MATIEE 'BƆGƲ 4
4
'Jinylozuzukuo 'bhitɩbha wa la-a Sata yɛ Zezwi -ma 'pa
1-Ɩ la'a 'plɩ-a 'bhë, -Lagɔɔ Zuzu 'libhï-a Zezwi 'wʋ 'n ʋ jio-o -ma 'mïsekpa 'klʋ kwa, 'jinylozuzukuo 'bhitɩbha Sata 'kɔ -ma 'paa yɛ. 2Ɔ 'sʋnʋ 'ylɩɛ gwlɩ 'sɔ 'mö lɔlɔ, 'bhë 'n ngɔmʋ jio-a 'lɩbha. 3'N Sata jio-a yawʋ nyini, a nɛ -bha ɔ de: “-N -yɛ 'dɛdɛ'ɛ -Lagɔɔ 'Gu glɩnɩ-ɛ, gba kpïaku -la 'yɛ 'fʋlo zʋ -n 'yɛ li.” 4Sata gba-a sa'a, Zezwi nɛ naa: “Sa'a ɩ 'cɛlɩɔ-ɔ sa'a -ma -Lagɔwɛlɩɛ 'bɔgʋ 'mö naa:
Nɩkpɛ 'na lilie 'bhëë 'nyizee yɛ -bhlɩ.
-Lagɔɔ nglie wɛlɩ mɩ-ɩ -yɛ 'yɛ-a ɔ lili.”
5Zezwi 'nyɛ-ɛ sa'a Sata 'dɩ-ɛ, a 'libhïo-a 'wʋ 'n a -nyɔɔ ji-e -ma Zelwizalɛmö mö, 'n a jio-o -ma -Lagɔbudu 'kadʋɔ 'mlete 'ji sɛ zʋ. 6A nɛ -bha ɔ de naa: “-N -yɛ 'dɛdɛ'ɛ -Lagɔɔ 'Gu glɩnɩ-ɛ, 'pa -najɩ zɔmö, -wʋʋ yɛ-a, sa'a ɩ 'cɛlɩɔ-ɔ sa'a -ma -Lagɔwɛlɩɛ 'bɔgʋ 'mö naa:
-Na yɛ -Lagɔ ji-a ʋ zuzuku 'dɩ 'nyɛɛ ɩ -kamö 'ji zʋ,
'bhë ɩ -kamö-a cɛ'ɛ -su -na kple ji-e kpiyi gozo.”
7A gba-a sa'a, Zezwi nɛ naa: “Sa'a ɩ 'cɛlɩɔ 'yɛ-ɛ sa'a -ma -Lagɔwɛlɩɛ 'bɔgʋ 'mö naa:
-N 'na-a jɩla -na Nyininyɔ -Lagɔ 'mö -nɩ.”
8Sata 'libhïo-a 'wʋ, 'n a -nyɔɔ ji-e -ma -gɔgɔgbʋ 'kadʋ -bhlʋ 'klʋ mö. A tuluanɩɔ-a ma'a 'pɩ 'wʋɔ wʋlʋwʋlʋgwlɩ 'bhuo -yɛ ɩ 'nglɩmöli 'sɔ 'ji 'bhë-ë, 9a nɛ -bha ɔ de naa: “-Ɩ -la 'bhuo, -amö-ö nyiniɩ -bha, -n -yɛ -bha na dlɩ'ɩ -kokomunigbö glu 'pa, -n ka'a bʋbɔ n -jimɩ 'ye 'nyɛ.” 10Zezwi nɛ naa: “Sata! 'Pa -najɩ nimï, -wʋʋ yɛ-a, sa'a ɩ 'cɛlɩɔ-ɔ sa'a -ma -Lagɔwɛlɩɛ 'bɔgʋ 'mö naa:
-Na Nyininyɔ -Lagɔɔ 'nyize -n ji-a bʋbɔɔ,
ʋ 'nyize mʋ -n ji-a 'ji -wʋɔ.”
11Zezwi 'nyɛ-ɛ sa'a Sata 'dɩ 'n a jio-a yawʋ 'bhö-ö. 'N -Lagɔzuzuku jio-a yawʋ nyini, 'n ɩ jio-a 'ji -wʋ.
Zezwi yɛ -Lagɔlibho tɛ-ɛ
12Zezwi 'nʋ-ɔ naa, wa yɛ Za Badizɩ köbha wa kɔ -die 'mö 'pa 'bhë-ë, ɔ -sɔ-a 'wʋ 'n ɔ ji-e -ma Galilee dʋdʋ -gömö mö. 13Ɔ mö-a, ɔ tɩ -bha ɔ 'bhɩaa 'gbë Nazalɛtɩ, Izlayɛlɩɛ -gligbï 'sɔ wa la-a Zabilɔ -yɛ Nɛfötali 'sɔɔ yawʋɔ -glɔ wa la-a Kapɛnaɔmö, -ʋ glɩ-ɛ -bha gïnyi yawʋ, 'n ɔ ji-e -ma ʋ 'mö sɛ glɩɛ mö. 14-Ɩ -Lagɔɔ 'mögbanɩnyɔ Ezayi gba la-a 'yɛ 'wʋ 'wlenɩɛ yɛ ɩ 'plɩ-ɛ -sɩbha. Sa'a ɔ gba la-a naa:
15“Zabilɔɔ -gwlɩyi,
Nɛfötalie -gwlɩyi,
abha glɩ-ɛ -ma gïnyie 'yuogblʋ'ʋ,
-ma Zludɛ -gömö abha wa la-a Galilengwa -waa -Lagɔ -ji,
a pönɩ 'yukwli. Sa'a -Lagɔ gba-a naa:
16Nɩkpa la'a -wa glɩ la-a -ma 'misikpoko 'mö,
wa yɛ yʋlokpë 'kada yɩlɩ 'bhë,
-wa glɩ la-a -ma tlɩtlɩmisikpoko 'mö,
yʋlokpë kʋa -gömö ngöna 'bhë.”
17Zezwi nyini-e -ma dʋdʋ la'a -gömö-ö, -ma ɔ tɛnɩ-a -Lagɔwɛlɩɛ gbagbʋ, 'n ɔ nʋ-a: “A ligba a 'yɛ a 'jinyloli cɛ 'mö -sa, -Lagɔɔ nyininyinipɩ yɛ -kɔnyɩ nyininɩ 'bhë.”
Zezwi yɛ ɔ taka -wʋbhlinɩngwa wɔzɩ
18'Ylɩ -bhlʋ, Zezwi-e -bha Galilee gïnyie -kʋkʋngoyawʋ namönɩ 'le 'n ɔ ji-a -dagwie 'sɔ yɩlɩ. -Bhlʋɔ nglɩ-ɩ -yɛ-a Simo, 'mɔ wa la la 'yɛ-a Piɛlɩ, -mɔbhaa nglɩ-ɩ -yɛ-a Adle. 'Nyidɔngwa wa glɩnɩ -bhaa yɛ, wa-a -ma 'nyi 'mö -dadɩ 'pa 'le 'n ɔ jua-a -bha ghlɩ. 19Ɔ yɩlʋa-a, 'n ɔ jua-a wɔzɩ, ɔ nɛ: “A ji'i 'bɩ n 'kaya nɩkpatɩtlɩngwa 'wʋ zʋa.” 20Zezwi gba-a sa'a wa de, -bha -gaganɩlɩ'ɩ 'n wa ji-e -bha wa -dadɩ tɩ, 'n wa jio-a 'bɩ bhlinɩ.
21Ɔ nyini-e -bha 'yude, 'n ɔ ji 'yɛ-a -dagwie -mʋmʋa 'sɔ yɩlɩ. -Bhlʋɔ nglɩ-ɩ -yɛ-a Zakö, -mɔbhaa nglɩ-ɩ -yɛ-a Za, nɩkpɛ -bhlʋ wa la-a Zebede, ɔ gwie la -bha. Wa -yɛ wa -tɩbha 'sɔ glɩ -ma 'gɔlʋ 'mö wa-a wa -dadɩ göganɩ 'le, 'n ɔ jua-a wɔzɩ. 22-Bha -gaganɩlɩ'ɩ, 'n wa ji-e -ma wa -tɩbha 'gɔlʋ 'mö tɩ 'n wa jio-a 'bɩ bhlinɩ.
23-Ma Galilee -gwlɩ 'bhuo -gömö Zezwi 'plɩnɩ la -bha, 'n ɔ 'panɩ-ɛ -maa -Lagɔbudi 'bhuo 'mö nɩkpa -Lagɔwɛlɩ ngli. 'Tɩtɩɛ -tɩtɩ -ɩ gba-a -Lagɔɔ nyininyinipɩɛ gbʋ 'n ɔ biɩ -bha, nɩkpa -wa gwi -wʋ-a 'lɩbha 'le, -wa ka 'yɛ-a nɩmalɩ 'n ɔ göpö-a wa 'bhuo. 24Ɔ 'nglɩ mö-a, -ma Silie dʋdʋ 'bhuo -gömö ɩ bhɩa-a 'ji. 'N nɩkpa 'bhönɩ-a de 'bhuo, wa -su guzungwa 'n wa lʋa-a Zezwi. 'Jinylozuzukuo -gömökangwa-a, -sukusukulɩbhangwa-a, 'kplakplangwa-a, sa wa -yɛ wa 'bhuo ji-a -sɩbha ɔ göpʋa -bha. 25'N nɩkpaa -bebe jio-a 'bɩ bhlinɩ. -Mʋmʋa 'bhönɩ Galilee dʋdʋ -gömö, -gwlɩ -ɩ -wʋ-a kugbïaa yɛ wa la-a Dekapɔlʋ -mʋmʋa 'bhönɩ -ma ɩ 'mö, -mʋmʋa 'bhönɩ Zelwizalɛmö, -mʋmʋa 'bhönɩ Zwidee dʋdʋ -gömö, -mʋmʋa 'bhönɩ -ma Zludɛ -gömöö -gwlɩ yawʋ, wa 'bhuo 'n wa -ganɩ-a Zezwi.
දැනට තෝරාගෙන ඇත:
MATIEE 'BƆGƲ 4: BNT96
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
Bete New Testament © Bible Society of Côte d'Ivoire 1996
MATIEE 'BƆGƲ 4
4
'Jinylozuzukuo 'bhitɩbha wa la-a Sata yɛ Zezwi -ma 'pa
1-Ɩ la'a 'plɩ-a 'bhë, -Lagɔɔ Zuzu 'libhï-a Zezwi 'wʋ 'n ʋ jio-o -ma 'mïsekpa 'klʋ kwa, 'jinylozuzukuo 'bhitɩbha Sata 'kɔ -ma 'paa yɛ. 2Ɔ 'sʋnʋ 'ylɩɛ gwlɩ 'sɔ 'mö lɔlɔ, 'bhë 'n ngɔmʋ jio-a 'lɩbha. 3'N Sata jio-a yawʋ nyini, a nɛ -bha ɔ de: “-N -yɛ 'dɛdɛ'ɛ -Lagɔɔ 'Gu glɩnɩ-ɛ, gba kpïaku -la 'yɛ 'fʋlo zʋ -n 'yɛ li.” 4Sata gba-a sa'a, Zezwi nɛ naa: “Sa'a ɩ 'cɛlɩɔ-ɔ sa'a -ma -Lagɔwɛlɩɛ 'bɔgʋ 'mö naa:
Nɩkpɛ 'na lilie 'bhëë 'nyizee yɛ -bhlɩ.
-Lagɔɔ nglie wɛlɩ mɩ-ɩ -yɛ 'yɛ-a ɔ lili.”
5Zezwi 'nyɛ-ɛ sa'a Sata 'dɩ-ɛ, a 'libhïo-a 'wʋ 'n a -nyɔɔ ji-e -ma Zelwizalɛmö mö, 'n a jio-o -ma -Lagɔbudu 'kadʋɔ 'mlete 'ji sɛ zʋ. 6A nɛ -bha ɔ de naa: “-N -yɛ 'dɛdɛ'ɛ -Lagɔɔ 'Gu glɩnɩ-ɛ, 'pa -najɩ zɔmö, -wʋʋ yɛ-a, sa'a ɩ 'cɛlɩɔ-ɔ sa'a -ma -Lagɔwɛlɩɛ 'bɔgʋ 'mö naa:
-Na yɛ -Lagɔ ji-a ʋ zuzuku 'dɩ 'nyɛɛ ɩ -kamö 'ji zʋ,
'bhë ɩ -kamö-a cɛ'ɛ -su -na kple ji-e kpiyi gozo.”
7A gba-a sa'a, Zezwi nɛ naa: “Sa'a ɩ 'cɛlɩɔ 'yɛ-ɛ sa'a -ma -Lagɔwɛlɩɛ 'bɔgʋ 'mö naa:
-N 'na-a jɩla -na Nyininyɔ -Lagɔ 'mö -nɩ.”
8Sata 'libhïo-a 'wʋ, 'n a -nyɔɔ ji-e -ma -gɔgɔgbʋ 'kadʋ -bhlʋ 'klʋ mö. A tuluanɩɔ-a ma'a 'pɩ 'wʋɔ wʋlʋwʋlʋgwlɩ 'bhuo -yɛ ɩ 'nglɩmöli 'sɔ 'ji 'bhë-ë, 9a nɛ -bha ɔ de naa: “-Ɩ -la 'bhuo, -amö-ö nyiniɩ -bha, -n -yɛ -bha na dlɩ'ɩ -kokomunigbö glu 'pa, -n ka'a bʋbɔ n -jimɩ 'ye 'nyɛ.” 10Zezwi nɛ naa: “Sata! 'Pa -najɩ nimï, -wʋʋ yɛ-a, sa'a ɩ 'cɛlɩɔ-ɔ sa'a -ma -Lagɔwɛlɩɛ 'bɔgʋ 'mö naa:
-Na Nyininyɔ -Lagɔɔ 'nyize -n ji-a bʋbɔɔ,
ʋ 'nyize mʋ -n ji-a 'ji -wʋɔ.”
11Zezwi 'nyɛ-ɛ sa'a Sata 'dɩ 'n a jio-a yawʋ 'bhö-ö. 'N -Lagɔzuzuku jio-a yawʋ nyini, 'n ɩ jio-a 'ji -wʋ.
Zezwi yɛ -Lagɔlibho tɛ-ɛ
12Zezwi 'nʋ-ɔ naa, wa yɛ Za Badizɩ köbha wa kɔ -die 'mö 'pa 'bhë-ë, ɔ -sɔ-a 'wʋ 'n ɔ ji-e -ma Galilee dʋdʋ -gömö mö. 13Ɔ mö-a, ɔ tɩ -bha ɔ 'bhɩaa 'gbë Nazalɛtɩ, Izlayɛlɩɛ -gligbï 'sɔ wa la-a Zabilɔ -yɛ Nɛfötali 'sɔɔ yawʋɔ -glɔ wa la-a Kapɛnaɔmö, -ʋ glɩ-ɛ -bha gïnyi yawʋ, 'n ɔ ji-e -ma ʋ 'mö sɛ glɩɛ mö. 14-Ɩ -Lagɔɔ 'mögbanɩnyɔ Ezayi gba la-a 'yɛ 'wʋ 'wlenɩɛ yɛ ɩ 'plɩ-ɛ -sɩbha. Sa'a ɔ gba la-a naa:
15“Zabilɔɔ -gwlɩyi,
Nɛfötalie -gwlɩyi,
abha glɩ-ɛ -ma gïnyie 'yuogblʋ'ʋ,
-ma Zludɛ -gömö abha wa la-a Galilengwa -waa -Lagɔ -ji,
a pönɩ 'yukwli. Sa'a -Lagɔ gba-a naa:
16Nɩkpa la'a -wa glɩ la-a -ma 'misikpoko 'mö,
wa yɛ yʋlokpë 'kada yɩlɩ 'bhë,
-wa glɩ la-a -ma tlɩtlɩmisikpoko 'mö,
yʋlokpë kʋa -gömö ngöna 'bhë.”
17Zezwi nyini-e -ma dʋdʋ la'a -gömö-ö, -ma ɔ tɛnɩ-a -Lagɔwɛlɩɛ gbagbʋ, 'n ɔ nʋ-a: “A ligba a 'yɛ a 'jinyloli cɛ 'mö -sa, -Lagɔɔ nyininyinipɩ yɛ -kɔnyɩ nyininɩ 'bhë.”
Zezwi yɛ ɔ taka -wʋbhlinɩngwa wɔzɩ
18'Ylɩ -bhlʋ, Zezwi-e -bha Galilee gïnyie -kʋkʋngoyawʋ namönɩ 'le 'n ɔ ji-a -dagwie 'sɔ yɩlɩ. -Bhlʋɔ nglɩ-ɩ -yɛ-a Simo, 'mɔ wa la la 'yɛ-a Piɛlɩ, -mɔbhaa nglɩ-ɩ -yɛ-a Adle. 'Nyidɔngwa wa glɩnɩ -bhaa yɛ, wa-a -ma 'nyi 'mö -dadɩ 'pa 'le 'n ɔ jua-a -bha ghlɩ. 19Ɔ yɩlʋa-a, 'n ɔ jua-a wɔzɩ, ɔ nɛ: “A ji'i 'bɩ n 'kaya nɩkpatɩtlɩngwa 'wʋ zʋa.” 20Zezwi gba-a sa'a wa de, -bha -gaganɩlɩ'ɩ 'n wa ji-e -bha wa -dadɩ tɩ, 'n wa jio-a 'bɩ bhlinɩ.
21Ɔ nyini-e -bha 'yude, 'n ɔ ji 'yɛ-a -dagwie -mʋmʋa 'sɔ yɩlɩ. -Bhlʋɔ nglɩ-ɩ -yɛ-a Zakö, -mɔbhaa nglɩ-ɩ -yɛ-a Za, nɩkpɛ -bhlʋ wa la-a Zebede, ɔ gwie la -bha. Wa -yɛ wa -tɩbha 'sɔ glɩ -ma 'gɔlʋ 'mö wa-a wa -dadɩ göganɩ 'le, 'n ɔ jua-a wɔzɩ. 22-Bha -gaganɩlɩ'ɩ, 'n wa ji-e -ma wa -tɩbha 'gɔlʋ 'mö tɩ 'n wa jio-a 'bɩ bhlinɩ.
23-Ma Galilee -gwlɩ 'bhuo -gömö Zezwi 'plɩnɩ la -bha, 'n ɔ 'panɩ-ɛ -maa -Lagɔbudi 'bhuo 'mö nɩkpa -Lagɔwɛlɩ ngli. 'Tɩtɩɛ -tɩtɩ -ɩ gba-a -Lagɔɔ nyininyinipɩɛ gbʋ 'n ɔ biɩ -bha, nɩkpa -wa gwi -wʋ-a 'lɩbha 'le, -wa ka 'yɛ-a nɩmalɩ 'n ɔ göpö-a wa 'bhuo. 24Ɔ 'nglɩ mö-a, -ma Silie dʋdʋ 'bhuo -gömö ɩ bhɩa-a 'ji. 'N nɩkpa 'bhönɩ-a de 'bhuo, wa -su guzungwa 'n wa lʋa-a Zezwi. 'Jinylozuzukuo -gömökangwa-a, -sukusukulɩbhangwa-a, 'kplakplangwa-a, sa wa -yɛ wa 'bhuo ji-a -sɩbha ɔ göpʋa -bha. 25'N nɩkpaa -bebe jio-a 'bɩ bhlinɩ. -Mʋmʋa 'bhönɩ Galilee dʋdʋ -gömö, -gwlɩ -ɩ -wʋ-a kugbïaa yɛ wa la-a Dekapɔlʋ -mʋmʋa 'bhönɩ -ma ɩ 'mö, -mʋmʋa 'bhönɩ Zelwizalɛmö, -mʋmʋa 'bhönɩ Zwidee dʋdʋ -gömö, -mʋmʋa 'bhönɩ -ma Zludɛ -gömöö -gwlɩ yawʋ, wa 'bhuo 'n wa -ganɩ-a Zezwi.
දැනට තෝරාගෙන ඇත:
:
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
Bete New Testament © Bible Society of Côte d'Ivoire 1996