Mavhesi emuBhaibheri Ane Mukurumbira kubva kuna Kuxh 4

Pakurirana nevamwe

Txakpetz vet Jesuus, tul ibʼekʼ Jesuus iyaʼ u kaqiqʼ. Tul ech tal Jesuus te u mam aʼ s-eche: —¡Taʼne! Tul ¡yaʼen! —xeʼt Jesuus. Tul yekich yaʼ vet u kaqiqʼ. Tul tzʼinun vet iviʼ u mam aʼ. Tul ech tal Jesuus te inqʼa nikich itxhus tibʼ s-kʼatza s-eche: —Yeʼ kuxh xoʼv ex. ¡Kam s-tiʼil yeʼ nik ekʼuqbʼa ekʼuul s-viʼ tiʼ ekoloxeʼ! —xeʼt Jesuus.

Tul kaayaqichxh vet taanima inqʼa nikich itxhus tibʼ kʼatz Jesuus taʼn mam xoʼval. Tul ech motx tal vet s-vatzaq s-eche: —¿Kam talax naq u vinaq uvaʼe? Tan ¡tetxhal qat qeex naq taʼn u kaqiqʼ jabʼal, atz taʼn u mam aʼ! —xeʼtaq veteʼ.

Poro eenetz atich koʼp Jesuus tiyaʼtebʼal tuul u vaarko. Tul vatyich Jesuus tzitzi. Tul atich jaʼ iviʼ Jesuus viʼ val u vitzʼ. Yaʼne ex bʼeyexoq vet Jesuus taʼn inqʼa nikich itxhus tibʼ s-kʼatza. Tul echaq tal te Jesuus s-eche: —¡Txhusul qetz! ¿yeʼetz kol toq akol oʼ? Tul ¡il oʼ toq kamoq vet oʼ taʼn u mam aʼ! —xeʼtaq te Jesuus.

Yaʼne echat tal Jesuus s-eche: —Bʼanvaq yaʼl tiʼ tootzaqil kam nik elkaʼpun inqʼa yol, inqʼa nik etabʼi valtaʼ. Tan jankʼalxh inqʼa yol uvaʼ ayaʼlxh ekʼuul tiʼ tabʼileʼ, tul laʼ ilotxh ex quBʼaal Tiuxh tiʼ tootzaqileʼ. Tan aʼl tel laʼ taqʼax etootzaqibʼal taʼn quBʼaal Tiuxh. Tan ech laʼ ibʼan quBʼaal Tiuxh tiʼ taqʼax sete, eche laʼ epajt invaʼq kam. Tan aʼl teletz laʼ taqʼax etootzaqibʼal taʼn quBʼaal Tiuxh tiʼ tabʼileʼ, aloq ex laʼ bʼanon yaʼl tiʼ tabʼileʼ.

Echetz vaʼt u yol uvaʼ txumbʼalimal talt Jesuus s-eche: —Ech vibʼant quBʼaal Tiuxh iqʼesalil kʼatz inqʼa xaol, eche tavat vaʼq vinaq tiiya t-txʼavaʼ. Tan qat itzʼ vet inqʼa iiya. Atz qat chʼij veteʼ tuulbʼal uvaʼs nik ipal junun qʼij, atz nik ipal junun aqʼbʼal. Kʼuxhetz vaty u vinaq s-aqʼbʼal, atz kʼuxh nik ilakp vet s-qʼiil, tul ajt kuxh qat til veteʼ uvaʼ paqʼtxʼinaʼq vet inqʼa iiya, atz qat chʼij veteʼ. Poro jitoq qat bʼen s-te keʼch qat ipaqʼtxʼ inqʼa iiya.

Jaʼl ex nik abʼin kam inqʼa yol nik valeʼ, tul bʼanvaq yaʼl tiʼ tootzaqileʼ, —xeʼt Jesuus.