Mavhesi emuBhaibheri Ane Mukurumbira kubva kuna Maarko 16

Pakurirana nevamwe

Ma ho, ĩĩnnĩk Yeesu ĩhõõggõ, “Õõt illimanit eet nyeemuut ꞌcĩ abũnnaa loonyini vẽlẽk.

Aaꞌnyĩhoothĩk hatĩ lemmiook vẽlẽk ꞌtirriani ꞌcĩ adticanĩ thooꞌthiok ꞌcĩg ĩnaat eeta. Iiggia hatĩ nẽẽg loriẽẽt ꞌcĩg abathĩ ꞌthaarĩĩ cĩgannĩg nẽ othoothito thõõthaa ꞌcĩ ĩĩn ngeju. Aggam hatĩ nuyyiooha cieeg hũkaaꞌnya athĩnĩĩ cĩggĩĩng nẽ aitõõ hatĩ hũkaaꞌnya hõllõngaa occa adak ĩhõõggõ. Nẽ ma adak nuyyiooha ꞌgẽẽn ꞌcĩ aarĩk eeta ẽgẽrnẽẽn ꞌcĩg occa aruk nuyyiook, aitiõõ hatĩ hõllõngaa adaahĩ ũdũt. Nẽ ataadĩk hatĩ nẽẽg athĩn cĩggĩĩng eetinii ꞌcĩg õmmõõrĩ nẽ hatĩ ũbũttaathõ eeta tĩko.”

Ẽẽtĩ ꞌcĩ ẽlẽmĩ nyeemuut nẽ aggam baattithimo, eelliaa hatĩ nẽẽnĩ, nẽẽthĩ, ẽẽtĩ ꞌcĩ hõllõngaa ẽlẽmĩ, uuki hatĩ nẽẽnĩ.

Nĩngĩtĩ õõĩ nuyyiooha cĩgĩnnĩg allimanĩ thõõth cĩ Nyekuci loonyini vẽlẽk nẽ baa adticanni Makayyioohiti hõdẽĩ hĩ ĩhõõggõ nẽ aaꞌnyĩk ꞌlimman cĩnnĩ ho, hĩĩ dĩdĩ thooꞌthiohĩĩ ꞌcĩg ĩnaat eeta ĩcĩg baag adtican nuyyiooha.

Ma nĩngaata ikia uduhaak nyahaappanĩ tĩhõ ĩhõõggõ ĩĩnnĩk, “Ma hiꞌngolinnu. Haga naa adiimmu niig Yeesu cĩ Naaꞌtharẽtĩ baa odooddothoothĩk hurucceea, iittiõõ nẽẽ ngaati tõõ, baa ũrũga nẽẽnĩ. Ĩcĩnĩt da nĩngĩ baa ammũtĩ eeta ẽlẽ cĩ Yeesu.

Ma baa õõ edeenyothi nẽẽg waany ꞌcĩ adayyia biyyia ho, acĩnoothi hinnia ẽꞌnyẽẽhĩ bẽẽ aau ngadiiha. Nẽ baa ꞌthẽk bẽẽ cobbi gẽrrẽẽt tĩho. Ma baa õõ aduhun nẽẽg ꞌloohatõõ ho, acĩn hinnia nyahaappan umwa ꞌcĩ ahimit ceremwa ꞌcĩg õõppẽr, iccioloongan loota ꞌloohatõõ cĩ aꞌthiit cobbi. Baa abulan thõõth ciee ĩhõõggõ gẽrrẽẽt.