MATIEE 'BƆGƲ 3
3
Za Badizɩɛ -Lagɔwɛlɩ ɔ gba-a mɩ-ɛ la'a
1-Bhaa do'o, -ma Zwidee dʋdʋ -gömöö 'mïsekpa 'klʋ, nɩkpɛ -bhlʋ ji-e -ma 'mɔ wa la-a Za Badizɩ, 'n ɔ gba-a nɩkpaa de -Lagɔwɛlɩ, 2'n ɔ nʋ-a: “A ligba a 'yɛ a 'jinyloli 'ji 'tatinɩ. -Lagɔɔ nyininyinipɩ yɛ -kɔnyɩ nyini 'bhë.” 3Zaa yɛ -Lagɔɔ 'mögbanɩnyɔ Ezayi 'cɛlɩ-ɛ sa'a -ma ɔ -Lagɔbɔgʋ 'mö naa:
“Nɩkpɛ -bhlʋ kpö-ö -ma 'mïsekpa 'klʋ 'mö,
ɔ nɛ naa: A -sa -aa Nyininyɔɔ 'yuogblʋɩ,
a slɛmanɩɩ 'mö, ɔ-ɔ ji 'le.”
4'Mɔ Za Badizɩ, nɩmakubana ɔ ka la-a 'mö, 'n ɔ jia-a nɩmakubɛdlʋ -gömö bhlɩ. -Gagö -yɛ lʋɔ 'kpö 'sɔ mɩ-ɩ -yɛ la-a ɔ lili. 5Ɔ -wʋ-ɔ -sɩbha -Lagɔwɛlɩ gba 'le-e, 'n -ma Zelwizalɛmöö nɩkpa-a, Zwidee dʋdʋ 'bhuo -gömöö nɩkpa -yɛ 'nyi wa la-a Zludɛɛ yawʋɔ -gwlɩ 'bhuoo yawʋɔ nɩkpa 'sɔ jio-o -bha ghlɩ. 6Wa -yɛ wa 'jinylolie 'bui -sa, 'n ɔ badizenʋa-a -ma Zludɛ 'mö.
7'Zwiföaa -zakpa wa la-a falizɩɛ -yɛ -ma wa la-a sadwisɩɛ 'sɔɔ gla'aa nɩkpa -mʋmʋa ghlɩ-ɛ -bha Za Badizɩ ɔ 'kʋa badizee yɛ. Ɔ yɩlʋa-a, ɔ nɛ -bha wa de naa: “'Mʋtɩmabhönɩkpayi, -Lagɔɔ -zijle 'kada -aa de-e -wʋ-a nyini 'le, -mɔ 'paya-a 'nagö dlɩ'ɩ naa a fitonʋa ngli 'nɩ? 8A nʋ -ɩ la'a -ɩ tulua naa a yɛ 'dɛdɛ'ɛ ligba a yɛ a 'jinyloli 'ji 'tatinɩ 'bhë. 9A 'na-a 'pa dlɩ -nɩ naa, Ablaamöö ngëyi a glɩnɩ-aa yɛ, -ɩ la'a 'nɩya-a 'wʋ yɩlɩ -nɩ. Sa'a n gba-a sa'a a de naa: Tɩkpaku a jɩnɩ-ɛ -la 'wʋ, -Lagɔ bhɛlɩ ʋ 'kɩ 'wʋ 'libhï ʋ 'kɩ Ablaamöö ngëyi 'wʋ zʋa. 10A jɩblɩnɩ sɛ naa wa yɛ -bha 'gbïpö swie gu yawʋ sɛ zʋ 'bhë wa 'kɩ 'klaa yɛ. Swi la'a -ɩ 'nɩ tlʋ-a 'bhïë bhï, glu wa jiɩ-a 'klanɩɛ wa 'kɩ sia. 11Abha su-o -la, abha n nyɛ-a 'dɩ naa: -Amöö -nɩ-ɛ, 'nyuo 'nyize n wʋya na-a badizenɩ 'le. Nɩkpɛ -ɔ -ga-a -ma na nimï-ë, ɔ 'tɛ-ɛ 'mö ɔ zi'i. N 'kɔ -gbabʋa 'bhëë 'fʋ bhʋ'ʋ -sa n 'nɩ 'wʋ -ngwa. Ɔ -yɛ -nɩ ji-e, Zuzu 'Wlawla -yɛ -kosu 'sɔ nya ɔ jiya-a badizenɩɛ. 12Ɔ -su ɔ bötɛ cɛ'ɛ ɔ 'yɛ 'sɩka 'mö pʋ. Ɔ -kaa 'mö pʋ, -a -yɛ-a -laa -la, 'ma ɔ ji-a -digbagbʋ 'mö 'paa. 'Sɩkaflɩɛ -nɩ-ɛ, -kosu -ʋ 'na-a 'ngïmo, -ma ʋ 'mö ɔ jiɩ-a 'paa.”
Za Badizɩ yɛ Zezwi badize
13-Bhaa do'o, Zezwi 'bhö-ö -ma Galilee dʋdʋ -gömö, 'n ɔ ji-a Za Badizɩ -ma Zludɛ yawʋ ghlɩ, ɔ 'kɔ badizee yɛ. 14Za 'nɩɩ-ɩ 'wʋ nglu, ɔ nɛ -bha Zezwie de naa: “-Nmö n 'yɛ la-a -bha ghlɩ -n ka'a badize-e, -nmö ji-e ma'a na 'bhɛyɩ n -kamö badizee?” 15Ɔ gba-a sa'a, Zezwi nɛ -bha ɔ de naa: “'Tatinɩɩ 'ji, -badize'e, -wʋʋ yɛ-a, -ɩ la'a 'bhuo -ɩ nanɩ-a -Lagɔ dlɩ yawʋ -sɩbha -a jiɩ-a nʋɔ.” 'N Za ji-a ɔ badizegbʋ nglu.
16Ɔ badizo-a, Zezwi 'wlʋ-ɔ -ma 'nyi 'mö 'n nglagatapɛ ji-a ngo walɩ. Ɔ jɩnɩ -Lagɔɔ Zuzu 'wʋ, 'n ʋ jio-a -gömö sɛ 'sibhë. -N -kʋʋ yɩlɩ ʋ -bhlee 'gblɩ. 17'N wɛlɩ ji-e -ma -Lagɔtapɛ'ɛ 'bhönɩ, ɩ nɛ naa: “-Ɔ la'a na dlɩɛ sɛkagu -bha. Ɔ -gömö n zʋ-a na dlɩ 'bhuo yɛ.”
දැනට තෝරාගෙන ඇත:
MATIEE 'BƆGƲ 3: BNT96
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
Bete New Testament © Bible Society of Côte d'Ivoire 1996
MATIEE 'BƆGƲ 3
3
Za Badizɩɛ -Lagɔwɛlɩ ɔ gba-a mɩ-ɛ la'a
1-Bhaa do'o, -ma Zwidee dʋdʋ -gömöö 'mïsekpa 'klʋ, nɩkpɛ -bhlʋ ji-e -ma 'mɔ wa la-a Za Badizɩ, 'n ɔ gba-a nɩkpaa de -Lagɔwɛlɩ, 2'n ɔ nʋ-a: “A ligba a 'yɛ a 'jinyloli 'ji 'tatinɩ. -Lagɔɔ nyininyinipɩ yɛ -kɔnyɩ nyini 'bhë.” 3Zaa yɛ -Lagɔɔ 'mögbanɩnyɔ Ezayi 'cɛlɩ-ɛ sa'a -ma ɔ -Lagɔbɔgʋ 'mö naa:
“Nɩkpɛ -bhlʋ kpö-ö -ma 'mïsekpa 'klʋ 'mö,
ɔ nɛ naa: A -sa -aa Nyininyɔɔ 'yuogblʋɩ,
a slɛmanɩɩ 'mö, ɔ-ɔ ji 'le.”
4'Mɔ Za Badizɩ, nɩmakubana ɔ ka la-a 'mö, 'n ɔ jia-a nɩmakubɛdlʋ -gömö bhlɩ. -Gagö -yɛ lʋɔ 'kpö 'sɔ mɩ-ɩ -yɛ la-a ɔ lili. 5Ɔ -wʋ-ɔ -sɩbha -Lagɔwɛlɩ gba 'le-e, 'n -ma Zelwizalɛmöö nɩkpa-a, Zwidee dʋdʋ 'bhuo -gömöö nɩkpa -yɛ 'nyi wa la-a Zludɛɛ yawʋɔ -gwlɩ 'bhuoo yawʋɔ nɩkpa 'sɔ jio-o -bha ghlɩ. 6Wa -yɛ wa 'jinylolie 'bui -sa, 'n ɔ badizenʋa-a -ma Zludɛ 'mö.
7'Zwiföaa -zakpa wa la-a falizɩɛ -yɛ -ma wa la-a sadwisɩɛ 'sɔɔ gla'aa nɩkpa -mʋmʋa ghlɩ-ɛ -bha Za Badizɩ ɔ 'kʋa badizee yɛ. Ɔ yɩlʋa-a, ɔ nɛ -bha wa de naa: “'Mʋtɩmabhönɩkpayi, -Lagɔɔ -zijle 'kada -aa de-e -wʋ-a nyini 'le, -mɔ 'paya-a 'nagö dlɩ'ɩ naa a fitonʋa ngli 'nɩ? 8A nʋ -ɩ la'a -ɩ tulua naa a yɛ 'dɛdɛ'ɛ ligba a yɛ a 'jinyloli 'ji 'tatinɩ 'bhë. 9A 'na-a 'pa dlɩ -nɩ naa, Ablaamöö ngëyi a glɩnɩ-aa yɛ, -ɩ la'a 'nɩya-a 'wʋ yɩlɩ -nɩ. Sa'a n gba-a sa'a a de naa: Tɩkpaku a jɩnɩ-ɛ -la 'wʋ, -Lagɔ bhɛlɩ ʋ 'kɩ 'wʋ 'libhï ʋ 'kɩ Ablaamöö ngëyi 'wʋ zʋa. 10A jɩblɩnɩ sɛ naa wa yɛ -bha 'gbïpö swie gu yawʋ sɛ zʋ 'bhë wa 'kɩ 'klaa yɛ. Swi la'a -ɩ 'nɩ tlʋ-a 'bhïë bhï, glu wa jiɩ-a 'klanɩɛ wa 'kɩ sia. 11Abha su-o -la, abha n nyɛ-a 'dɩ naa: -Amöö -nɩ-ɛ, 'nyuo 'nyize n wʋya na-a badizenɩ 'le. Nɩkpɛ -ɔ -ga-a -ma na nimï-ë, ɔ 'tɛ-ɛ 'mö ɔ zi'i. N 'kɔ -gbabʋa 'bhëë 'fʋ bhʋ'ʋ -sa n 'nɩ 'wʋ -ngwa. Ɔ -yɛ -nɩ ji-e, Zuzu 'Wlawla -yɛ -kosu 'sɔ nya ɔ jiya-a badizenɩɛ. 12Ɔ -su ɔ bötɛ cɛ'ɛ ɔ 'yɛ 'sɩka 'mö pʋ. Ɔ -kaa 'mö pʋ, -a -yɛ-a -laa -la, 'ma ɔ ji-a -digbagbʋ 'mö 'paa. 'Sɩkaflɩɛ -nɩ-ɛ, -kosu -ʋ 'na-a 'ngïmo, -ma ʋ 'mö ɔ jiɩ-a 'paa.”
Za Badizɩ yɛ Zezwi badize
13-Bhaa do'o, Zezwi 'bhö-ö -ma Galilee dʋdʋ -gömö, 'n ɔ ji-a Za Badizɩ -ma Zludɛ yawʋ ghlɩ, ɔ 'kɔ badizee yɛ. 14Za 'nɩɩ-ɩ 'wʋ nglu, ɔ nɛ -bha Zezwie de naa: “-Nmö n 'yɛ la-a -bha ghlɩ -n ka'a badize-e, -nmö ji-e ma'a na 'bhɛyɩ n -kamö badizee?” 15Ɔ gba-a sa'a, Zezwi nɛ -bha ɔ de naa: “'Tatinɩɩ 'ji, -badize'e, -wʋʋ yɛ-a, -ɩ la'a 'bhuo -ɩ nanɩ-a -Lagɔ dlɩ yawʋ -sɩbha -a jiɩ-a nʋɔ.” 'N Za ji-a ɔ badizegbʋ nglu.
16Ɔ badizo-a, Zezwi 'wlʋ-ɔ -ma 'nyi 'mö 'n nglagatapɛ ji-a ngo walɩ. Ɔ jɩnɩ -Lagɔɔ Zuzu 'wʋ, 'n ʋ jio-a -gömö sɛ 'sibhë. -N -kʋʋ yɩlɩ ʋ -bhlee 'gblɩ. 17'N wɛlɩ ji-e -ma -Lagɔtapɛ'ɛ 'bhönɩ, ɩ nɛ naa: “-Ɔ la'a na dlɩɛ sɛkagu -bha. Ɔ -gömö n zʋ-a na dlɩ 'bhuo yɛ.”
දැනට තෝරාගෙන ඇත:
:
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
Bete New Testament © Bible Society of Côte d'Ivoire 1996