ගීතාවලිය 145:1-13
ගීතාවලිය 145:1-13 සිංහල කාලීන පරිවර්තනය (SCV)
මම ඔබ උසස් කරමි. මගේ රජ්ජුරුවන් වන දෙවියන්වහන්ස, සදහට ම, සදාතනික ව ඔබගේ නාමය පසසන්නෙමි. හැම දවසක මම ඔබ පසසමි; සදහට ම, සදාතනික ව ඔබගේ නාමය වර්ණනා කරමි. ස්වාමින්වහන්සේ උත්තම ය; උසස් ම ප්රශංසාව ලැබිය යුත්තාණෝ ය; උන්වහන්සේගේ උත්තම භාවය සොයා දැනගත නො හැකි ය. එක් පරම්පරාවක් ඊළඟ පරම්පරාවට ඔබ කළ දෑ වර්ණනා කරනු ඇත; ඔබගේ පරාක්රමවත් ක්රියා ගැන ඔවුන් ප්රකාශ කරනු ඇත. ඔබගේ රාජත්වයේ තේජවත් ශෝභාශ්රීය මත, ඔබගේ ආශ්චර්යවත් ක්රියා මත මම භාවනා කරන්නෙමි. ඔබගේ බියජනක ක්රියාවල බලය ගැන ඔවුන් පවසනු ඇත; මම ඔබගේ උත්තම ක්රියා ප්රකාශ කරන්නෙමි. ඔබගේ අධික යහගුණයේ කීර්තිය ඔවුහු තව තව පතුරුවති, ඔබගේ ධර්මිෂ්ඨත්වය හඬ නගා ගායනා කරති. ස්වාමින්වහන්සේ දයාන්විත ය, අනුකම්පා සහගත ය; වහා නො කිපෙන සුළු ය; නොමියෙන ප්රේමයෙන් අනූන ය. ස්වාමින්වහන්සේ හැම දෙනාට ම යහපත් ය; උන්වහන්සේගේ දයාව, උන්වහන්සේ නිම වූ සියල්ලන්ට ම ය. ඔබගේ සියලු වැඩ, ඔබට ප්රශංසා කරයි, අහෝ ස්වාමින්වහන්ස, ඔබගේ සියලු ශුද්ධවත්හු ඔබට පැසසුම් දෙන්නෝ ය. ඔබගේ රාජ්යයේ තේජස ගැන ඔවුන් පවසනු ඇත; ඔබගේ බලය ගැන කතා කරනු ඇත. එසේ කරන්නේ, ඔබගේ පරාක්රමවත් ක්රියා ද ඔබගේ රාජ්යයේ තේජවත් ශෝභාශ්රීය ද ගැන සියලු මිනිසුන් දැනුවත් කරනා පිණිස ය. ඔබගේ රාජ්යය සදාතනික රාජ්යයකි; ඔබගේ ආධිපත්යය සියලු පරම්පරා දක්වා පවතී.
ගීතාවලිය 145:1-13 Sinhala Revised Old Version (SROV)
මාගේ දෙවිවූ රජ්ජුරුවන්වහන්ස, ඔබ උසස්කරන්නෙමි; ඔබගේ නාමයට සදාකාලේටම ප්රශංසාකරන්නෙමි. සෑමදාම ඔබට ප්රශංසාකරන්නෙමි; සදාකාලේටම ඔබගේ නාමය වර්ණනා කරන්නෙමි. ස්වාමීන්වහන්සේ උතුම්ය, බොහෝ සෙයින් ප්රශංසා ලැබිය යුතුය; උන්වහන්සේගේ උතුම්කමද සොයා දැනගත නොහැකිය. එක් පරම්පරාවක් තවත් පරම්පරාවකට ඔබගේ කර්මාන්ත වර්ණනාකරමින්, ඔබගේ බලවත් ක්රියා ප්රකාශකරන්නේය. මම ඔබගේ ගෞරවයේ තේජෝමහිමයත් ඔබගේ පුදුම ක්රියාත් මෙනෙහිකරන්නෙමි. මනුෂ්යයෝ ඔබගේ භයානක ක්රියා බලය ගැන කථාකරන්නෝය; මමද ඔබගේ උතුම්කම ප්රශංසාකරන්නෙමි. ඔව්හු ඔබගේ මහත් යහපත්කමේ සිහිවීම ප්රකාශකරමින්, ඔබගේ ධර්මිෂ්ඨකම ගැන ගී කියන්නෝය. ස්වාමීන්වහන්සේ දයාවන්තය, අනුකම්පාවෙන් පූර්ණය; උදහස්වීමට ප්රමාදය, මහත් කරුණාවෙන් යුක්තය. ස්වාමීන්වහන්සේ සියල්ලන්ට යහපත්ය; උන්වහන්සේගේ දයාබරකම් උන්වහන්සේගේ සියලු කර්මාන්ත කෙරෙහිය. ස්වාමිනි, ඔබගේ සියලු කර්මාන්තයෝ ඔබට ස්තුතිකරන්නෝය; ඔබගේ ශුද්ධවන්තයෝද ඔබට ප්රශංසාකරන්නෝය. දෙවියන්හන්සේගේ බලවත් ක්රියාත් උන්වහන්සේගේ රාජ්යයේ තේජෝමහිමයත් මනුෂ්ය පුත්රයන්ට දන්වන පිණිස, ඔව්හු ඔබගේ රාජ්යයේ මහිමය වර්ණනාකරන්නෝය, ඔබගේ බලය ගැනද කථාකරන්නෝය. ඔබගේ රාජ්යය සදාකාලික රාජ්යයක්ය, ඔබගේ අධිපතිකමද සියලු පරම්පරාවලම පවත්නේය.
ගීතාවලිය 145:1-13 Sinhala New Revised Version (NRSV)
මා දෙවි රජිඳුනි, ඔබ ගුණ මම ගයමි. ඔබ නම සදාකල් ම පසසමි. සැම දා ඔබට තුති පුදමි; සදාකල් ඔබ නම පසසමි. සමිඳාණෝ උතුම් ය, උසස් ම පැසසුම් ලැබිය යුතු ය. එතුමන්ගේ උතුම්කම සොයා දැනගත නොහැකි ය. පරපුරෙන් පරපුරට ජනතාවෝ ඔබේ ක්රියා වර්ණනා කරති; ඔබේ ප්රබල ක්රියා ගැන ප්රශංසා කරති. මම ඔබේ රජ සිරි තෙද මහිමයත්, ඔබේ අරුමපුදුම ක්රියාත් මෙනෙහි කරන්නෙමි. දනෝ ඔබේ විස්මයජනක ක්රියා ගැන කතා කරන්නෝ ය; මම ඔබේ උතුම්කම පවසන්නෙමි. ඔව්හු ඔබේ මහා යහපත්කමේ පුවත ප්රකාශ කරති; ඔබේ දැහැමිකම ගැන ගී ගයති. සමිඳාණෝ දයාවන්ත ය. අනුකම්පාවෙන් පූර්ණ ය; වහා නොකිපෙන සුලු ය; තිරසර පෙමින් යුතු ය. සමිඳාණෝ සියල්ලන්ට කරුණාව පාන සේක; එතුමන්ගේ සුමුදු දයාව මවන ලද සියල්ල ද වෙත පැතිරෙයි. සමිඳුනි, ඔබ මැවූ සියලු දේ ඔබට තුති පුදයි; ඔබේ සැදැහැවත්තු ද ඔබට ප්රශංසා කරති. ඔව්හු ඔබේ රාජ්යයේ මහිමය වර්ණනා කරති. ඔබේ බල මහිමය ගැන ද කතා කරති. එසේ කරන්නේ, දෙවිඳුන්ගේ ප්රබල ක්රියාත්, රාජ්යයේ තේජෝ මහිමයත් මිනිසුන් හට දන්වන පිණිස ය. ඔබේ රාජ්යය සදාකාලික ය, ඔබේ ආධිපත්යය ද සියලු පරම්පරාවල ම පවත්නේ ය සමිඳාණෝ සියලු පොරොන්දු ඉටු කරන සේක. තමන් කරන සියල්ලේ දී මෙත් සිත් වඩන සේක.
ගීතාවලිය 145:1-13 Sinhala New Revised Version 2018 (SNRV)
මා දෙවි රජිඳුනි, ඔබ ගුණ මම ගයමි. ඔබ නම සදාකල් ම පසසමි. සැම දා ඔබට තුති පුදමි; සදාකල් ඔබ නම පසසමි. සමිඳාණෝ උතුම් ය, උසස් ම පැසසුම් ලැබිය යුතු ය. එතුමාණන්ගේ උතුම්කම සොයා දැනගත නොහැකි ය. පරපුරෙන් පරපුරට ජනතාවෝ ඔබේ ක්රියා වර්ණනා කරති; ඔබේ ප්රබල ක්රියා ගැන ප්රශංසා කරති. මම ඔබේ රජ සිරි තෙද මහිමයත්, ඔබේ අරුමපුදුම ක්රියාත් මෙනෙහි කරන්නෙමි. දනෝ ඔබේ විස්මයජනක ක්රියා ගැන කතා කරන්නෝ ය; මම ඔබේ උතුම්කම පවසන්නෙමි. ඔව්හු ඔබේ මහා යහපත්කමේ පුවත ප්රකාශ කරති; ඔබේ දැහැමිකම ගැන ගී ගයති. සමිඳාණෝ දයාවන්ත ය. අනුකම්පාවෙන් පූර්ණ ය; වහා නොකිපෙන සුලු ය; තිරසර පෙමින් යුතු ය. සමිඳාණෝ සියල්ලන්ට කරුණාව පාන සේක; එතුමාණන්ගේ සුමුදු දයාව මවන ලද සියල්ල ද වෙත පැතිරෙයි. සමිඳුනි, ඔබ මැවූ සියලු දේ ඔබට තුති පුදයි; ඔබේ සැදැහැවත්තු ද ඔබට ප්රශංසා කරති. ඔව්හු ඔබේ රාජ්යයේ මහිමය වර්ණනා කරති. ඔබේ බල මහිමය ගැන ද කතා කරති. එසේ කරන්නේ, දෙවිඳුන්ගේ ප්රබල ක්රියාත්, රාජ්යයේ තේජෝ මහිමයත් මිනිසුන් හට දන්වන පිණිස ය. ඔබේ රාජ්යය සදාකාලික ය, ඔබේ ආධිපත්යය ද සියලු පරම්පරාවල ම පවත්නේ ය. සමිඳාණෝ සියලු පොරොන්දු ඉටු කරන සේක. තමන් කරන සියල්ලේ දී මෙත් සිත් වඩන සේක.
ගීතාවලිය 145:1-13 New International Version (NIV)
I will exalt you, my God the King; I will praise your name for ever and ever. Every day I will praise you and extol your name for ever and ever. Great is the LORD and most worthy of praise; his greatness no one can fathom. One generation commends your works to another; they tell of your mighty acts. They speak of the glorious splendor of your majesty— and I will meditate on your wonderful works. They tell of the power of your awesome works— and I will proclaim your great deeds. They celebrate your abundant goodness and joyfully sing of your righteousness. The LORD is gracious and compassionate, slow to anger and rich in love. The LORD is good to all; he has compassion on all he has made. All your works praise you, LORD; your faithful people extol you. They tell of the glory of your kingdom and speak of your might, so that all people may know of your mighty acts and the glorious splendor of your kingdom. Your kingdom is an everlasting kingdom, and your dominion endures through all generations.