Mavhesi emuBhaibheri Ane Mukurumbira kubva kuna 2 KORINTUS 5

Pakurirana nevamwe

Iamoto iake denni misa’ tau tuo lan Kristus, iamo pa’padadi ba’ru; iatu mai apa malaun pa’demo; na tonganna dipopendadi ba’rumo.

Anna Ia tu tang narandan kasalan, mangkamo Napopendadi kasalan ussondaki’, kumua anna kita mendadi kamaloloanNa Puang Matua diona Ia.

Belanna lumingka kapatonganangki’, tangngia lumingka pentiroki’.

Apa mintu’na tu iannato lu dio nasang mai Puang Matua, tu mangka umpasikaeloki’ Kalena tete dio Kristus sia umpa’kamasean toean kasikaeloan lako kaleki. Belanna tete dio Kristus Nanii Puang Matua umpasikaeloi Kalena tu issinna te lino, sia tae’ Narekenni lako kalena tau tu kasalanna sia Napatu’gunnikan tu kareba kasikaeloan.

Iamoto kidadi pesuanNa Kristus sia kiissan, kumua Naposumbungan pudukkan Puang Matua ma’pakilala; angki ma’kada dio Kristus umpalakui kumua: Sangapaoi upa’ ammi dipasikaelo Puang Matua!

Sia mateMo tu belanna mintu’ tau, kumua anna iatu to tuopa, da anna untuoan kalena, sangadinna la untuoanni tu To mangkamo mate sia malimbangun belanna iatu mai tau iato. Iamoto randuk te totemo tae’ misa’ duka tau kitandai diona a’gan tolinona. Ke susinna kitandaimi tu Kristus diona a’gan tolinona, apa totemo te tae’mo kitandai susito.

Belanna napatundukkan tu pa’kaboro’Na Kristus, tu kikanassai kumua matemo tu Tau misa’ tu belanna iatu mintu’ tau, iamora bannangnato anna matemo sola nasangi.