Mavhesi emuBhaibheri Ane Mukurumbira kubva kuna Phid lid piq liq 1

Pakurirana nevamwe

Nig hehd awg khuhn daq che kanx haq tanr te che Ghig sa awr lehr, Yer suq Khreq ve awg ni te ni kha gag kanx u ve haq te peg vid tug yaog lehz ngag yonr cehg mag che yaog.

Ngag bon lawg che awr lehr, nig hehd daq che awg ceng haq sir vix tug, cud yiq ma yiq ted ceng he lehq pehg daq fir daq vix che ted ceng mad-ag che awg khuhn nig hehd ve haq pehnd che ted ceng sang te sang ir lag mad lag tug awg pun ngag bon lawg che yaog. Kheh te lehq, Ghig sa haq awg mig awg phond pid lehq yawd haq chid muh vid tug, Yer suq Khreq haq te lehq gha che thed che cawd che awg sir nig hehd kha peh ghad cawg lehq, Khreq ve awg ni teq ni awg pun daq che kehg che ni ma cawg lehq, vend bax tar kig mad cawg che chaw phehq gha vid tug awg pun liz ngag bon lawg che yaog.

Awg lawn ghod ver, ngag teq chehd che ted ceng awr lehr, Khreq phehq che yaog. Ngag suh ver, ngag awg pun awg mehaq gha tug yaog.

Pawz gha lia ngag nig hehd haq duhd nuhd che te yand, ngag ved Ghig sa haq chid muh che yaog.

Khawd-ehg kheh te liz, nig hehd kha te kha duhd che teq pa Khreq ve ha lehg che bon khuhd haq kenr daq vid-oq. U kheh te ver, ngag lag gag lehq nig hehd haq gha mawg che te yand lehd ma koz, nig hehd geh ma chehd che te yand lehd ma koz, nig hehd ni ma teq sir lehax tar lehq, duhd khad te khad lehax tar che awg khuhn, ha lehg che bon khuhd haq caz daq che yonr che ted ceng awg pun nig hehd teq geha hax ceh nux te chehd che awg lawn haq ngag gha kad tug yaog.

Ngag duhd law lehq he gad che awr lehr, che kheh yaog. Khar ve ted ceng awg khuhn liz ngag maq gha yaq taw tug yaog. Pong lag thad heh te lehq a meha liz ngag ni ma tag che kha nehax cawg che awg khuhn, ngag teq chehd lehd ma koz, suh che lehd ma koz, ngag ved awg ton khuhn Khreq haq chid ir chid muh tug yaog.

Awg lawn ghod ver, Khreq haq te lehq nig hehd gha che awg bon awr lehr, yawd haq yonr che ted ceng lehax ma hez, yawd awg pun gha tuq gha khanr tug ted ceng haq liz gha che yaog.