Mavhesi emuBhaibheri Ane Mukurumbira kubva kuna Génesis 49

Pakurirana nevamwe

Apu ushukrutain kuri najanamun takus nujai aints ainaun inawa nunismek ameka nekasam aints ainaun inartinuitme. Tura asam nekas nurintin taatsaing, nu ushukrutainka atankichartin ainawai.

Tura Josén chicharak: —Uchiru, ame numi entsa yantamen araamua nuka nukap nerektinua nunisketme. Numi timiá nerek wajawa nuna kanawe wenurmaunum patasu asa kupikchatnuitai. Amin kajertaminak pujuinauka tishimkurin achikiar, wachin tias akupkartin ainawai. Tura asar tukee itit awajkartin ainawai.

Antsu ameka kakaram wajastinuitme. Tura asam aints tishimkurin achikua nunisketme. ¡Maj, wina Yusur timiá kakaram asamtai, tenukap maaketai tajai! Nuka nekas oveja wainua nunisang wi wear ainaunka nekas ayamruktinuitai. Aparmi Yusri timiá kakaram aa nuka amincha yainmaktinuitai, tura pengker awajtamsatnuitai. Yuska nayaimpinmaya waitmak, juun entsa nitkarin pujamnin yainmaktinuitai. Tura asa ami wearmincha angkan jererar, pengker muntsawarti tusa yainmaktinuitai.

Tura Judán chicharak: —Uchir Judáya, ami yachim ainauka amin pengker awajtamin ainawai. Tura nemasem ainau nepetkam, aints suwenam achiawa nunisketme. Ameka juun yawaa uchiria tumawaitme. Nuka kuntinun achik maa, juun yawaaya tumau namangken yuwa tutuar ayamak tepawa nunismek amesha ayamratnuitme. ¿Yáki amin itit awajtamin at?

Rubénka, ameka nampuarurinme. Tura asam kakarmaitme. Tura asakmin aminka pengker awajtamin ainawai. Antsu nampuaruri ayatum, entsa tampaaramuri winawa nunismek atsantrachmin asam, wina nuwaru inatirijai kanurtasam, wina peakrun tepesmiame. Tura asam mianchau atatme, —timiayi.