Zacharijaš 13
13
O manuša hine obžužarde le binostar
1„Andre oda džives ela phundrado o prameňis prekal o potomki le Davidoskre the prekal o manuša andro Jeruzalem pre oda, hoj len te obžužarel le binostar the le nažužipnastar.
2Andre oda džives,“ phenel o Nekzoraleder RAJ, „khosava avri le modlengre nava andral e phuv a imar buter pes pre lende na leperela. Odlava andral e phuv le proroken the le nažužipnaskre duchos. 3Te vareko mek prorokinela, leskro dad the daj, save les ande pro svetos, leske phenena: ‚Na dživeha, bo andro nav le RAJESKRO vakerďal o klamišagos.‘ A leskro dad the daj, save les ande pro svetos, les predemena la šabľaha, bo prorokinďa.
4Andre oda džives pes o proroka ladžana vaš peskro viďeňje, sar prorokinena. Imar pre peste na urena o prorokoskro plašťos kerdo la srsťatar, hoj te klaminen avren. 5Sako phenela: ‚Me na som prorokos. Me som farmaris, bo hin man maľa#13,5 Abo: bo o manuš man bikenďa otrokoske imar le terňipnastar.‘ 6Te lestar vareko phučela: ‚Sostar tut hin kala jazvi pre tiro hrudňikos#13,6 Le Baaloskre proroka pes marenas le bičenca pal o hrudňikos.?‘ odphenela: ‚Kala jazvi man hin andral o kher mire prijaťeľengro.‘“
O pasťjeris mardo, o bakrore denašen
7„Šabľo, ušťi pre miro pasťjeris
the pro murš, so mange hino pašes,“
phenel o Nekzoraleder RAJ.
„Mar le pasťjeris a o bakrore pes rozdenašena,
a me visarava miro vast pro ciknore.
8Andre caľi phuv,“
phenel o RAJ,
„duj tretini merena a jekh tretina ačhela.
9Odi jekh tretina prelava prekal e jag
a obžužarava len sar o rup
a skušinava len avri sar o somnakaj.
Vičinena pre miro nav
a me len šunava avri.
Phenava: ‚Kala hin mire manuša,‘
a on phenena: ‚O RAJ hino amaro Del.‘ “
දැනට තෝරාගෙන ඇත:
Zacharijaš 13: RMC
සළකුණු කරන්න
බෙදාගන්න
සසඳන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
©The Word for the World International and ©The Word for the World Slovakia, 2023.