Первое послание к Коринфянам 5
5
1Отнюд слышится в вас блужение, и таково блужение, яковоже ни во языцех именуется, яко некоему имети жену отчую. 2И вы разгордесте, и не паче плакасте, да измется от среды вас содеявый дело сие. 3Зане аз убо аще не у вас сый телом, ту же живый духом, уже судих, яко тамо сый: содеявшаго сице сие, 4о имени Господа нашего Иисуса Христа собравшымся вам и моему духу, с силою Господа нашего Иисуса Христа, 5предати таковаго сатане во измождение плоти, да дух спасется в день Господа нашего Иисуса Христа. 6Не добра похвала ваша. Не весте ли, яко мал квас все смешение квасит? 7Очистите убо ветхий квас, да будете ново смешение, якоже есте безквасни: ибо пасха наша за ны пожрен бысть Христос. 8Темже да празднуем не в квасе ветсе, ни в квасе злобы и лукавства, но в безквасиих чистоты и истины. 9Писах вам в послании не примешатися блудником: 10и не всяко блудником мира сего, или лихоимцем, или хищником, или идолослужителем, понеже убо должни бы есте были от мира (сего) изыти: 11ныне же писах вам не примешатися, аще некий, брат именуемь, будет блудник, или лихоимец, или идолослужитель, или досадитель, или пияница, или хищник: с таковым ниже ясти. 12Что бо ми и внешних судити? Не внутренних ли вы судите? 13Внешних же Бог судит. И измите злаго от вас самех.
දැනට තෝරාගෙන ඇත:
Первое послание к Коринфянам 5: CSLAV
සළකුණු කරන්න
පිටපත් කරන්න
සසඳන්න
බෙදාගන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න