Mavhesi emuBhaibheri Ane Mukurumbira kubva kuna Yoona 10

Pakurirana nevamwe

A̱tang wu ni̱ bai da̱nian gu ka nyiin, gu hyaat. Nung, n bai n nwuak á̱niet ba a̱jhyem swuan, ba̱ shya̱ nji gba̱mgbam!

“Nung gwa ngyet a̱tan a̱tyu chok wu. A̱tan a̱tyu chok wu ni̱ nwuak swuan nggu ji da̱nian zón seap ji.

Zón seap nung ji ni̱ myiai a̱fufwuo ji̱ fa̱k a̱nwuat nung ka. N dyen mba. A̱wot ba̱ si̱ khwi nung.

N na nwuak mba swuan sang sangba̱p, a̱wot ba̱ na kwi bah. A̱yin si̱ mi̱n ta̱wap mba bwak nung bah.

Nung gwa ngyet a̱na̱nyuo ka. Konyan wa nwuo da̱ a̱na̱nyuo ka, a̱ na shya̱ san. A̱ na nwuai a̱ ghwut, a̱ shyat nkyang nang gu chat a̱ni.

“Nung gwa ngyet a̱tan a̱tyu chok wu. N dyen zón seap nung ji, a̱wot ji̱ si̱ lyen nung.

A̱tyia̱ nung wu a̱ nwuak nung mba a̱ni, a̱ swak ma̱ng shi hu. A̱wot á̱ byia̱ a̱tyu á̱ na ta̱wap mba bwak A̱tyia̱ nung ka a̱ni bah. Nung ma̱ng A̱tyia̱ nung wu, zi̱ yet kyang nyiung hwa.”

Ma̱nang A̱tyia̱ nung wu ndyen nung a̱ni; nung mameang, n si̱ ndyen A̱tyia̱ nung wu. N shya̱ mi̱ fwuo n khwu da̱nian zón seap nung ji.

Á̱ mbyia̱ a̱tyu a̱ na san swuan nung ji a̱ ghwon nung a̱ni bah. Nung gwa shim, n na neap swuan nung ji, a̱wot n doot n bu mbwuok ma̱ng a̱nji. Si̱ huni hwa yet kyang hu nang A̱tyia̱ nung wu ta̱m nung n nyia̱ a̱ni.”

Yesu si̱ bu nyia̱, “Yok, n tak nyin a̱chuchuk; nung gwa ngyet a̱na̱nyuo zón seap ka.

A̱tyu a̱ chok da̱nian á̱ ka tan gu zang a̱ni, a̱ yet a̱tsatsak a̱tyu chok wa bah. A̱wot di̱ zón seap ji, ji̱ yet si̱ nggu bah. Ka̱ a̱ li a̱bwu a̱yit ka chobai, a̱ ni̱ tyong a̱ kai zón seap ji a̱ ghwon, a̱bwu a̱yit ka ka̱ ya̱baat, a̱wot ka̱ seang á̱kum ka ka̱ mat a̱ fwuoi.

“Yok n hyia̱ ma̱ng a̱nyin a̱chuchuk; a̱tyu da̱ a̱ nwuo a̱na̱nyuo a̱ta̱mpwom zón seap ka a̱ni bah, a̱wot a̱ si̱ nwuo di̱n vak ghyang hwa ma̱ zan; a̱tyu a̱wa yet a̱tang, a̱ si̱ bu yet a̱tyu a̱tsaai wa!