ಅಕ್ಕ, ಪವಿತ್ರಾತ್ಮ ಫಿಲಿಪ್ಪಂಡ ಪಕ್ಕ, ನೀನ್ ಅಂವೊಂಡ ರಥತ್ರ ಪಕ್ಕ ಪೋಯಿತ್ ಅದ್ಂಡಕೂಡೆ ನಡೇಂದ್ ಎಣ್ಣ್ಚಿ. ಅಕ್ಕ, ಫಿಲಿಪ್ಪ ಓಡಿ ಪೋಯಿತ್ ಆ ಮನುಷ್ಯ ಯೆಶಾಯ ಪ್ರವಾದಿರ ಪುಸ್ತಕತ್ನ ಓದ್ವಾನ ಕ್ೕಟಿತ್, ಅಂವೊನ ನೋಟಿತ್: ನೀನ್ ಓದಿಯಂಡುಳ್ಳದ್ ನೀಕ್ ಅರ್ಥ ಆಯಂಡುಂಡಾಂದ್ ಕ್ೕಟತ್.
ಅದ್ಂಗ್ ಅಂವೊ: ದಾರೇಂಗಿ ನಾಕ್ ಅದ್ಂಡ ಅರ್ಥತ್ನ ಎಣ್ಣ್ಚೇಂಗಿ ಮಾತ್ರ ಅದ್ ಗೊತ್ತಾಪ, ಇಲ್ಲತೆಪೋಚೇಂಗಿ ಎನ್ನನೆ ಗೊತ್ತಾಪಾಂದ್ ಕ್ೕಟತ್. ಆನಗುಂಡ್ ಫಿಲಿಪ್ಪನ ತಾಂಡಕೂಡೆ ಅಳ್ಪಕ್ ಎಣ್ಣ್ಚಿ.