɔɔle min yo ka wo masɔtɔ a ni ma wo ye ɲagaliŋɛ la, bayi wo ka a lɔn, hali wo tɔɔrɛ be wo masɔtɔla, kɔnɔ ka wo ma taga dɛnkɛnɛya boloka, wo tɔɔrɛ ɲan be mala sabue la wo ye wo ni timiladiya.

Ka hakkilimaya bele mɔgɔ do bolo wo tɛma, a tigi ni Ala táran. A si a sɔtɔ le, bayi Ala te dumɛn mɔgɔ yo ma a ni a yigitɛgɛ, fɔ a ni i kɔ a yiriwareŋɛ le la.

N nɛɛnɛdɔndɔ kanunteŋɛnu, wo ni wo hakkile to kɛ kuma ma: Wo dɔndɔ dɔndɔ bɛ ni haujɛ wo tolomasɔ koe la, wo kana teriya kumala, wo juse kana yɛlɛ teriya la

Kɔnɔ wo ɲan ni limaniya lakamali ka timiladiya! Wolo si a ma, wo ni ma mɔgɔ kamalireŋɛ hagiga la fenfen bele toren minnu la ko la.

Wo ni Ala la kuma labatu. Ka wo ka a mɔɛ le tun, kɔnɔ wo ma a ma, wo bata wo fan majuguya.

Hɛra be mɔgɛ ye min be a timiladiyala tɔɔrɛ butɔ, bayi ka a bata ban wo tɔɔrɛ lamuɲula, Marige si a kunnawuli le a ni kise dii a ma. A be wolo lahiriren a kanunteŋɛnu ye.

Kɔɔre ɲinma bɛ, anun min yo kaɲin mɔgɛ ye, a bɛ be fatanden Daali Mansa le la min be saŋɛ tɔ, min be malanfeŋɛnu daren. Ala te masara, a la mamakɛnɛŋɛ te masara dibe la.

Wo tanbi kɔma, ka mɔgɛ min ka Ala la kuma lamɔɛ, kɔnɔ a ma a jokki, a be tola le iko mɔgɛ min tini be a yɛtɛ ɲakɔtɔ lasagala ninimatoe ma; a ni a lasaga, a ni taga, a ni ɲina kisanna a ɲakɔtɔ ma a be ki min na nun.

Diina beeyareŋɛ, kɔnɔ yo bele min na Ala ɲakɔtɔ, ale le mu ka: wo mɔ ni mɛnni aliyatimɛnu nun furuɲa musenu ma anu be anu la tɔɔrɛ min tɔ, wo mɔ mɛn ni mɔ yɛtɛ tabita, dunuya koe kana kɔnɔ to wo mɔ la.

Mɔgɛ tini di tantanna a la tɔɔrɛ wagate, a kana a fɔ Ala le be a latantanna, bayi a sɔgɔ bele Ala la feu ale yɛtɛ ni ko koroŋɛ ma, a mɛn te adama yo latantan ko koroŋɛ ma koe la. Ade, kɔnɔ adamadeŋɛ yɛtɛ diyanankoe ko koroŋɛ le be a latantanna. Wolo be a masabala han a ni a laboe.

Fugari dɛnkɛnɛyabaga ni sɛɛwa, ka a fɔla Ala bata a la ko mayɛlɛ.