Mavhesi emuBhaibheri Ane Mukurumbira kubva kuna Matío 24

Pakurirana nevamwe

Hȩn ɓı̵́d wú̵ń dɨ laalı̵́ tíŋ́ tíŋ́ há̧á̧ hí̧nní wú̵ń 'wáa zó̧ó̧ nán ɓu̵u̵lı̵́ na'a voolı̵́. A̧máa nán ı̵́ a ma' zó̧ó̧ há̧á̧ a ya̧ bá' sí̧'í̧dí tée, wú̵ń sə́ddú̵.

Vú̵ń pa moo to̧o̧ 'maŋ moo gbaŋ waalı̵́ Tayɨɨ woo yɛ ya 'waapád hágá yɛlı̵́. Zig nán vu̵ 'waapád u̵u̵ ki sú̵'ú̵ tée, hág wú̵ń 'wáa wu̵lı̵́.

Víń ki moo sɨɨ vu̵ dáŋ́ víílí, kan ya ɗiilílí á̧ḿ. Tée i ndɔg sá, moo hȩn yȩ vú̵ń yaa dɨlı̵́, a̧máa wú̵ń ná hág 'wáanée pɛ́lı̵́.

Zig nán vú̵ń lúún sɨɨ kan daga vu̵. Gbanii vú̵ń lúún sɨɨ kan daga vu̵. Go̧o̧m gbo̧o̧ vú̵ń kɔ́y, hág vú̵ń nam ya tóó vu̵lı̵́. Hȩn ndɔ́gɔné máa ku̵u̵ dəŋ yȩ, vú̵ń man kan wakȩ́ȩ́ tóó ka dɨ waa ha̧a̧lȩ́ má nɔ.

Be' kan hág vú̵ń 'wáa ú̵, a̧máa moo míí vú̵ń 'wáa né sá̧ḿ.”

moo nán ɓu̵u̵lı̵́ na'a vú̵ń yaa kan yɛ́g míí, vú̵ń o̧: ‘Míi ı̵́ nán sənné!’ Vú̵ń zo' nán tóó vu̵ moo ɓu̵u̵lı̵́ na'a.

“Pig woo tée, nánán vú̵ń dɔd ví ya hȩn ndɔ́gɔnélȩ́, vú̵ń nɔɔ ví, zig nán 'waapád vú̵ń máń ví moo míílí̧. Pig woo tée, hȩn yȩ wú̵ń kɔ́ nán ɓu̵u̵lı̵́ na'a vú̵ń kéé gbɔn, vú̵ń dóón ya voolı̵́, vú̵ń máń ya voolı̵́. Anábi vbád vú̵ń vúd ya, vú̵ń zo' nán vu̵ moo ɓu̵u̵lı̵́ na'a.

Yesu hí̧i̧d vu̵, o̧: “I gággú̵, nán tóó a zo' ví moo sá

Moo woo nɔ, ví á̧ḿ, i mbaa bə́', moo ı̵́ míí Tayɨɨ ka ba'an ya yɛ, sey a̧n fíí ya tée, víń gaa né.

I nə sá, moo ví gaan zá̧ga̧ ı̵́ 'yɛ́lı̵́ víí a ya̧n né.

Yesu duu o̧d vu̵: “Moo bá' yaalı̵́ míí kan sey woo máa, nán tóó gaa né, kóó maleeka vu̵ be"ı̵́ á̧ḿ, kóó fó̧ó̧ míí á̧ḿ. Séý Ba'á Tayɨɨ wu̵ gaa dágá.

Moo ı̵́ nán sənné vbád kan anábi vbád vú̵ń dɨ yaalı̵́ɨ, vú̵ń soo kɛb moo bi kɔ́n hȩn sa̧ga̧ gbo̧o̧ tóó vu̵ kan hȩn zálı̵́ tóó vu̵ wu̵lı̵́, moo bi zo'on nán ı̵́ Tayɨɨ ka yee vu̵ máa u̵u̵ ti á̧ḿ.

Bá' a̧n yaa tée, hȩn woo wú̵ń mbaa kɔ́ ı̵́ sey Núúhu̧ woolı̵́ máa wɔgɔ. Mam gbo̧o̧ ka naga ná né máa, nán vu̵ lá hȩn, vu̵ zɔ hȩn vu̵, vu̵ éé kȩ́ȩ́, vu̵ pú̵ waa vu̵ lig, há̧á̧ ya̧ zá̧ga̧ Núúhu̧ ka dɔ́ nɛ́ŋ́ŋı̵́ máa. Vu̵ taan voo hȩn tóó né, há̧á̧ mam gbo̧o̧ naŋ tud nán vu̵ 'waapád. Ɨ́ míí Tayɨɨ ka ba'an ya yɛ, yaalı̵́ míí wú̵ń dɨ kɔ́yné ı̵́ yo̧go̧ á̧ḿ.