Matié 3
3
Isáaŋ Etuúsí
(Mat 1.2-6; Lúk 3.1-6; Isŋ 1.19-23)
1Á maátakáánɛ mɔɔ́sí Isáaŋ Etuúsí é waasuunɔk ɔ́ kiɔ́ndiɔ kí Yúte, ukémé, wɔɔyɔ ɛ́ɛ́: 2«Ánupíkúŋuna, pufuŋ pú muɛnɛ́ kanyɛ mekúyekúye.» 3Isáaŋ nyɛ mɔɔnd ewú eŋémímekélíe má Támbák Isayí meékémé wɔɔyɔ ɛ́ɛ́: «Ekelú ú mɔɔnd ɔ́ɔ́kɔ́mɔ ɔ́ kiɔ́ndíɔ wɔɔyɔ ɛ́ɛ́: Ɛ́nutɛ́fɛ́n: Ɔkɔ́n iŋilí, énuténíkényényí piáŋ píɛ́yɛ́!» 4Isáaŋ mapiánán indífɔnɔ́ i piɔyɔ́ pí pulúk, pápílanɛ́ ɛ́ɛ́ samó. Kiamaám kí kiyɔ á nitál. Upíóyosi na pitandá no puókí. 5Pɛɛndɔ pé Yelúsalɛm, ne pé Yúte kitikit, ne epé pɔ́pɔŋɔnɛ́ mɛŋɛ́l mé Sulutɛ́ŋ yuukan ku Isáaŋ; 6ɛ́ɛ́ útuenen pɔ́ é Sulutiŋ, kɔ́ɔk ɛ́ɛ́ pámámaná apípalan pifal píɔ́p.
Isáaŋ áápílan pɛɛnd ɛ́ɛ́ pápíkúŋuna
(Lúk 3.7-9)
7Aná umɛɛ́nɛ́n kutek kú pɛɛnd pɔ́ ɔlɔŋ ú Pafalisiɛ́ŋ nɔ pɔ́ ɔlɔŋ ú pá Satuseyɛ́ŋ ɛ́ɛ́ útuenen pɔ́ɔ, wɔ́ kɔ́ɔ́p ɛ́ɛ́: «Nisípi ní imfɛny enie, ɛ́nyɛ́ weényínútíínyí kipán kí kupínɔɔn ilópi yóólonée? 8Ánupián meelínyé métíínyényé kupíkúŋɔn kúánɔ́. 9Nutipián imbítáákítɛ́n inyɛɛ́ ɛ́ɛ́: tunyɛ nindaanda ní Ápilaháam. Yɔɔ́núɔ́yɔn pú ɛ́ɛ́ atányí eye nuɛ́nɛnɛ́ɛ, Támbák nyɛ kuéyi yɔ́ paán pá Ápilaháam. 10Índɛ́, yaák kanyi mekúye á kusíŋila aŋaŋá ú putɛ́: putɛ́ kitikit pútiányípá púómo pinɔ́k pí masamɔ́ páányísɔ́mb púu póond póombin púu é yiik.
Induén i moomb ni induén i yiik
(Mat 1.7-8; Lúk 3.15-18; Isŋ 1.24-28)
11«Niŋúɛ Isáaŋɛ yeénútuenen ó moomb é kutíínyi ɛ́ɛ́ numéséndí kusɔ́t; maná ewú woóloné káámɛ é kélém, áákindápukan pukaaka, indipá ké etényí ú kuoluno wɔ́ pipɔ́kɔ́t piɛ́yɛ́. wɔ́ weényínútuenen ké Emfúnukufúúmɛ ne yiik. 12Unyɛ ne kipinyé kíɛ́yɛ́ kɔ́ ɔmbɔ́k, ukɛyɛ́kɛ pelé wɛɛyɛ́ á kuákan á kisasá; Pikuti, weényípikesi pɛ́ɛ é yiik ítiánípá íwéen.»
Isáaŋ métuú Yésuse
(Mál 1.9-11; Lúk 3.21-22; Isŋ 1.29-34)
13Akáánɛ́, Yésuse waasuunɔk woólinon Kalilée uyuukan é Sulutiŋ ku Isáaŋ Etuúsí ɛ́ɛ́ Isáaŋ tuu wɔ. 14Isáaŋɛ wɛɛl úsáŋɔn, ukanyɛɛ́ «niiŋú imbiananɛ́ kilɔ́ɔ́ŋɛ́t ɛ́ɛ́ índuu, maná aŋúɛ oólon kuami á?» 15Maná Yésuse woondinyi wɔ́ ɛ́ɛ́: yapá púú nɔ, anakáánɛ́ tuɛsikɛɛnɛnɛ́ kuwóónyi epú punyɛɛ́ indɛ́ndɛ́nɛ. Isáaŋɛ kusulun kɔk imbɔk. 16É kélém kú induén, Yésus ááman ó moomb ó, mɛnɛ́mɛnɛ́ɛ wɛɛ́: kiliínditíe kí Támbák selene ɛlɛ́ɛ kipa, kíólinon wɔ! 17Ekelú ólinon mɛnɛ́mɛnɛ́ɛ, wɔ́ɔyɔ ɛ́ɛ́: «Ewe, nyɛ muɔ́nɔ́ áámɛ u ɔtɛ́m, wɔ́ imaáyɔɔ́n na anyamɔ́.»
දැනට තෝරාගෙන ඇත:
Matié 3: yav
සළකුණු කරන්න
පිටපත් කරන්න
සසඳන්න
බෙදාගන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
© 2026, CABTAL